《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多前書第十一章

作者 巴克禮普世版小組 2015.03.15

Lín tio̍h學(o̍h)我(góa)，親 像(chhinchhiūⁿ)我(góa)學(o̍h)基督(kitok)。

罩(tà)頭 巾(thâukin)ê規 定(kuitēng)
2我(góa)tio̍h kā lín oló，因為(inūi)lín不時(putsî)會記得(ē kìtit)我(góa)，koh遵 守(chunsiú)我(góa)傳(thoân)hō͘ lín ê教示(kàsī)。3 M̄ koh我(góa)ài lín明 白(bêngpe̍k)，基督(kitok)是(sī)所有(só͘ū)chapo͘人(lâng)ê頭(thâu)，chapo͘人(lâng)是(sī)chabó͘人(lâng)ê頭(thâu)，上 主(siōngchú)是基督(sī kitok)ê頭(thâu)。4 Chapo͘人(lâng)tī公 共 場 所(kongkiōng tiûⁿsó͘)祈禱(kîtó)á是(sī)傳 福 音(thoân hokim)ê時(sî)，若(nā)罩(tà)頭 巾(thâukin)就(chiū)侮 辱(bújio̍k)伊(i)ê頭(thâu)基督(kitok)。5 M̄ koh chabó͘人(lâng)tī祈禱(kîtó)á是(sī)傳 福 音(thoân hokim)ê時(sî)，無(bô)罩(tà)頭 巾(thâukin)就(chiū)侮 辱(bújio̍k)她家己(i kakī)ê頭(thâu)，就是(chiūsī)她(i)ê丈 夫(tiōnghu)，因為(inūi)chit款(khoán)ê chabó͘人(lâng)kah頭 毛(thâumn̂g)hō͘人(lâng)剃(thì)起來(khílâi)ê chabó͘人(lâng)仝 款(kāngkhoán)。6 Chabó͘人(lâng)若無(nābô)罩(tà)頭 巾(thâukin)，頭 毛(thâumn̂g)tio̍h剪(chián)起來(khílâi)。既然(kìjiân)kā剪(chián)頭 毛(thâumn̂g)á是(sī)剃(thì)頭 毛(thâumn̂g)看 做(khòaⁿchò)見 笑(kiànsiàu)，就(chiū)tio̍h罩(tà)頭 巾(thâukin)khah好(hó)。7 Chapo͘人(lâng)無應 該(bô engkai)罩(tà)頭 巾(thâukin)，因為(inūi)伊是(i sī)上 主(siōngchú)ê形 象(hêngsiōng)kah榮 光(êngkng)，m̄ koh chabó͘人(lâng)是(sī)chapo͘人(lâng)ê榮 光(êngkng)。8因為(inūi)chapo͘人(lâng)m̄是(sī)tùi chabó͘人(lâng)造(chō)出 來(chhutlâi)，m̄ koh chabó͘人(lâng)是(sī)tùi chapo͘人(lâng)造(chō)出 來(chhutlâi).ê。9 Chapo͘人(lâng)m̄是(sī)為(ūi)tio̍h chabó͘人(lâng)chiah創 造(chhòngchō)，chabó͘人(lâng)是(sī)為(ūi)tio̍h chapo͘人(lâng)來 創 造(lâi chhòngchō).ê。10所以(só͘í)chabó͘人(lâng)ê頭(thâu)tio̍h罩(tà)頭 巾(thâukin)，來(lâi)表示(piáusī)對(tùi)權 威(koânui)屈 服(khutho̍k)ê記號(kìhō)，mā是(sī)為(ūi)tio̍h敬 畏(kèngùi)天使(thiⁿsài)ê緣故(iânkò͘)。11 M̄ koh tī主(chú)ê內面(lāibīn)，chapo͘人(lâng)需要(suiàu)chabó͘人(lâng)，chabó͘人(lâng)mā需要(suiàu)chapo͘人(lâng)。12因為(inūi)chabó͘人(lâng)是(sī)tùi chapo͘人(lâng)造(chō)出 來(chhutlâi).ê，chapo͘人(lâng)mā是(sī)tùi chabó͘人(lâng) 生(seⁿ)ê，m̄ koh萬 物(bānbu̍t)lóng是(sī)tùi上 主(siōngchú)造(chō)出 來(chhutlâi).ê。13 Lín tio̍h家己(kakī)判 斷(phòaⁿtoàn)：chabó͘人(lâng)無(bô)罩(tà)頭 巾(thâukin)來對(lâi tùi)上 主(siōngchú)祈禱(kîtó)，kám有(ū)適 合(sekha̍p)？14照(chiàu)人(lâng)本 性(púnsèng)，留(lâu)長 頭 毛(tn̂gthâumn̂g)是(sī)chapo͘人(lâng)ê見 笑(kiànsiàu)。15 M̄ koh chabó͘人(lâng)lâu長 頭 毛(tn̂gthâumn̂g)是(sī)伊(i)ê榮 光(êngkng)，因為(inūi)長 頭 毛(tn̂gthâumn̂g)thang做(chò)她(i)ê遮帕(jiaphè)。16若有人(nā ū lâng)想(siūⁿ)beh辯 駁(piānpok)，我(góa)只有(chíū)ē tàng講(kóng)：kantaⁿ tī阮(goán)kah上 主(siōngchú)ê教 會(kàuhōe)有(ū)chit款(khoán)規矩(kuikí)。

