巴克禮普世版(試讀本) 哥林多前書第三章
上 主ê同 工
1兄弟 姊 妹ah,我前kah lín講 話,bē tàng kā lín當 做靈 性ê人,是當 做屬 世ê人,tùi基督ê信 仰來 看是kahná嬰á。2我用奶kā lín飼,無用飯,因為lín iáu bē tàng食 飯,到chitmá iáu是ánne。3因為lín iáukoh屬 世ê人,lín中 間有嫉妒,有紛 爭,ánne kám m̄是證 明lín是屬 世,照世 間 人ê款 式teh生 活?4 Lín中 間有人講:「我屬保羅」,mā有人講:「我屬亞波羅」,ánne lín kám m̄是kah世 間 人仝 款?5亞波羅算啥?保羅算啥?阮不過是主ê差 用,引chhōa lín信 主,照 主所hō͘阮ê職 份teh做。6我掖 種,亞波羅ak水,m̄ koh是上 主hō͘它大 叢。7掖 種ê kah ak水ê lóng無重 要,hō͘它大 叢ê上 主chiah重 要。8掖 種ê kah ak水ê lóng仝 款,上 主會 照ta̍k人ê工 作kā in報賞。9因為阮 是上 主ê同 工,lín是上 主ê田 園,mā是上 主ê建 築 物。10照上 主賞賜hō͘我ê恩 典,我親 像一個老 練ê師傅 頭,我hē地基,別 人tī hit頂 面起 厝,m̄ koh ta̍k人tio̍h注意看家己án怎teh起 造。11因為上 主已經hē耶穌基督做唯一ê地基,以外無別ê地基。12 Tī chitê地基頂 面,人 若用 金、銀、寶 石、柴、草,á是稻稿受起 造。13 Ta̍k人ê工 夫起 了好bái,tī基督再 臨ê日子,會hō͘火kā它顯 現出 來,因為火會試 驗出ta̍k人ê工 夫是甚 麼 款。14人所起 造ê工 程,若無hō͘火燒去,就會得tio̍h報賞。15人所起 造ê工 程,若hō͘火燒去,就bē得tio̍h報賞,m̄ koh伊本身會得tio̍h救,ná親 像tùi火 中逃命出 來。16 Lín kám m̄知lín是上 主ê殿,上 主ê聖 神tiàmtī lín內面?17人 若毀 壞上 主ê殿,上 主會kā伊毀 滅,因為上 主ê殿是神 聖,lín就是hitê殿。18 Lín m̄ thang欺 騙家己,lín中 間若有人用世間ê標 準,kā家己看 做有智慧,伊顛倒tio̍h做愚 戇ê人,chiah ē tàng成 做真 正有智慧。19因為chit世間ê智慧照上 主看 起 來是愚 戇,因為聖 經有記載:Hō͘智慧ê人中tio̍h in家己ê詭計。(註:伯5:13) 20聖 經別ê所 在koh講:主知有智慧ê人ê心思無路用。(註:詩94:11) 21所以m̄ thang誇 口人ē tàng做ê tāichì,因為萬 物lóng是lín.ê。22無論保羅、亞波羅á是彼得,無論chit世界是活teh á是死 亡,現 今á是將 來,這一 切lóng是lín.ê。23 Lín是基督.ê,基督是上 主.ê。