巴克禮普世版(試讀本) 羅馬書第六章
棄 絕罪,Ūi上 主來活
1 Ánne,咱beh án怎講?咱kám thang繼 續tī罪 惡 中生 活,來hō͘恩 典kohkhah加添?2絕 對m̄ thang!咱已經kah罪 惡斷 絕關 係,kám thang繼 續tī罪 惡 中生 活?3 Lín kám m̄知,咱lóng受洗禮來kah基督耶穌結 合,就是受洗禮來kah祂做伙死。4既然咱通 過洗禮kah基督同 齊死,同 齊受埋 葬,ná親 像基督通 過天父榮 光ê權 能tùi死koh活,咱mā thang過新ê生 活。5咱既然kah基督成做 一 體來 體 驗死,咱一定mā會kah祂結 合來koh活。6咱 知,咱舊ê自 我kah基督做伙釘十字架,是beh hō͘咱在 來受罪束 縛hitê人毀 滅,hō͘咱無koh做罪ê奴隸。7因為人一旦死去,就tùi罪得tio̍h tháu放。8咱既然kah基督做伙死,相 信咱mā會kah祂做伙koh活。9咱 知基督已經tùi死koh活,祂bē koh死,死無koh kā祂管 轄。10因為基督死一pái就kah罪完 全斷 絕關 係,祂chitmá活teh,是為tio̍h上 主teh活。11 Ánne,lín mā tio̍h看家己已經kah罪斷 絕關 係,chitmá kah基督耶穌結 聯,為tio̍h上 主teh活。12所以,m̄ thang koh將會死ê身 軀交hō͘罪支 配,去順 服肉 體ê慾 望。13 Mā m̄ thang將身 軀ê肢體,交hō͘罪去做 不義ê工 具,顛倒tio̍h做一個tùi死koh活ê人,將身 軀獻hō͘上 主,將身 軀ê各 肢體,獻hō͘上 主做義ê工 具。14 M̄ thang hō͘罪kā lín支 配,因為lín m̄是活tī律 法下面,是活tī恩 典下面。
公 義ê奴隸
15 Ánne咱既然m̄是活tī律 法下面,是tī恩 典下面,就thang犯 罪是無?絕 對m̄ thang!16 Lín kám m̄知,lín若 將家己交hō͘某 一 人做奴隸來順 服伊,lín就是hit人ê奴隸?Ánne講 起來,lín是做罪ê奴隸行入死 亡,á是做上 主ê奴隸來順 服祂,結 果有和合ê關 係?17感 謝上 主,lín雖 然bat做罪ê奴隸,chitmá lín已經全 心順 服hitê傳 授hō͘ lín做規 範ê教示。18 Lín已經tùi罪得tio̍h tháu放,來 成 做義ê奴隸。19恐 驚lín bē了 解,我用一 般 人ē tàng了 解ê話kā lín說 明。Taⁿ,親 像lín以 前將身 軀完 全交hō͘污穢kah不 法做奴隸,致使不 法ê tāichì jú來jú加添。Chitmá lín tio̍h將身 軀,完 全獻hō͘義做聖 潔ê路用。20 Lín做罪 惡ê奴隸ê時chūn,lín無受義ê束 縛。21 Hit時,lín做chitmá看 做見 笑ê tāichì,結 果án怎?結 局是死。22 Taⁿ lín已經tùi罪得tio̍h tháu放,成 做上 主ê奴隸,結果是成 做聖 潔,結 局是永 遠ê活 命。23因為罪ê代價是死,m̄ koh上 主通 過主基督耶穌,白 白賜hō͘咱ê恩 典是永 遠ê活 命。