巴克禮普世版(試讀本) 歌羅西書第三章
1既然lín已經kah基督同 齊koh活,就tio̍h求tī天 頂ê事。基督tī hia,坐tī上 主ê大pêng。2 Lín tio̍h致意天 頂ê tāichì,m̄ thang致意地 上ê tāichì。3因為lín已經死,lín ê活 命kah基督做伙隱 藏tī上 主內面。4基督是咱ê活 命,祂顯 現ê時,lín mā會kah祂做伙顯 現,來 分 享祂ê榮 耀。
舊ê Kah新ê活 命
5所以lín tio̍h毀 滅lín tī地 上ê慾 望,就是姦 淫、污穢、邪惡、pháiⁿ ê私慾kah貪 心。貪 心是一 種ê偶 像 崇 拜。6因為tùi chiahê tāichì,上 主會對悖 逆祂ê人大 受氣。7 Lín以 前tī chiahê慾 望 中teh生 活ê時,行 踏mā受hiahê慾 望支 配。8 M̄ koh chitmá lín tio̍h徹 底棄sak怨 恨、受氣、惡毒、譭 謗kah講lahsap話。9 M̄ thang講 白 賊相騙,因為lín已經放 棄舊ê做 人kah行 為,10成 做一個新ê人,創 造主照 家己ê形 象繼 續teh kā chitê新ê人換新,來hō͘伊ē tàng徹 底認bat上 主。11 Ánne就 無koh分 別希 臘 人á是猶 太 人,受割禮á是無受割禮,野蠻ê人,未開 化ê人,做 奴僕.ê á是自由.ê,m̄ koh基督是一 切,mā tī一 切ê內面。12 Lín既然是上 主所 揀 選ê子 民,是聖 潔koh得tio̍h祂ê疼ê人,tio̍h用憐 憫、仁 慈、謙 卑、溫柔kah耐心做 衫來 穿。13 Lín中 間若有糾 紛,tio̍h互 相寬 容,互 相赦 免,親 像主有赦 免lín,lín mā tio̍h ánne互 相赦 免。14比chiahê kohkhah要緊.ê,tio̍h ài有疼 心,因為疼 心會結 聯一 切,hō͘人完 全和好。15 Tio̍h hō͘基督所賞賜ê和 平,tī lín ê心 內做 主;為tio̍h beh hō͘ lín有chitê和 平,上 主選 召lín來 成 做一 體,lín tio̍h感 謝上 主。16 Tio̍h hō͘基督ê道理,充 滿tī lín ê心 內;tio̍h用ta̍k種ê智慧,互 相教示,互 相勸 勉;tio̍h唱詩 篇,聖 詩kah靈 歌,tùi心底出oló ê聲來感 謝上 主。17 Lín無論講甚 麼á是做 甚 麼,lóng tio̍h照主耶穌ê旨意來做,通 過祂來感 謝天父上 主。
新性 命 中ê人際關 係
18做 人ê bó͘ tio̍h順 服她ê丈 夫。這是基督徒ê本 份。19做 丈 夫.ê tio̍h疼你ê bó͘,m̄ thang kā她pháiⁿ款 待。20做kiáⁿ兒.ê tio̍h ta̍k項tāichì順 服父母,因為這是主所歡喜.ê。21做 老父ê人m̄ thang激kiáⁿ兒受氣,chiah bē hō͘ in灰心失志。22做 奴僕ê人tio̍h ta̍k項tāichì順 服hiahê世 上ê主 人。M̄ 是為tio̍h beh hō͘ in歡 喜phah拚做,因為lín是敬 畏上 主ê人,tio̍h誠 心 誠意來做。23 Lín無論做 甚 麼,tio̍h盡 心來做,ná親 像teh服 事主,m̄是teh服 事人。24 Lín tio̍h會記得,主會kā lín報賞,hō͘ lín tùi祂得tio̍h產 業。Lín是teh服 事主基督。25做 不義ê人會受不義ê報應,因為上 主用仝 一個標 準對 待每一個 人。