巴克禮普世版(試讀本) 希伯來書第十三章
上 主所Kah意ê服 事
1 Lín tio̍h親 像兄弟 姊 妹繼 續相 疼。2 M̄ thang bē記得接 待出 外 人,因為ánne做會tī無意中接 待tio̍h天使。3 Tio̍h關 懷hiahê受 關 監ê人,親 像kah in tâng關 監;tio̍h關 懷hiahê受 虐 待ê人,親 像lín mā teh受 虐 待。4大家tio̍h尊 重婚姻,夫 妻tio̍h互 相忠 實,因為上 主會 審 判私 通行 淫ê人。5做 人m̄ thang貪 財,家己所有ê tio̍h知 足,因為上 主有講:「我絕 對bē放sak你,絕 對bē離開你。」(註:申31:6;創28:15) 6所以咱ē tàng好膽講:主是我ê幫 助,我無驚 惶人對我án怎?(註:詩118:6) 7 Tio̍h數 念前引chhōa lín,傳上 主ê福 音hō͘ lín ê人,chimchiok看in行 為ê結 局,來學 習in ê信 仰。8耶穌基督過 去到今á日,一直到永 遠lóng bē改 變。9 Lín m̄ thang hō͘ ta̍k款奇異ê教義chhōa去迷路,因為心 靈khah好是靠上 主ê恩 典來堅 固:m̄ thang靠hiahê食 物規矩,因為遵 守食 物規矩ê人並 無得tio̍h利益。10咱有咱ê祭 壇,tī會 幕服 事ê猶太祭司,無 權thang食咱祭 壇 頂ê祭 物。11猶 太 人ê大 祭司帶chengseⁿ ê血,入去至聖 所來 贖 罪,卻kā chengseⁿ ê身 體tī營 外燒 掉。12所以為tio̍h beh用家己ê血hō͘眾 人成 做聖 潔,耶穌mā tī營 外受 苦來犧 牲。13 Ánne咱mā tio̍h出 去營 外kah祂做伙忍 受 凌 辱。14因為tī地 上咱無永 久ê城,咱是teh chhōe hitê tehbeh來ê城。15所以咱tio̍h通 過耶穌,繼 續用oló ê祭獻hō͘上 主,這就是公 開承 認主ê名ê人ê嘴 唇所結ê果 子。16 Tio̍h會記得做好事kah互 相幫 助,因為這是上 主所歡喜ê祭 物。17 Tio̍h順 服引chhōa lín ê人,tio̍h聽in ê話,因為in不時teh看 顧lín ê靈 魂,thang對上 主有交帶。Lín tio̍h hō͘ in歡 喜來 工 作,若無,in會冷 心吐 氣,ánne對lín無利益。18 Lín tio̍h繼 續為 阮祈禱,阮確 信家己有 清 白ê良 心,ta̍k項tāichì ài beh行正 直ê路。19我kohkhah懇 求lín為我祈禱,hō͘我thang khah緊koh去lín hia。
祝 福kah最 後ê請 安
20 Taⁿ上 主hō͘咱ê主耶穌koh活 起來,通 過耶穌所流ê血,來確 立永 遠ê盟 約,hō͘耶穌成 做引chhōa羊 群ê大 牧 者。21願賜平 安ê上 主,賞賜lín ta̍k項好tāichì來 遵 行祂ê旨意;願祂通 過耶穌基督,tī咱ê心 內做tāichì來hō͘祂歡 喜;願榮 光歸tī基督,到代代無soah。阿們。22兄弟 姊 妹ah,我寫短短ê phoe hō͘ lín,勸lín耐心聽我勸 勉ê話。23我ài報lín知,咱ê兄弟提摩 太已經出 監,伊若khah緊來,我會叫伊kah我做伙去lín hia。24請lín替阮,kā hiahê引chhōa lín ê人kah眾聖 徒請 安; tùi意大利來ê信徒,mā beh kā lín請 安。25願上 主ê恩 典kah lín眾 人同 在。阿們。