巴克禮普世版(試讀本) 帖撒羅尼迦前書第三章
1阮已經等kah擋bē tiâu,就決 定kantaⁿ阮tòa tī雅 典,2差 派阮ê兄弟提摩 太去lín hia,伊是為tio̍h上 主來 傳基督ê福 音做阮ê同 工,伊thang來堅 固lín ê信 心,koh為tio̍h lín ê信 心來安慰lín,3 hō͘ lín中 間bē因為tú tio̍h苦 難soah信 心搖動。Lín家己mā知,咱tú tio̍h苦 難,是上 主ê旨意所安排。4阮iáu tī lín hia ê時,有先kā lín講 起,咱會tú tio̍h苦 難,後來果 然ánne發 生,這是lín所 知.ê。5所以我等kah擋bē tiâu,chiah tio̍h差 派提摩 太去lín hia,ài知lín ê信án怎chiah bē hō͘ hitê魔 鬼kā lín誘惑,hō͘阮ê勞苦lóng枉 費去。6 Taⁿ提摩 太已經tùi lín hia tńg來,將lín ê信 心kah疼 心ê好消 息報阮 知,koh講 起lín常 常teh數 念阮,ài beh kah阮見面,親 像阮ài beh kah lín見面仝 款。7所以,兄弟 姊 妹ah,阮tī一 切ê困 苦患 難 中,阮有tùi lín ê信 心得tio̍h安慰。8 Lín若對主有堅固ê信 心,阮就 感 覺有 真 正teh活。9阮tī咱ê上 主ê面 前,為tio̍h lín真 歡 喜;為tio̍h這一 切ê歡 喜,阮tio̍h án怎來感 謝上 主chiah有夠 額?10阮暝日迫 切祈禱,ài見tio̍h lín ê面,來補 足lín信 心無 夠 額ê所 在。11願咱ê天父上 主kah咱ê主耶穌kā阮開 路thang去lín hia。12親 像阮對lín ê疼 心ná加添,願主hō͘ lín互 相ê疼 心kah疼眾 人ê心mā日日加添。13 Ánne lín ê信 心ē tàng堅 固,tī咱ê主耶穌kah祂ê眾 信徒koh再來臨ê時,tī咱ê天父上 主ê面 前,ē tàng聖 潔無thang嫌。