巴克禮普世版（試讀本） 希伯來書第十一章
論信 心
1信 心是對所ǹg望ê tāichì有把握，對所 看bē tio̍h ê tāichì有確 信。2古早 人因為有chitê信 心，chiah得tio̍h上 主ê接 納。3咱有chitê信 心chiah了 解，宇宙是tùi上 主ê話創 造ê，ánne講 起來，咱所 看會tio̍h.ê是tùi看bē tio̍h.ê來 造 成。4亞伯因為有信心chiah奉 獻，比該隱khah好ê祭 物hō͘上 主，伊就ánne得tio̍h上 主ê接 納，koh認 定伊做義 人，伊雖 然已經過 身，iáu teh講 話。5以諾因為有信心chiah無死去，伊受 提 升去 到上 主hia，所以無 人chhōe會tio̍h伊。(註：創5：24)伊受 遷 徙chìn前to̍h hō͘上 主歡 喜接 納。6人 若無信 心就bē tàng hō͘上 主歡 喜接 納，beh親 近上 主ê人一定tio̍h相 信上 主ê存 在，koh相 信祂會報賞hiahê chhōe求祂ê人。7挪亞因為有信心，tùi Iáu未看tio̍h ê tāichì已經聽tio̍h上 主ê默示，存敬 畏ê心準 備一台大 船thang救伊ê全 家。伊就ánne來 定世 間 人ê罪，而 且tùi上 主領受因為chitê信 心來叫 做義ê人。8亞伯 拉罕受 召去 承 接做伊產 業ê地ê時，雖 然m̄知beh去tó位，因為有信心就 順 從命 令出 去。9伊óa靠信 心tòa tī應允ê地，ná親 像tòa tī外 國，kah承 接仝 款應允ê以撒、雅 各做伙tòa tī布棚。10因為亞伯 拉罕teh期待，上 主所設 計受起 造hitê有地基ê城。11亞伯 拉罕雖 然年老，撒拉mā超 過生 產ê年歲，iáukoh ē tàng做 老父，因為伊確 信上 主會守祂ê應允。12實際 上，亞伯 拉罕ná一個tehbeh死ê人，有生 湠kiáⁿ孫親 像天 頂ê星hiahni̍h chē，親 像海邊ê沙算bē了。13 Chiahê人到死為止lóng有信心，雖 然無得tio̍h所應允.ê，m̄ koh tùi遠 遠teh看，歡 喜來等 待迎 接chiahê tāichì，koh承 認家己tī地 上只不過是來做人 客ê出 外 人。14 Ánne講ê人，表 明in teh chhōe一個家 鄉。15 In並 無teh數 念離開遠 遠ê家 鄉，若有早to̍h有thang tńg去ê機會。16 M̄ koh in欣 慕hitê天 頂kohkhah好ê所 在，所以上 主無因為in稱祂做上 主來 感 覺見 笑，因為祂已經為in準 備一個城thang khāi起。17亞伯 拉罕受 上 主考 驗ê時，因為有信心chiah將伊ê kiáⁿ以撒做 祭 物。就 是 講承 受應允ê亞伯 拉罕，iáukoh願意將伊ê獨kiáⁿ做 祭 物獻hō͘上 主。18上 主bat對伊講：「Tùi以撒生ê chiah thang算 做你ê kiáⁿ孫。」(註：創21：12) 19亞伯 拉罕想 講，上 主ē tàng hō͘以撒tùi死 人 中koh活，所以thang譬喻講，以撒是死了koh倒tńg來。20以撒因為有信心，chiah為tio̍h將 來ê tāichì對雅 各kah以掃祝 福。21雅 各因為有信心，beh死ê時chiah kā約 瑟兩個kiáⁿ祝 福。伊hōaⁿtòa枴á頭敬 拜上 主。(註：創47：31 LXX) 22約 瑟因為有信心，beh死ê時chiah講 起以色列 人出 埃及ê tāichì，koh有吩 咐處 理伊ê骨骸ê tāichì。23摩西出 世ê時，伊ê父母因為有信心，看tio̍h kiáⁿ清 秀，驚王ê命 令to̍h kā嬰á隱 藏三月 日久。24摩西長 大了 後，因為有信心chiah拒 絕人，kā伊叫 做埃及公 主ê kiáⁿ，25 khah ài kah上 主ê子 民做伙受苦 難，無ài tī罪 惡 中享 受暫 時ê快 樂。26伊看為tio̍h基督受 凌 辱，比埃及ê財 寶khah貴氣，因為伊仰 望將 來ê報賞。27摩西因為有信心，chiah無驚王ê受氣離開埃及，伊ná親 像有 看tio̍h人所 看bē tio̍h ê上 主，堅 持到底，m̄肯倒tńg去。28祂有信心chiah來設立Pôaⁿ過 節，吩 咐家家戶戶tio̍h hiù血tòa門 裡，免 得hō͘剿 滅 者thâi死以色列 人ê大kiáⁿ。29以色列 人有信心，chiah ē tàng過紅 海ná親 像teh行乾地，埃及 人mā想beh行 過soah hō͘水淹死。30以色列 人se̍h耶利哥城七 日久，因為有信心，城 牆就倒落去。31妓女Latha̍p因為有信心chiah好 款 待密 探，所以無kah hiahê無順 服上 主ê人做伙滅 亡。32我kám tio̍h koh講？我無時間thang提 起基甸、Pala̍k、參 孫、Iâhuttha、大衛、撒母耳kah眾 先 知ê tāichì。33 Chiahê人靠信 心thâi贏列 國，in做公 義ê tāichì來領受上 主ê應允，in kā獅ê嘴封 密，34 phahhoa烈 火，閃 避利刀ê殺 害，弱勢成 做強 勢，tī戰 場勇 猛，攻 破外 國ê軍 隊。35有kóa婦人 人óa靠信 心，接in hiahê tùi死koh活ê親 人，mā有kóa人 為tio̍h khah好ê koh活soah m̄願受 贖 回，甘 願受酷 刑來死。36 Koh有kóa人受戲弄、鞭phah，mā有人受 綑 縛關 監。37 Koh有人hō͘人用 石 頭tìm，用鋸á鋸，用刀thâi死。In穿綿羊á是山羊ê皮，四界奔 波，忍 受sànchhiah、患 難kah虐 待。38 Chiahê人看 破世間，tī曠 野、山 嶺、石 洞á是地穴四界流 浪。39 Chiahê人óa靠in ê信 心，有得tio̍h上 主ê認 定，m̄ koh無領受 上 主所應允.ê。40因為上 主kā咱安排kohkhah好ê計畫，上 主ê旨意就是，chiahê人tio̍h kah咱 做伙chiah ē tàng完 全實 現。
|
|
|
轉寄