巴克禮普世版（試讀本） 哥林多前書第一章
請 安Kah感 謝
1我是保羅，奉上 主ê旨意受 召，做耶穌基督ê使徒。我kah兄弟Só͘thênî，2寫phoe hō͘ tī哥林多上 主ê教 會，就是hiahê tī基督耶穌成 聖，受 召成 做信徒，以及ta̍k所 在求叫咱ê主耶穌基督ê名ê人。基督是in ê主，mā是咱ê主。3願lín tùi咱ê天父上 主kah主耶穌基督得tio̍h恩 典kah平 安。
Tī基督裡ê祝 福
4我常 常替lín感 謝我ê上 主，是為tio̍h上 主ê恩 典，有 通 過耶穌基督賞賜hō͘ lín。5就ánne，lín ta̍k項通 過基督得tio̍h富 足，充 滿ta̍k項ê口 才kah智識。6基督ê信息已經tī lín ê中 間，建 立堅 固ê基 礎，7 hō͘ lín teh thèng候咱ê主耶穌基督ê顯 現ê時，lóng無欠甚 麼恩賜。8祂mā會hō͘ lín堅 固，直到咱ê主耶穌基督再 臨ê日子，無thang hō͘人嫌。9上 主是信實，祂呼 召lín來kah祂ê Kiáⁿ，咱ê主耶穌基督結 聯。
教 會ê紛 爭
10兄弟 姊 妹ah，taⁿ我奉咱ê主耶穌基督ê名勸lín，講 話tio̍h一致，m̄ thang有紛 爭，tio̍h一心一意抱仝 款ê目 標來團 結。11親 愛ê兄弟 姊 妹，Keklâi家內ê人bat kā我 講，lín中 間有紛 爭。12我ê意思是 講lín ta̍k人有無 仝 款ê講 法。有ê講：「我屬保羅」；有ê講：「我屬亞波羅」；有ê講：「我屬彼得」，koh有ê講：「我屬 基督」。13基督kám有hō͘人分 開？保羅kám替lín釘十字架？Lín kám奉保羅ê名領受洗禮？14感 謝上 主，Keklísūpò͘ kah Kaiû以外，我m̄ bat kā lín中 間任 何 人洗禮。15所以無 人ē tàng講：lín有 奉我ê名領受洗禮。16 Tio̍h lah，我mā有kā Suthêhoánà一 家ê人洗禮，其他有kā別 人洗禮á無，我卻bē記得à。17基督無差 派我kā人洗禮，是beh來傳 福 音。我無用智慧ê言 詞傳，chiah免hō͘基督ê十字架失去意義。
基督是上 主ê大 能Kah智慧
18十字架ê道理，hiahê沈 淪ê人看 做愚 戇，m̄ koh咱chiahê得救ê人，看 做是上 主ê大 能。19因為聖 經有記載：我beh消 滅智慧ê人ê智慧，Mā beh棄sak聰 明ê人ê聰 明。(註：賽29：14) 20 Ánne智慧ê人tī tó位？經 學 教 師tī tó位？Chit世間好 辯 論ê人tī tó位？上 主kám m̄是已經hō͘世間ê智慧變 做愚 戇？21既然世間bē tàng用in ê智慧來認bat上 主，上 主就 用祂家己ê智慧，歡 喜使用阮所 傳ê愚 戇ê信息，來拯 救hiahê信ê人。22猶 太 人求神 跡，希 臘 人chhōe智慧。23 M̄ koh阮傳受 釘十字架ê基督。Chitê信息對猶 太 人是阻 礙，對外 邦 人來 講是愚 戇。24 對上 主揀 召ê人來 講：無論猶 太 人á是希 臘 人，基督就是上 主ê權 能，是上 主ê智慧。25因為上 主ê愚 戇比人khah有智慧，上 主ê軟 弱比人khah勇 壯。26兄弟 姊 妹ah，tio̍h會記得lín受 召ê時，照世間一 般ê標 準，lín無幾個人有智慧，無幾個人有能 力，無幾個人屬上 流階級。27 M̄ koh上 主用世 間 人看 做戇ê tāichì，來hō͘智慧ê人見 笑。上 主mā用世 間 人看 做軟 弱ê tāichì，來hō͘勇 壯ê人見 笑。28上 主mā用世 間 人所輕視，hō͘人看bē起á是無路用ê tāichì，來 破 壞人所看 重ê tāichì。29 Ánne世 間 人，就無 人ē tàng tī上 主ê面 前誇 口。30上 主hō͘ lín kah基督耶穌結 聯，hō͘基督成 做咱tùi上 主來ê智慧，koh hō͘咱kah上 主和好，成 做上 主聖 潔ê子 民，又koh hō͘咱得tio̍h救 贖。31所以照聖 經所記載：Àibeh誇 口ê人，tio̍h用主來 誇 口。(註：耶9：24)
|
|
|
轉寄