巴克禮普世版(試讀本) 以弗所書第二章
出 死入 活
1過 去因為lín悖 逆上 主,靈 性已經死去。2 Hit時,lín跟tòe chit世間ê pháiⁿ風 俗teh生 活,koh順 服天 界ê掌 權 者,就是chitmá teh管 轄hiahê悖 逆上 主ê人hitê邪神。3其實阮以 前mā lóng kah chiahê人仝 款,順 服私慾teh生 活,照 家己肉 體ê私慾kah意念teh行 踏;阮kah其他ê人lóng仝 款,註 定tio̍h受 上 主ê刑 罰。4 M̄ koh上 主有夠 額ê憐 憫,用極 大ê慈愛teh疼 咱。5當咱iáu teh悖 逆上 主,靈 性已經死ê時,to̍h hō͘咱kah基督同 齊koh活,咱tùi上 主ê恩 典來得救。6通 過咱kah基督耶穌結 聯,上 主hō͘咱kah祂同 齊koh活,做伙tī天 頂掌 權。7 Ánne是beh對世世代代表 明祂夠 額ê恩 典,就是通 過基督耶穌對咱顯 示ê慈愛。8因為lín是靠上 主ê恩 典tùi信來得救,m̄是靠lín家己,是靠上 主ê恩賜。9既然m̄是靠家己ê行 踏,就無 甚 麼thang誇 口。10因為咱是上 主創 造ê,祂通 過基督耶穌來改 造咱,ài咱行 好事,這是上 主早to̍h準 備ài咱ánne去 做。
Tī基督內成做 一 體
11所以lín chiahê出 世to̍h是外 邦 人.ê,hō͘ hiahê叫 做受割禮ê猶 太 人,kā lín稱 做無受割禮;in ê割禮就是人用 手tī身 軀行 割禮。12 Hit時,lín無kah基督結 聯,無屬上 主ê選 民,無份tī上 主應允ê盟 約,tī chit世間無ǹg望,mā m̄ bat上 主。13 M̄ koh lín chiahê以 前離開上 主遠 遠ê人,chitmá靠基督耶穌,通 過祂ê死已經kah上 主親 近。14因為基督做咱和 平ê源 頭,祂用家己ê身 軀拆 毀互 相對敵ê牆,hō͘猶 太 人kah外 邦 人合 做伙,15祂廢除造 成彼 此冤 仇ê猶 太 人誡 命ê律 法kah規例,是beh hō͘雙pêng通 過祂來 創 造一個新ê人,thang和 平做伙生 活。16 Koh通 過十字架除去彼 此ê對敵,hō͘雙pêng成做 一 體,thang kah上 主和好。17 Ánne基督來 傳和 平ê福 音hō͘所有ê人,包 括lín chiahê以 前離開上 主遠 遠ê外 邦 人,kah親 近上 主ê猶 太 人。18通 過基督,咱兩pêng ê人lóng ē tàng tùi仝 一個聖 神來 親 近天父。19所以lín外 邦 人無koh做外 面ê人,m̄是出 外 人;lín已經是上 主子 民ê同 胞,做上 主家內ê人。20 Lín kah猶 太 人仝 款,起 造tī使徒kah先知ê地基頂 面,基督耶穌家己mā做,厝 角 頭siōng重 要ê石 基。21 Kui個建 築 物靠基督來 結 合,互 相接 連,漸 漸擴 展成 做聖 殿來 獻hō͘上 主。22 Óa靠聖 神ê幫 助,lín mā做伙受起 造,來 成 做上 主所tòa ê所 在。