巴克禮普世版(試讀本) 哥林多前書第五章
教 會 中有淫 亂
1我確 實聽tio̍h lín中 間有淫 亂ê tāichì,hit款ê淫 亂連教 會 外mā無,就是有人收留後母做bó͘。2 Lín ná會iáuteh驕 傲自大?竟 然無 感 覺哀 傷,無 將做chit種tāichì ê人tùi lín中 間趕 出 去!3我人雖 然無tī lín hia,心卻kah lín做伙。我 已經奉主耶穌ê名,kā犯chit種罪ê人判 罪。4就是lín聚 會ê時,我ê心 靈kah lín做伙,靠咱ê主耶穌ê權 能,5將hit種人ê身 軀,交hō͘撒旦去毀 壞伊ê肉 體,thang hō͘伊ê靈 魂tī咱ê主耶穌再 臨ê日子得救。6 Lín ê誇 口真m̄好,lín kám m̄知,淡 薄á酵母會kā kuisn̂g ê麵 粉chhè發 起來?7舊ê酵tio̍h除hō͘清 氣,hō͘ lín成 做新ê麵 粉chhè,其實lín是無酵ê chhè,因為咱Pôaⁿ過 節ê羊羔,基督已經為咱犧 牲ā。8所以咱m̄ thang用pháiⁿ心惡毒ê舊酵母,tio̍h用純 全真實ê無酵 餅做 祭 物來守 節。9前我寄hit張phoe hō͘ lín,有kā lín警 戒m̄ thang kah淫 亂ê人來往。10我m̄是teh指世間hiahê淫 亂、貪 心、詐 欺,á是拜 偶 像ê人。若是ánne,lín soah tio̍h離開世間chiah有可 能。11 M̄ koh taⁿ我寫chit張phoe hō͘ lín是 講:m̄ thang kah hiahê自 稱基督徒,卻 是淫 亂、貪 心、拜 偶 像、譭 謗、好 酒、詐 欺ê人來往。連kah chit種人仝 桌食 飯mā m̄ thang。12因為批 判教 會 外ê人,m̄是我ê tāichì,上 主會kā in審 判。13 Lín kám m̄是tio̍h批 判教 會內ê人?聖 經有記載:Lín tio̍h kā邪惡ê人tùi lín中 間趕 出 去。(註:申17:7;19:19;22:21,24;24:7)