巴克禮普世版(試讀本) 哥林多前書第四章
基督ê使徒
1 Lín tio̍h kā阮看 做是基督ê差 用,做上 主奧妙真理ê管 家。2 對管 家ê要求,是對主 人tio̍h盡 忠。3我hō͘ lín á是別 人批 評,lóng看 做是小khóa tāichì,連我mā無批 評家己。4我lóng m̄ bat責 備家己,m̄ koh m̄是ánne就證 明我無 罪,因為kā我審 判ê是主。5所以時機iáu未 到,lín m̄ thang批 評人,等 到主再 臨ê時,祂會用光 照烏暗隱密ê祕密,kā隱 藏tī心 內ê計謀顯 露出 來。Hit時,ta̍k人會tùi上 主得tio̍h祂ê oló。6兄弟 姊 妹ah,為tio̍h lín我chiah用本 身kah亞波羅做例,來講 起chiahê tāichì,hō͘ lín thang tùi阮來學 習「M̄ thang超 過聖 經所記載」chit句話ê意思。Lín中 間無論甚 麼 人都m̄ thang驕 傲,尊 重chitê,看 輕hitê。7甚 麼 人hō͘你想 講,你比別 人khahgâu?你所有ê kám m̄是lóng tùi上 主領受.ê?M̄ koh你ná會誇 口,ná親 像m̄是tùi上 主領受.ê?8 Lín已經ta̍k項lóng有,已經好 額,lín已經放sak阮去 做王。我真 正ài lín做 王,hō͘阮mā thang kah lín做伙做 王。9我teh想,上 主將阮chiahê使徒排tī尾溜,親 像死 刑 犯hō͘人拖出 來,hō͘世間、天使kah人看chit齣戲。10阮為tio̍h基督ê緣故做戇 人,lín kah基督結 聯做巧 人。阮軟 弱,lín勇 壯;lín受 尊 重,阮hō͘人輕視。11到chit時,阮iáukoh teh iau、嘴 乾、thǹgpaktheh,hō͘人phah,四界teh流 浪。12阮靠雙 手拖 磨度日子,阮hông罵顛倒kā in祝 福;受 人迫 害,阮忍 耐。13阮受 譭 謗iáukoh好 嘴應答,taⁿ阮竟 然hō͘人看 做是世間ê糞埽,萬 物ê糞埽堆。14我寫chiahê m̄是beh hō͘ lín見 笑,是kā lín看 做我所 疼ê kiáⁿ兒teh kā lín教示。15 Lín kah基督結 聯,老師雖 然有kui萬個,m̄ koh老父kantaⁿ一個。我bat通 過福 音,tī基督耶穌ê疼ê內面成 做lín ê老父。16所以我勸lín tio̍h學我。17因為ánne,我差 派提摩 太去lín hia。Tī主ê內面,伊是我所 疼koh盡 忠ê kiáⁿ,伊會 將我kah基督結 聯ê模 範,就是我tī ta̍k所 在,tī ta̍k教 會所教示ê tāichì,講hō͘ lín知。18有人 想 講我bē去lín hia,就驕 傲自大。19 M̄ koh主若允 准,我liâmpiⁿ to̍h會去lín hia。Hit時,我to̍h會知hiahê驕 傲自大ê人teh講甚 麼話,mā會知in ē tàng做 甚 麼。20因為上 主ê國度m̄是靠講 話,是靠權 能。21 Lín ài tó一 項?我 去lín hia ê時,lín ài我gia̍h箠á,去á是帶疼 心kah溫柔ê心去?