巴克禮普世版(試讀本) 羅馬書第八章
順 服聖 神ê生 活
1若是ánne,hiahê kah基督耶穌結 聯ê人 就bē受 定 罪。2因為通 過基督耶穌賜活 命ê聖 神ê法 則,已經tháu放我脫 離罪kah死ê法 則。3因為人 性ê軟 弱,律 法做bē到.ê,上 主有做 成。上 主為tio̍h beh救人類脫 離罪kah死ê法 則,祂hō͘家己ê Kiáⁿ採 取kah咱仝 款有罪ê本 性,用祂ê肉 體來 審 判人類肉 體ê罪,kā罪除去。4上 主ánne做是beh hō͘律 法ê要求,ē tàng實 現tī咱chiahê無koh照肉 體,是 照聖 神ê引chhōa teh生 活ê人。5因為順 服肉 體本 性ê人,意向肉 體ê tāichì;順 服聖 神ê人,意向聖 神ê tāichì。6意向肉 體ê結果是死,意向聖 神ê結果是活 命kah平 安。7 Ánne意向肉 體是kah上 主對敵,因為無順 服上 主ê律 法,其實mā無法 度順 服。8順 服肉 體本 性ê人,bē tàng hō͘上 主歡 喜。9既然上 主ê聖 神有tiàmtī lín內面,lín就m̄是屬肉 體本 性,是屬聖 神。人若無基督ê聖 神,就無屬tī基督。10基督若tiàmtī lín內面,雖 然lín ê身 軀因為罪死,聖 神hō͘ lín iáukoh活teh,因為lín已經kah上 主有四 正ê關 係。11 Hō͘耶穌tùi死 人 中koh活Hit位ê聖 神tiàmtī lín內面,就是hō͘基督耶穌tùi死 人 中koh活Hit位會通 過tiàmtī lín內面ê聖 神,hō͘ lín註 定會死ê身 軀得tio̍h活 命。12 Ánne看 起 來,各位兄弟 姊 妹ah,咱有欠 債,m̄ koh m̄是欠肉 體本 性ê債,所以咱生 活 中m̄ thang順 服肉 體本 性。13 Lín若順 服肉 體ê罪 性,lín一定會死;lín若靠聖 神除去罪 性ê所做,就會活teh。14所有hō͘上 主ê聖 神引chhōa ê人,lóng是上 主ê kiáⁿ兒。15因為lín tùi上 主領受ê聖 神,m̄是beh hō͘ lín koh tńg去做奴隸,koh再生 活tī驚 惶中;lín領受ê聖 神,是beh hō͘ lín成 做上 主ê kiáⁿ兒,就ánne,咱thang大 聲hoah:「阿爸,天父ah!」16聖 神家己kah咱ê靈做伙見 證,咱是上 主ê kiáⁿ兒。17既然做kiáⁿ兒,咱就是祂ê後嗣。咱是上 主ê後嗣,koh kah基督同做後嗣。咱若kah耶穌同受 苦,咱mā會kah祂做伙領受榮 光。
將 來ê榮 光
18我 想咱chit時ê艱 苦kah tehbeh對咱顯 明ê榮 光bē比得。19受 造物lóng迫 切teh thèng候上 主眾kiáⁿ兒ê顯 現。20因為受 造物bē tàng達 到受 造ê目 的,m̄是出tī in ê本意,是上 主ê旨意,m̄ koh受 造物iáuteh ǹg望,21就是有一日in本 身mā beh受tháu放來脫 離會敗 壞ê拘 束,thang kah上 主ê kiáⁿ兒享 受榮 光ê自由。22咱 知,所有受 造物chitmá iáuteh吐 氣哀叫,ná親 像teh經 驗生 產ê痛 苦。23 M̄ nā受 造物ánne,連咱chiahê得tio̍h聖 神ê頭水 果子ê人mā teh吐 氣,teh thèng候上 主接 納咱 做祂ê kiáⁿ兒,hō͘咱kui個人得tio̍h贖 回。24因為咱得救是tùi chit款ê ǹg望,ǹg望若看會tio̍h就m̄是ǹg望。看會tio̍h ê ǹg望,ná tio̍h koh去ǹg望?25咱若ǹg望hitê看be7tioh8.5,就會忍 耐thèng候。26聖 神mā親 像ánne,tī咱軟chiáⁿ ê時kā咱扶 持,因為咱m̄知應 該tio̍h án怎祈禱chiah tio̍h,m̄ koh聖 神家己用人ê話bē tàng表 達ê吐 氣teh替咱祈求。27鑑 察人ê心ê上 主,知聖 神ê意思,因為聖 神是 照上 主ê意思,來替信徒祈求。28咱 知,上 主hō͘ hiahê疼祂ê人,就是照祂家己ê旨意選 召.ê,kah祂同 工,hō͘萬事對in lóng有利益。29 In為上 主tāi先揀 選ê人,mā tāi先定tio̍h hō͘ in kah祂ê Kiáⁿ ê形 象相 仝,thang hō͘祂ê Kiáⁿ tī chē chē兄弟 中做 大kiáⁿ。30 Hiahê預先定tio̍h ê人,上 主mā kā in揀 召。已經揀 召ê,祂mā kā in宣 判做義 人,thang hō͘祂ê Kiáⁿ tī真chē兄弟ê中 間做 大kiáⁿ。
上 主ê疼
31 Taⁿ講 到chia咱beh koh講甚 麼?上 主若為咱,啥 人會kah咱做 對敵?32上 主既然無惜家己ê Kiáⁿ,為tio̍h咱眾 人犧 牲,kám bē續將萬 物白 白賜hō͘咱?33啥 人ē tàng控 告上 主ê選 民?宣 判in做義 人ê是上 主。34若ánne,啥 人ē tàng kā in定 罪?M̄是基督耶穌,祂已經死à。上 主koh hō͘祂tùi死 人 中koh活 起來,坐tī上 主ê正pêng,mā替咱祈求。35啥 人ē tàng切 斷基督對咱ê疼?Kám是患 難,是困 苦,是迫 害,是iau餓,是thǹgpaktheh,是危 險,á是hō͘利刀thâi死?36照聖 經所記載:為tio̍h祢ê緣故,阮kui日面對死 亡ê威脅。阮hō͘人看 做tehbeh hō͘人thâi ê羊。」(註:詩44:22) 37 Lóng m̄是,tī chiahê所有ê tāichì,咱tùi疼 咱ê上 主得 勝kah有chhun。38因為我確 信無論是死,是活,是天使,是掌 權 者,是現 今.ê,是將 來.ê,有 權 能.ê,39是天 頂,是地 上,á是任何受 造物,lóng bē tàng切 斷,上 主通 過主基督耶穌對咱ê疼!