巴克禮普世版(試讀本) 羅馬書第七章
用婚姻做例
1兄弟 姊 妹ah,我taⁿ是對lín bat律 法ê人teh講。Lín kám m̄知,人活teh chiah受律 法管 轄?2對一個有結婚ê chabó͘人來 講,丈 夫活teh ê時,chiah受律 法ê束 縛來kah她ê丈 夫結 聯,丈 夫若死去就 無koh受chitê律 法ê束 縛。3所以丈 夫iáu活teh,若kah別ê chapo͘人tòa做伙,就會hō͘人叫 做淫婦;丈 夫若死去,就得tio̍h自由,脫 離chitê律 法ê束 縛,雖 然kah別ê chapo͘人tòa做伙,mā m̄是淫婦。4親 愛ê兄弟 姊 妹,親 像ánne,lín已經kah基督ê身 軀結 聯,kah律 法斷 絕關 係,無koh受它ê束 縛,所以lín chitmá是歸 屬tī Hit位tùi死koh活ê基督,祂beh hō͘咱thang為tio̍h上 主結好果 子。5咱 照肉 體ê本 性teh活ê時,律 法激 起咱犯 罪ê慾 念,tī咱身 軀百 體teh運 作,結死 亡ê果 子。6 M̄ koh,chitmá咱已經脫 離律 法,無koh受它ê束 縛。Ánne,咱服 事上 主,m̄是照 律 法ê舊方 式,是 照聖 神ê新方 式。
律 法Kah罪
7 Ánne咱beh án怎講?律 法kám是罪?絕 對m̄是,m̄ koh若無tùi律 法,我 就m̄知罪是甚 麼,因為律 法若無講:「M̄ thang貪 心」(註:出20:17;申5:21),我 就m̄知貪 心是甚 麼。8罪利 用誡 命tī我ê心 內,引起ta̍k種ê pháiⁿ慾 念,若無律 法,罪就 無作 用。9前無律 法,我mā teh活,誡 命一下來,罪就活 起來,我soah死去。10誡 命本 來是beh hō͘人有活 命,m̄ koh照我ê體 驗,顛倒是害 人去死。11因為罪chhōe機會利用誡 命欺 騙我,mā利 用誡 命害死我。12律 法本 身是神 聖,誡 命mā是神 聖,公 正koh良 善。13若是ánne,hitê良 善會害死我是無?絕 對m̄是!是罪通 過hitê良 善來害死我,hō͘罪ê本 質顯 露,就ánne,罪利 用誡 命hō͘它極其惡毒ê本 質,kohkhah顯 露出 來。
人ê兩 種本 性
14咱 知律 法是靈 性ê,m̄ koh我是屬肉 體ê,已經賣hō͘罪做奴隸。15我bē了 解我家己ê所做,因為我ài做ê,無去做,顛倒去 做我無ài做.ê。16我若去 做我無ài做.ê,就是同意chitê律 法是好。17我ánne做,其實m̄是我teh做,是tiàmtī我心 內ê罪teh做。18我 知我ê本 性內面無良 善,我有做好ê意願,m̄ koh無做好ê氣 力。19我無去做我所 意愛ê好,顛倒去 做我無意愛ê pháiⁿ。20我若做我無意愛ê pháiⁿ,m̄是我本 身teh做,是tiàmtī我內面ê罪teh做。21 Ánne我有發 現一個法 則,就是當我ài做好ê時,pháiⁿ就kā我纏teh。22我內心ê自 我意愛上 主ê律 法,23 m̄ koh我 看,tī我ê身 軀有另 外一個法 則,teh kah我內心ê法 則交 戰,害我屈 服tī我身 軀內面ê罪ê法 則。24我做 人ná會hiah悽 慘!啥 人ē tàng救我脫 離hitê註 定會死ê身 軀?25感 謝上 主,通 過主耶穌基督來救我!Ánne我ê內心是順 服上 主ê律 法,m̄ koh我ê肉 體是順 服罪ê法 則。