巴克禮普世版(試讀本) 羅馬書第五章
Tùi信Kah上 主和好
1既然咱tùi信hō͘上 主叫 做義 人,就 通 過主耶穌基督kah上 主有和好ê關 係。2通 過咱ê信,基督引chhōa咱進 入現 在teh享 受ê恩 典,歡 歡 喜喜ǹg望thang分 享上 主ê榮 光。3 M̄ nā ánne,咱tī苦 難 中,猶 原tio̍h滿 心喜樂,因為咱 知,苦 難生 出忍 耐,4忍 耐生 出老 練,老 練生 出ǹg望,5 Chitê ǹg望bē hō͘咱失 望,因為上 主已經通 過祂,賞賜咱ê聖 神將疼灌ak咱ê心。6因為咱iáu軟 弱ê時,基督tī上 主定tio̍h ê日子,為tio̍h有罪ê人死。7真罕得有人會替義 人死,kiámchhái有人敢替好 人死。8 M̄ koh上 主有顯 明祂對咱ê疼,咱iáu是罪 人ê時,有基督替咱死。9基督ê流 血犧 牲,m̄ nā hō͘咱chitmá kah上 主有和合ê關 係,kohkhah會救咱脫 離上 主ê受氣。10因為咱iáu teh悖 逆上 主ê時,祂hō͘家己ê Kiáⁿ替咱死,hō͘咱kah祂koh再和好。既然咱chitmá已經得tio̍h kah祂和好,咱會kohkhah因為基督ê活來得tio̍h拯 救。11 M̄ nā ánne,咱chitmá已經通 過主耶穌基督kah上 主和好,mā beh通 過耶穌基督用上 主來 誇 口。
亞當kah基督
12罪tùi一個 人進 入世間,死mā tòe teh入來。結 果所有ê人lóng會死,因為所有ê人lóng有 犯 罪。13 Iáu未有律 法以 前,罪to̍h已經tī世間,m̄ koh因為無律 法,罪就 無算 做是罪。14 M̄ koh tùi亞當到摩西hit段期間,死teh支 配人類,連無犯tio̍h亞當所 犯ê罪ê人mā lóng tio̍h死。亞當是tòe後beh來Hit位ê對比。15 M̄ koh亞當ê罪 過kah上 主白 白ê恩賜是bē比得,因為若tùi一個 人ê罪 過眾 人lóng tio̍h死,通 過耶穌基督一個 人白 白賞賜眾 人ê恩 典,一定kohkhah豐 富!16上 主ê恩賜kah一個 人犯 罪ê結 果bē比得。照審 判,kantaⁿ一 遍ê過 失to̍h判 決有罪;m̄ koh照白 白ê恩賜,真chē piàn ê過 失mā宣 判無 罪。17若因為一個 人ê犯 罪,全 人 類soah tio̍h受死ê支 配,ánne耶穌基督所成 就ê kohkhah大。Hiahê領受 上 主豐 富ê恩 典,就是白 白hō͘上 主宣 判無 罪ê人,kohkhah ē tàng通 過基督來支 配家己ê性 命。18因為一個 人犯 罪,眾 人lóng受 定 罪。仝 款,因為一個 人義ê行 為,眾 人lóng得tio̍h赦 罪kah活 命。19因為一個 人ê悖 逆,眾 人lóng成 做罪 人。仝 款,一個 人順 服,眾 人lóng成 做義 人。20律 法ê制 定,hō͘罪 過加添,m̄ koh罪 過加添,上 主ê恩 典kohkhah加添。21 Ánne,罪通 過死來支 配,上 主ê恩 典通 過義來支 配,hō͘咱tùi主耶穌基督來得tio̍h永 遠ê活 命。