巴克禮普世版(試讀本) 哥林多後書第十二章
異 象Kah啟示
1雖 然無利益,我一定tio̍h誇 口,我beh講 起主hō͘我ê異 象kah啟示。2我 知有一個基督徒,十 四年 前hō͘主帶 到第三 層天,我m̄知伊ê身 軀有上 去,á是kantaⁿ看 見異 象,只有上 主知。3我koh講一pái,chitê人hông chhōa去 到樂 園,伊是身 軀受 接上 去,á是kantaⁿ看 見異 象,我m̄知,只有上 主知。4 Tī樂 園,伊聽tio̍h bē得thang講ê話,就是人所m̄ thang講ê tāichì。5我beh為tio̍h chitê人來 誇 口,m̄ koh我ê軟 弱以外,我bē為tio̍h家己誇 口。6其實我若beh誇 口,mā無算是khongkhám,因為我beh講ê是事實,m̄ koh我家己約 束,chiah免hō͘人對我ê批 評,超 過伊所 看tio̍h kah所聽tio̍h.ê。7為tio̍h beh hō͘我bē因為得tio̍h真chē特 別ê啟示,來過 頭驕 傲,tī我ê身 軀有一支刺,親 像撒旦ê使者來kā我phah,免 得我過 頭驕 傲。8為tio̍h chit項tāichì,我bat三pái懇 求主,hō͘ hit支刺離開我。9上 主應 講:「我ê恩 典夠 額你用,因為你軟 弱ê時,我ê氣 力ē tàng完 全發 揮。」所以我真 歡 喜,khah ài誇 口我chiahê軟 弱,hō͘基督ê氣 力tiàm tī我ê身 上。10為tio̍h基督ê緣故,我歡 喜忍 受軟 弱、侮 辱、迫 害、困 苦,因為我軟 弱ê時,顛倒有氣 力。
保羅關 心哥林多 教 會
11 我一直成 做戇 人,是lín kā我逼.ê,因為我應 該hō͘ lín oló chiah tio̍h。我雖 然無 甚 麼了 不起,實 在mā無khah輸hiahê特 別ê「使徒」。12我tī lín中 間,有用種 種ê忍 耐來行 神 跡、奇事kah權 能,證 明我是使徒。13除了我無 麻 煩lín幫 助我以外,我對 待lín有tó一 項比其他ê教 會khah無 夠 額?請lín原 諒我chiahni̍h「無公 道」。14 Taⁿ我第三pái準 備beh去lín hia,我bē成 做lín ê負 擔,我對lín無 甚 麼要求。我所 意愛ê是lín,m̄是lín ê金 錢。其實kiáⁿ兒無應 該為tio̍h父母積 聚,應 該是父母kā kiáⁿ兒積 聚財 物。15我真 歡 喜付 出一 切來 幫 助lín,甚 至付 出我家己ê性 命。Kám 講我jú疼lín,得tio̍h lín ê疼jú少?16 Ánne lín tio̍h承 認我m̄ bat kā lín拖 累,m̄ koh有人講我奇 巧,用詭 譎ê步數來kā lín陷 害。17我kám有派啥 人去kā lín phiⁿ?18我有勸提多去lín hia,mā差 派一個兄弟kah伊做伙去。提多kám bat kā lín phiⁿ?阮kám m̄是仝 一個心神teh做?仝 一個腳 步teh行?19 Lín一直想 講阮對lín teh為家己辯 解,其實m̄是!阮tī上 主ê面 前講基督ài阮 講ê話。親 愛ê兄弟 姊 妹ah,阮所做ê一 切lóng是,為tio̍h beh kā lín造 就。20我恐 驚去lín hia ê時,kiámchhái看 見lín kah我所期待ê無 仝 款,lín看 見我kah lín所期待ê mā無 仝 款。恐 驚lín有紛 爭、怨妒、受氣、結 黨、譭 謗、講胛 脊 後話、膨 風、紛 亂。21 Mā恐 驚我後 遍koh去lín hia ê時,我ê上 主hō͘我tī lín ê面 前見 笑,我會為tio̍h真chē人啼 哭,因為in對以 前所 犯ê罪、污穢、姦 淫kah放 蕩,到taⁿ Iáu未悔 改。