巴克禮普世版(試讀本) 提摩太後書第一章
1我是保羅,奉上 主ê旨意做基督耶穌ê使徒,來 傳上 主所應允通 過kah基督耶穌結 聯chiah ē tàng得tio̍h ê活 命。2我寫phoe寄hō͘我所 疼ê kiáⁿ提摩 太。願你tùi天父上 主kah咱ê主基督耶穌,得tio̍h恩 典、憐 憫kah平 安。
感 謝kah鼓勵
3我感 謝kah阮列 祖仝 款用純 潔ê良 心敬 拜ê上 主,我暝日tī祈禱 中不時lóng teh數 念你無soah。4我會記得咱離別ê時你teh流 目 屎,我 就真ài koh kah你見面,thang hō͘我滿 心歡 喜。5我會記得你有純 真ê信 仰,就是你ê外媽Lôí kah你ê老母Iúnîki khah早to̍h有.ê,我確 信你chitmá mā有chit種ê信 仰。6因為ánne,我kā你提 醒,tio̍h將我kā你hōaⁿ手ê時上 主hō͘你ê恩賜,親 像hō͘火koh點to̍h起來。7因為上 主賞賜咱ê聖 靈,m̄是hō͘咱驚 惶,顛倒是hō͘咱有氣 力、疼 心kah守己ê心 靈。8所以咱為主做 見 證,m̄ thang感 覺見 笑,mā m̄ thang因為我為tio̍h主成 做囚 犯,來 感 覺見 笑,tio̍h照上 主所賜ê權 能,來kah我為tio̍h福 音做伙受 苦。9上 主拯 救咱,呼 召咱 做祂ê子 民,m̄是根據咱ê行 為,是 照祂家己ê旨意kah恩 典。Chitê恩 典是tī萬世以 前,to̍h通 過基督耶穌賞賜咱。10 Chitê恩 典chitmá通 過咱ê救 主基督耶穌ê顯 現來實 現,基督已經毀 滅死 亡ê權 勢,koh通 過福 音將bē敗 壞ê活 命,koh再顯 明出 來。11為tio̍h chitê福 音,上 主kā我設立做傳 道 者,做使徒,做 教師。12所以我chiah teh受 苦,m̄ koh我無 感 覺見 笑,因為我bat我所信ê上 主,mā確 信祂會保守我做祂交 託我做ê工 作,直到主再 臨ê日。13 Tio̍h用你對我所聽tio̍h hiahê健 全ê道理做 模 範,來持 守咱通 過kah基督耶穌結 聯所 得tio̍h ê信 心kah疼 心。14 Tio̍h óa靠聖 神,來顧守上 主交 託咱ê好事。15你知tī亞西亞省ê人lóng悖 逆我,包 括Huikiatlō͘ kah Hekmô͘kînî。16願主憐 憫Onîsekhut一 家ê人,因為伊常 常kā我鼓勵,mā無因為我掛 鐵 鏈感 覺見 笑。17顛倒一下來到羅馬to̍h phah拚chhōe我,chhōe到tio̍h為止。18願主hō͘伊tī主再 臨hit日,tùi主得tio̍h憐 憫!你mā真清 楚,伊tī以弗所hiahni̍h gâu服 事我。