巴克禮普世版(試讀本) 哥林多後書第八章
基督徒ê奉 獻
1兄弟 姊 妹ah,我ài lín知上 主賜hō͘馬其頓各教 會ê恩惠。2 In tùi患 難經 歷真chē考 驗,iáukoh滿 心歡 喜;in雖 然真sànchhiah,iáukoh非 常khongkhài奉 獻。3我ē tàng kā lín證 明,in甘 願盡 力奉 獻,甚 至超 過in ê力 量。4 In熱 心懇 求阮tio̍h hō͘ in有機會,參 與救 濟猶太信徒ê工 作。5 In ánne做m̄ nā超 過阮ê期待,甚 至順 服上 主ê旨意,tāi先將家己獻hō͘主,然 後koh獻hō͘阮。6所以阮勸提多繼 續協 助lín,來 完 成伊提 倡ê慈 善工 作。7 Lín ê信 心、口 才、智識,幫 助人ê熱 心,以及lín對 阮ê疼 心lóng hiahni̍h豐 富。阮ài lín tùi chitê慈 善工 作mā tio̍h hiahni̍h慷 慨。8我ánne講m̄是teh命 令lín,是ài lín知,別 人熱 心teh幫 助人,來 考 驗lín ê疼 心是m̄是實 在。9 Lín知咱ê主耶穌基督ê恩 典,祂雖 然本 來真富裕,m̄ koh為tio̍h lín成 做sànchhiah,是beh hō͘ lín tùi祂ê sànchhiah來 成 做富裕。10關 係chit項tāichì,我建 議lín tio̍h去完 成舊年開始ê募 款,lín m̄ nā tāi先行 動,mā是tāi先甘 願ánne做。11 Taⁿ lín tio̍h完 成chitê工 作,用起 頭ê熱 心,盡 力來kā它完 成。12 Lín若有奉 獻ê熱 心,上 主會歡 喜接 納lín所有ê,bē要求lín所無ê。13我m̄是ài lín儉 腸neh肚來hō͘別 人khah liōngsiōng,是ài lín有機會互 相幫 助。14既然lín chitmá富裕,tio̍h賑 濟sànchhiah人,ánne lín sànchhiah in富裕ê時,mā thang kā lín賑 濟,ánne雙 方lóng有機會互 相幫 助。15 Tú照聖 經所記載:拾chē ê無chhun,拾少ê無欠。( 註:出16:18)
提多Kah伊ê同 工
16感 謝上 主hō͘提多ê心,親 像阮hiahni̍h熱 心幫 助lín。17伊m̄ nā歡 喜接 受阮ê懇 求,koh熱 心自 願幫 助lín,決 定beh去lín hia。18阮另 外差 派一個兄弟kah伊做伙去,chitê兄弟tī傳 福 音ê工 作 上,有受各教 會ê oló。19 M̄ nā ánne,伊受眾 教 會選派 來做阮旅行ê同 伴,參 與阮chit項慈 善工 作;chitê工 作是beh歸 榮 光hō͘主,mā表示阮歡 喜甘 願ánne做。20阮真謹慎來處 理人慷 慨奉 獻ê錢 項,chiah免引起人ê批 評。21因為阮光 明 正 大teh做 善 事,m̄ nā tī主ê面 前,tī人ê面 前mā是ánne。22所以阮koh差 派一個兄弟kah in做伙去,chitê兄弟經 過阮真chē考 驗,阮 知伊熱 心幫 助人。Taⁿ伊非 常信 任lín,就kohkhah渴 望去幫 助lín。23講 到提多,伊是我ê同 伴,做我ê同 工來 幫 助lín。Kah伊做伙去hiahê兄弟是各教 會差 派.ê,是基督ê榮 光。24所以lín tio̍h tī教 會公 開證 實lín對in ê疼 心,mā tio̍h證 實阮對lín ê誇 口。