第十章
耶穌設 立十 二使徒(Mk 3：1319；Lk 6：1216)
1 耶穌就叫祂十 二個門徒來，hō͘ in有制壓邪神ê權，來趕逐 in，續 koh 醫好ta̍k種ê症 頭，ta̍k種ê病 痛。
2十 二使徒ê名就是chiahê：頭一個西門(叫 做彼得)，kap伊ê兄弟安得烈；Sepíthài ê kiáⁿ雅 各，kap伊ê兄弟約 翰；
3 腓 力，kap Patolômái；多馬，kap抽 稅ê馬太；Ale̍khui ê kiáⁿ雅 各，kap Ta̍tthài；
4 Kanánî ê西門，kap 加略 人猶大，就是 賣 耶穌ê。
十 二使徒ê使 命(Mk 6：713；Lk 9：16)
5 耶穌差 chit十 二人，續吩 咐in講，外 邦ê路mài行，撒馬利亞人ê城 mài 入去；
6 khah好tio̍h去就 近 以色列家 失 落ê羊。
7 行ê時，tio̍h傳講，天 國 近 à。
8 醫好 有病 ê；hō͘死ê koh活；hō͘ tháiko ê清 氣；趕鬼；lín白 白得tio̍h，tio̍h白 白hō͘人。
9 Lín ê 腰袋 內，lóng m̄ thang有金、銀、銅；
10 路裡也m̄ thang有 行李袋，m̄ thang 帶兩領 衫，m̄ thang穿鞋，m̄ thang帶 柺á；因為做工 人堪 得得tio̍h伊ê lim食。
11 Lín所入ê，無論甚麼城，甚麼 鄉 里，tio̍h探 聽其 中啥 人會堪 得，就tiàm tīhia，到離開ê時。
12入hitê厝，tio̍h kā伊請 安。
13 Hitê 厝若會堪 得 接 待 lín，lín 所 求 ê 平 安 就 會 臨 到 chit 家；若 bē 堪 得，hitê 平安 就 會 倒tńg 來 歸lín。
14見若m̄接 納lín，m̄聽lín ê話ê，出hitê厝，hitê城ê時，tio̍h 拌 去lín腳裡ê土 粉。
15我實 在kā lín講，當審 判ê日，所多瑪kap 蛾摩拉ê地方比hitê城iáu khah好擔 當。
Tehboeh來 臨ê迫 害(Mk 13：913；Lk 21：1219)
16 Taⁿ我差lín親 像羊tī豺 狼ê中 間；所以lín tio̍h智識親 像蛇，純 良親 像粉 鳥。
17但是tio̍h持 防人；因為in boeh將lín交hō͘公 會，也boeh tī lín ê會 堂鞭phah lín；
18 koh lín也boeh為tio̍h我ê緣 故，受拖到總 督 kap君 王ê面 前，來做見 證tī in kap 未信者。
19但是lín受送交ê時，m̄ thang掛 慮boeh怎 樣講，á是講甚麼話；因為所tio̍h講ê，boeh tī hit時賞賜lín。
20 因為m̄是lín家己講，是lín ê父ê神tiàmtī lín teh講。
21 兄弟boeh將兄弟送交去死，父款 待kiáⁿ也ánne；kiáⁿ兒boeh起來攻 擊 父母，hō͘ in死。
22亦lín 因為我ê名boeh hō͘眾 人怨 恨，只有吞 忍到路尾ê，伊boeh得tio̍h救。
23 Tī chitê城迫 害lín，tio̍h走到hit城；我實 在kā lín講，以色列chiahê城，lín行bē 透，人 子就到。
24學生 親 像 先 生，奴 僕bē poâⁿ過主 人。
25門徒親 像先 生，奴 僕親 像主 人，就夠 額。家主 既然 hông 罵 做 鬼王 Pia̍tsepok，何 況 伊家內ê人。
Tio̍h 驚畏 ê是上 主(Lk 12：27)
26 所以m̄免 驚in；因為無有 蓋 密 後來無露出ê事；也無有隱密後來無hō͘人知ê。
27我tī暗 中kā lín講ê，lín tio̍h tī光 明ê所 在講出；àⁿ tī耳 孔kā lín講ê，tio̍h tī厝 頂 傳 揚 出 去。
28 Hiahê害死身 軀，bē害死靈 魂ê，m̄免 驚in；只有hitê會滅靈 魂kap身 軀tī地獄ê，khah tio̍h驚。
29 兩 隻 雀 鳥á kám m̄是 賣 一 分銀mah？若m̄是lín ê父有 准，一隻也bē kala̍uh地；
30 lín ê頭 毛就也 lóng 計算。
31所以lín m̄免 驚；lín比真chē雀 鳥á khah貴氣。
公 開 承 認基督(Lk 12：89)
32所以見若tī人ê面 前承認我ê，我也boeh tī我 天 頂ê父 面 前boeh承認伊。
33 見若 tī 人 ê 面 前 m̄承認我ê，我也 boeh tī天 頂ê父 面 前boeh m̄承認伊。
M̄是和 平，是刀 劍(Lk 12：5153；14：2627)
34 M̄ thang想 講我來是boeh hō͘地上和 平；我來m̄是boeh hō͘伊和 平，就是hiat落刀 劍。
35 因為我來，是hō͘ kiáⁿ kap伊ê老父絕 情，chabó͘kiáⁿ kap 她 ê 老母，新婦 kap 她ê take，也boeh ánne。
36 Koh人ê對 敵就是伊家己家內ê人。
37疼 父母 超 過 疼我ê，bē堪 得 做 我 ê 門徒；疼 kiáⁿ兒 超 過 疼我ê，bē堪 得 做 我 ê 門徒；
38 m̄背家己ê十字架來 toè 我ê，也bē堪 得做 我 ê 門徒。
39 想 boeh 得tio̍h性命ê人，會失 落伊ê性命；為tio̍h我失 落 性命ê人，boeh得tio̍h性命。
報賞(Mk 9：41)
40 接 納lín ê，就是接 納我；接 納我ê，就是接 納 差 我 ê。
41為tio̍h先知ê名來接 納先知ê，boeh得tio̍h先知 ê 賞；為tio̍h義人ê名來接 納義人ê，boeh得tio̍h義人ê賞。
42見若為tio̍h門徒ê名，kantaⁿ用一 杯冷 水hō͘ chiahê細kiáⁿ ê一個lim ê，我實 在kā lín講，伊絕 對bē失 落伊ê賞。
|
|
|
轉寄