《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 雅各書第四章

作者 巴克禮普世版小組 2016.09.04

M̄ thang做(chò)世間(sèkan)ê朋 友(pêngiú)
1 Lín中 間(tiongkan)ê鬥 爭(tàucheng)kah冤家(oanke)是(sī)tùi tó位(ūi)來(lâi)？Kám m̄是(sī)tùi lín不時(putsî)teh鬥 爭(tàucheng)kah冤家(oanke)ê慾 望(io̍kbōng)來(lâi)？2 Lín siàu想(siūⁿ)ê物 件(mi̍hkiāⁿ)得(tit)bē tio̍h，就(chiū)beh thâi死(sí) 人(lâng)；lín貪 財(thamchâi)得(tit)bē tio̍h，就(chiū)鬥 爭(tàucheng)冤家(oanke)。其實(kîsi̍t)lín得(tit)bē tio̍h所愛(só͘ ài)ê物 件(mi̍hkiāⁿ)，是因為(sī inūi)lín無(bô)tùi上 主(siōngchú)求(kiû)。3 Lín雖 然(suijiân)有求(ū kiû)m̄ koh得(tit)bē tio̍h，因為(inūi)lín求(kiû)ê動機(tōngki)無好(bô hó)，kantaⁿ求(kiû)滿 足(boánchiok)家己(kakī)ê享 樂(hiónglo̍k)。4 Lín chiahê淫 亂(îmloān)ê人(lâng)ah，lín kám m̄知(chai)，kah世間(sèkan)做 朋 友(chò pêngiú)就是(chiūsī)kah上 主(siōngchú)做 對敵(chò tùite̍k)？所以(só͘í)àibeh做(chò)世間(sèkan)ê朋 友(pêngiú)ê人(lâng)，就是(chiūsī)上 主(siōngchú)ê敵人(te̍kjîn)。5聖 經(sèngkeng)講(kóng)：「上 主(siōngchú)ài祂(i)賞賜(siúⁿsù)咱(lán)ê聖 神(sèngsîn)，ài kah起嫉妒(khí chi̍ttò͘)。」Lín kám想 講(siūⁿkóng)聖 經(sèngkeng)chit句話(kùōe)無意思(bô ìsù)？6 M̄ koh上 主(siōngchú)賞賜(siúⁿsù)咱(lán)ê恩 典(untián)kohkhah大(tōa)，因為(inūi)聖 經(sèngkeng)有記載(ū kìchài)：上 主(siōngchú)kah驕 傲(kiaungō͘)ê人(lâng)對敵(tùite̍k)，賞賜(siúⁿsù)恩 典(untián)hō͘謙 卑(khiampi)ê人(lâng)。(註(chù)：箴3：34) 7所以(só͘í)lín tio̍h順 服(sūnho̍k)上 主(siōngchú)，反 抗(hoánkhòng)魔 鬼(mô͘kúi)，魔 鬼(mô͘kúi)就 閃 避(chiū siámphiah)lín。8來 親 近(lâi chhinkīn)上 主(siōngchú)，上 主(siōngchú)就會(chiūē)親 近(chhinkīn)lín。罪 人(chōejîn)ah，lín tio̍h洗(sé)lín ê手(chhiú)；三 心 兩意(samsim lióngì)ê人(lâng)ah，tio̍h潔 淨(kiatchēng)lín ê心(sim)。9 Tio̍h悲 傷(pisiong)，啼 哭(thîkhàu)流 目 屎(lâu ba̍ksái)，將(chiong)lín ê笑 面(chhiòbīn)變 做(piànchò)哀 傷(aisiong)，歡 喜(hoaⁿhí)變 做(piànchò)憂 愁(iuchhiû)。10 Tio̍h tī主(chú)ê面 前(bīnchêng)謙 卑(khiampi)，祂(i)就會(chiūē)kā lín高 升(koseng)。

M̄ thang批 評(phoephêng)兄弟 姊 妹(hiaⁿtī chímōe)
11兄弟 姊 妹(hiaⁿtī chímōe)，lín m̄ thang互 相(hō͘siōng)講(kóng)pháiⁿ話(ōe)；講(kóng)兄弟 姊 妹(hiaⁿtī chímōe)ê pháiⁿ話(ōe)，á是(sī)批 評(phoephêng)兄弟 姊 妹(hiaⁿtī chímōe)ê人(lâng)，就 是 講(chiūsī kóng)律 法(lu̍thoat)ê pháiⁿ話(ōe)，批 評(phoephêng)律 法(lu̍thoat)。你(lí)若(nā)批 評(phoephêng)律 法(lu̍thoat)，就(chiū)m̄是(sī)守律 法(siú lu̍thoat)ê人(lâng)，是(sī)teh批 評(phoephêng)律 法(lu̍thoat)。12律 法(lu̍thoat)ê制 定 者(chètēngchiá)kah審 判 者(símphòaⁿchiá)只有(chíū) 一位(chi̍tūi)，祂(i)會拯 救(ē chínkiù)mā會毀滅(ē húibia̍t)。你(lí)是啥 人(sī siáⁿlâng)，ná敢(káⁿ)批 評(phoephêng)你(lí)ê厝 邊(chhùpiⁿ)？

M̄ thang誇 口(khoakháu)
13有人(ū lâng)ánne講(kóng)：「今(kin)á日(ji̍t)á是(sī)明(bîn)á載(chài)，阮(goán)beh去(khì)某一個(bó͘ chi̍tê)城(siâⁿ)，tī hia tòa一年久(chi̍tnî kú)，做(chò)senglí thàn錢(chîⁿ)。」Taⁿ lín聽(thiaⁿ)我 講(góa kóng)：14 Lín連(liân)明(bîn)á載(chài)性 命(sèⁿmiā)會變(ē piàn)án怎(chóaⁿ)都(to)m̄知(chai)，lín kahná雲霧(hûnbū)出 現(chhuthiān)一時(chi̍tsî)á久(kú)，liâmpiⁿ就 消 失(chiū siausit)去(khì)。15 Lín應 該(engkai)tio̍h ánne講(kóng)：「主(chú)若願意(nā goānì)，阮(goán)就會(chiūē)活(oa̍h)，mā ē tàng做(chò)chit項(hāng)做(chò)hit項(hāng)。」16 Lín chitmá teh膨 風(phònghong)誇 口(khoakháu)，chit種(chióng)ê誇 口(khoakháu)lóng是(sī)邪惡(siâok)。17所以(só͘í)人(lâng)知 影(chaiiáⁿ)tio̍h做好事(chò hósū)，m̄去 做(khì chò)就是(chiūsī)犯 罪(hoānchōe)。