主(chú)ê晚 餐(boánchhan)
17 Taⁿ我(góa)beh kā lín指示(chísī)下面(ē bīn)chiahê話(ōe)，m̄是(sī)kā lín oló，因為(inūi)lín ê聚 會(chūhōe)實 在(si̍tchāi)是(sī)有損無益(iúsun bûek)。18第一(tē it)，我(góa)聽 講(thiaⁿkóng)lín聚 會(chūhōe)ê時(sî)有(ū)結 黨 分 派(kiattóng hunphài)，我(góa)相 信(siongsìn)有(ū)一部 分(chi̍tpō͘hūn)是事實(sī sūsi̍t)。19 Lín中 間(tiongkan)免 不 了(biánputliáu)有(ū)無 仝(bôkāng)ê意見(ìkiàn)，ánne chiah看(khòaⁿ)會 出(ē chhut)啥 人(siáⁿlâng)ê意見(ìkiàn)khah正 確(chèngkhak)。20 Lín聚 會(chūhōe)ê時(sî)，並(pēng)m̄是(sī)teh食(chia̍h)主(chú)ê晚 餐(boánchhan)。21因為(inūi)lín ta̍k人(lâng)趕 緊(kóaⁿkín)食 家己(chia̍hkakī)帶來(tòalâi)ê物(mi̍h)，結 果(kiatkó)有人(ū lâng)腹肚(paktó͘)iau，有人(ū lâng)酒 醉(chiúchùi)。22 Lín tòa厝 裡(chhùni̍h)kám bē tàng lim食(chia̍h)？Lín是(sī)teh看 輕(khòaⁿkhin)上 主(siōngchú)ê教 會(kàuhōe)，mā beh hō͘無(bô)thang lim食(chia̍h)ê人(lâng)見 笑(kiànsiàu)是無(sībô)？我(góa)tio̍h對(tùi)lín án怎(chóaⁿ)講(kóng)？對(tùi)chit項(hāng)tāichì，我無(góa bô)beh kā lín oló。23我(góa)tùi主(chú)所領受(só͘ niásiū).ê，我(góa)mā傳(thoân)hō͘ lín，就是(chiūsī)主耶穌(chú iâso͘)hō͘人(lâng)出 賣(chhutbē)hit暝(mê)有(ū)the̍h餅(piáⁿ)，24感 謝(kámsiā)上 主(siōngchú)了 後(liáuāu)kā餅(piáⁿ)peh開(khui)，講(kóng)：「Chitê是我(sī góa)ê身 軀(sengkhu)，為(ūi)tio̍h lín犧 牲(hiseng)ê，lín tio̍h照(chiàu)ánne來記 念(lâi kìliām)我(góa)。」25食(chia̍h)了 後(liáuāu)koh捧 杯(phângpoe)，講(kóng)：「Chitê杯(poe)是(sī)新(sin)ê約(iok)，用(ēng)我(góa)ê血(hoeh)設立(siatli̍p)ê，lín ta̍kpái lim ê時(sî)，tio̍h照(chiàu)ánne來記 念(lâi kìliām)我(góa)。」26 Ánne lín ta̍kpái食(chia̍h)chitê餅(piáⁿ)，lim chitê杯(poe)，是(sī)teh表 明(piáubêng)主(chú)ê死(sí)，直到(ti̍tkàu)祂(i)koh再 臨(chàilîm)。27所以(só͘í)若無(nābô)用 敬 虔(ēng kèngkhiân)ê心(sim)來 食(lâi chia̍h)主(chú)ê餅(piáⁿ)，lim主(chú)ê杯(poe)，是無(sībô)合宜(ha̍pgî).ê，是(sī)teh褻 瀆(siatto̍k)主(chú)ê身 軀(sengkhu)kah血(hoeh)。28 Ta̍k人(lâng)tio̍h省 察(séngchhat)家己(kakī)，chiah thang食(chia̍h)chitê餅(piáⁿ)，lim chitê杯(poe)。29人(lâng)若無(nābô)清 楚(chhengchhó)食 餅(chia̍h piáⁿ)lim杯(poe)kah主(chú)身 軀(sengkhu)ê關 係(koanhē)，食(chia̍h)chitê餅(piáⁿ)lim chitê杯(poe)，就是(chiūsī)家己(kakī)teh惹(jiá)來 審 判(lâi símphòaⁿ)。30因為(inūi)ánne，lín chiah會(ē)真(chin)chē人(lâng)衰(soe)lám kah破 病(phòapēⁿ)，mā bē少(chió)人(lâng)死去(síkhì)。31咱若(lán nā)先(seng)省 察(séngchhat)家己(kakī)，就(chiū)bē致到(tìkàu)受 審 判(siū símphòaⁿ)。32 M̄ koh咱(lán)受(siū)主(chú)審 判(símphòaⁿ)是(sī)teh hō͘主(chú)kā咱(lán)警 戒(kéngkài)，chiah m̄免(bián)kah世 間 人(sèkanlâng)做(chò)伙(hóe)受 定 罪(siū tēngchōe)。33所以(só͘í)，我(góa)ê兄弟 姊 妹(hiaⁿtī chímōe)ah，lín聚 集(chūchi̍p)beh食(chia̍h)主(chú)ê晚 餐(boánchhan)ê時(sî)，tio̍h互 相(hō͘siōng)thèng候(hāu)。34若有人(nā ū lâng)iau，tio̍h tī厝 裡(chhùni̍h)先(seng)食(chia̍h)，chiah免(bián)聚 會(chūhōe)soah變 做(piànchò)受 上 主(siū siōngchú)審 判(símphòaⁿ)。其他(kîtha)ê tāichì，等(tán)我 去(góa khì)lín hia ê時(sî)chiah來 解 決(lâi káikoat)。