《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 哥林多後書第四章

作者 巴克禮普世版小組 2015.05.17

磁 甕(hûiàng)á內面(lāibīn)ê寶貝(pópòe)
1既然(kìjiân)上 主(siōngchú)憐 憫 阮(liânbín goán)，將(chiong)chitê任務(jīmbū)交 託(kauthok)阮(goán)，阮(goán)就 無(chiū bô)koh餒志(lóechì)。2阮(goán)棄(khì)sak隱瞞(únmôa)koh見 笑(kiànsiàu)ê行 為(hêngûi)，無做(bô chò)欺 騙(khiphiàn)人(lâng)ê tāichì，無(bô)歪 曲(oaikhiok)上 主(siōngchú)ê道理(tōlí)，就是(chiūsī)tī上 主(siōngchú)ê面 前(bīnchêng)顯 明(hiánbêng)真理(chinlí)，來(lâi)啟 發(khéhoat)ta̍k人(lâng)ê良 心(liôngsim)。3阮(goán)所 傳(só͘ thoân)ê福 音(hokim)若有(nā ū)遮 蓋(jiakhàm)無(bô)清 楚(chhengchhó)，只有(chíū)tehbeh沈 淪(tîmlûn)ê人(lâng)chiah無(bô)清 楚(chhengchhó)。4 Chit世間(sèkan)ê神 明(sînbêng)，hō͘ hiahê m̄信(sìn)ê人(lâng)ê心 靈(simlêng)chheⁿmê，bē tàng看 見(khòaⁿkìⁿ)福 音(hokim)ê光(kng)；chitê福 音(hokim)teh見 證(kiànchèng)榮 光(êngkng)ê基督(kitok)，基督(kitok)是(sī)上 主(siōngchú)ê形 象(hêngsiōng)。5阮(goán)m̄是(sī)teh傳(thoân)家己(kakī)，是(sī)teh傳(thoân)基督耶穌(kitok iâso͘)是(sī)主(chú)，阮 家己(goán kakī)mā為(ūi)tio̍h耶穌(iâso͘)ê緣故(iânkò͘)做(chò)lín ê奴僕(lô͘po̍k)。6 Hitê命 令(bēnglēng)光(kng)tio̍h tùi烏暗(o͘àm)照 出來(chiòchhutlâi)ê上 主(siōngchú)，就是(chiūsī)用(ēng)光(kng)照(chiò)tī咱(lán)ê心 內(simlāi)，hō͘咱(lán)認(jīn)bat上 主(siōngchú)照(chiò)tī耶穌基督(iâso͘ kitok)ê面(bīn)hitê榮 光(êngkng)。7 M̄ koh阮(goán)chiahê有(ū)chit種(chióng)屬 靈(sio̍klêng)寶貝(pópòe)ê人(lâng)，tú親 像(chhinchhiūⁿ)土(thô͘)造(chō)ê器具(khìkū)，是(sī)beh表示(piáusī)hitê極 大(ke̍ktōa)ê權 能(koânlêng)屬(sio̍k)上 主(siōngchú)，m̄是屬(sī sio̍k)阮(goán)。8阮(goán)時 常(sîsiông)tú tio̍h患 難(hoānlān)，m̄ koh無(bô)屈 服(khutho̍k)；tú tio̍h為難(ûilân)，m̄ koh無(bô)失 望(sitbōng)；9 tú tio̍h迫 害(pekhāi)，m̄ koh無(bô)hō͘上 主(siōngchú)放(pàng)sak；受(siū)phah倒(tó)，m̄ koh無(bô)死 亡(síbông)；10阮(goán)會死(ē sí)ê身 軀(sengkhu)常 常(siôngsiông)帶(tòa)耶穌(iâso͘)ê死(sí)，hō͘耶穌(iâso͘)ê活 命(oa̍hmiā)mā thang tī阮(goán)ê身 軀(sengkhu)顯 明(hiánbêng)。11阮(goán)活(oa̍h)tī世間(sèkan)，為(ūi)tio̍h耶穌(iâso͘)常 常(siôngsiông)tú tio̍h死(sí)ê危 險(gûihiám)，thang hō͘耶穌(iâso͘)ê活 命(oa̍hmiā)tī阮(goán)會死(ē sí)ê身 軀(sengkhu)顯 明(hiánbêng)出 來(chhutlâi)。12 Ánne，阮(goán)tio̍h定 定(tiāⁿtiāⁿ)面對(bīntùi)死 亡(síbông)，lín卻(khiok)因為(inūi)ánne得(tit)tio̍h活 命(oa̍hmiā)。13聖 經(sèngkeng)講(kóng)：「我(góa)有信(ū sìn)，所以(só͘í)我(góa)chiah講(kóng)。」(註(chù)：詩(si)116：10[115：1 LXX])根據(kinkì)chit款(khoán)信 仰(sìngióng)，阮(goán)mā信(sìn)，所以(só͘í)chiah ánne講 出 來(kóng chhutlâi)。14阮 知(goán chai)，hō͘主耶穌(chú iâso͘)koh活(oa̍h)ê上 主(siōngchú)mā會(ē)hō͘阮(goán)kah耶穌(iâso͘)同 齊(tângchê)koh活(oa̍h)，koh會(ē)引(ín)chhōa阮(goán)kah lín做(chò)伙(hóe)khiā tī祂(i)ê面 前(bīnchêng)。15這(che)一 切(itchhè)lóng是(sī)為(ūi)tio̍h lín，beh hō͘ kohkhah chē人(lâng)得(tit)tio̍h上 主(siōngchú)ê恩 典(untián)，thang獻(hiàn)kohkhah chē ê感 謝(kámsiā)來榮 光(lâi êngkng)上 主(siōngchú)。

信 仰(sìngióng)ê生 活(sengoa̍h)
16所以(só͘í)阮(goán)無(bô)餒志(lóechì)，雖 然(suijiân)阮(goán)ê肉 體(jio̍kthé)漸 漸(chiāmchiām)teh衰 弱(soejio̍k)，m̄ koh阮(goán)ê內心(lāisim)日日(ji̍tji̍t)teh換新(ōaⁿsin)。17阮(goán)所受(só͘ siū)暫 時(chiāmsî)小(sió)khóa ê艱 苦(kankhó͘)，是(sī)beh hō͘阮(goán)得(tit)tio̍h無(bô)thang比(pí)永 遠(éngoán)ê大 榮 光(tōa êngkng)。18阮(goán)所重 視(só͘ tiōngsī).ê m̄是(sī)看(khòaⁿ)會(ē)tio̍h.ê，是(sī)看(khòaⁿ)bē tio̍h.ê，因為(inūi)看(khòaⁿ)會(ē)tio̍h.ê是(sī)暫 時(chiāmsî)，看(khòaⁿ)bē tio̍h.ê是(sī)永 遠(éngoán)。