巴克禮普世版(試讀本) 加拉太書第四章
1我koh講,繼 承 人雖 然是產 業ê主 人,伊tī未 成 年ê時kah奴僕無 甚 麼差 別。2 Tī老父所定tio̍h ê日子chìn前,tio̍h受監 護 人kah管 家ê監 督。3咱mā親 像ánne,tī靈 性未 成 年以 前,受宇宙ê靈支 配做奴隸。4 M̄ koh時機若到,上 主差家己ê Kiáⁿ,hō͘祂tùi婦人 人來 出 世,tī律 法ê管 轄之下成 長。5為tio̍h救 贖律 法之下ê人,thang hō͘咱成 做上 主ê kiáⁿ兒。6因為lín是上 主ê kiáⁿ兒,上 主有祂êKiáⁿ ê聖 神入lín ê心,hō͘ lín大 聲hoah:「阿爸,天父ah。」7 Ánne,你to̍h無koh做 奴僕,是做kiáⁿ兒;既然做kiáⁿ兒,上 主就hō͘你做繼 承 人。
保羅關 懷加 拉 太 人
8以 前lín m̄ bat上 主ê時,hō͘ hiahê本 質m̄是神ê神 明當做奴隸支 配。9 M̄ koh chitmá lín已經bat上 主,khah好tio̍h講 是hō͘上 主所bat,ná會倒tńg去ǹg hiahê軟chiáⁿ koh無路用ê宇宙之 靈,koh再做in ê奴隸是無?10 Lín致意守特 別ê日、月、節kah年。11我替lín擔 心,恐 驚我以 前tī lín中 間ê勞苦工 作,會 變 成無chhái工。12兄弟 姊 妹ah,我 已經有kā lín認 同,懇 求lín mā tio̍h kā我認 同,lín lóng m̄ bat刻 虧我。13 Lín會記得我頭 一pái去lín hia傳 福 音,是因為我ê身 軀有病。14 Hit時,雖 然我ê健 康成 做lín ê負 擔,lín無kā我看 輕,mā無kā我拒 絕,lín顛倒接 待我親 像teh接 待上 主ê天使,mā親 像teh接 待基督耶穌。15 Lín當 時ê歡 喜kah滿 足,taⁿ走 去tó位?我敢講,lín hit當 時若tio̍h kā目 睭挖出 來hō͘我mā甘 願。16 Taⁿ我對lín照 實講,我chitmá soah成 做lín ê對敵是無?17其他hiahê人對lín熱 情m̄是出tī好意,是ài beh隔 斷lín kah我ê關 係,thang hō͘ lín kah in親熱。18善 事m̄是kantaⁿ我kah lín做伙ê時tio̍h做,tio̍h不時熱 心去 做。19我ê細kiáⁿ ah,我為tio̍h beh hō͘基督ê本 性入tī lín ê心,我koh一pái經 過生 產ê艱 苦。20我真ài chitchūn就 去lín hia,thang用無 仝 款ê口 氣kah lín講 話,我實 在m̄知tio̍h án怎來對 待lín。
夏甲Kah撒拉ê例
21 Lín chiahê ài受律 法管 轄ê人,tio̍h kā我 講,lín kám無beh聽律 法ê冊án怎寫?22因為律 法ê冊有記載講:「亞伯 拉罕有兩個kiáⁿ,一個是女婢 女婢生ê,一個是自由ê chabó͘人 生.ê。23 M̄ koh hitê tùi女婢 女婢生.ê是 照屬 世來生,hitê tùi自由ê chabó͘人 生.ê是tùi上 主ê應允來生。24這是一 種ê譬喻:hit兩個chabó͘人是代 表兩 種契 約,一個是夏甲,代 表西奈 山ê約,所生ê kiáⁿ做奴隸。25夏甲是指阿拉伯ê西奈 山,是teh指現 今ê耶路撒冷 城,因為伊kah伊ê kiáⁿ孫lóng做奴隸。26 M̄ koh tī天 頂ê耶路撒 冷是自由.ê,是咱ê老母。27因為聖 經有記載:Bē懷孕,bē生kiáⁿ ê chabó͘人,tio̍h歡 喜,M̄ bat經 過生 產痛 苦ê chabó͘人ah,tio̍h大 聲歡 喜唱 歌,因為獨 身ê chabó͘人,比有丈 夫ê khahchē kiáⁿ兒。(註:賽54:1) 28兄弟 姊 妹ah,lín親 像以撒,是上 主應允ê kiáⁿ兒。29當 時照屬 世來生.ê迫 害tùi上 主ê聖 神所生.ê,chitmá mā是ánne。30 M̄ koh聖 經án怎講?聖 經講:「Tio̍h kā女婢 女婢kah伊ê kiáⁿ趕 出 去,因為女婢 女婢ê kiáⁿ絕 對bē tàng kah自由ê人ê kiáⁿ,同 齊繼 承產 業。」31兄弟 姊 妹ah,ánne咱m̄是女婢 女婢ê kiáⁿ,咱是自由ê chabó͘人ê kiáⁿ。