巴克禮普世版(試讀本) 雅各書第五章
警 告好 額 人
1 Taⁿ lín chiahê好 額 人tio̍h注意 聽,lín ê災 難tehbeh到à,lín tio̍h悲 傷啼 哭!2 Lín ê錢 財已經敗 壞,lín ê衫 褲hō͘蛀 蟲蛀 破 去。3 Lín ê金銀生sian,hiahê sian會做攻 擊lín ê證 據,beh親 像火 燒 滅lín ê身 軀。Lín tī chitê末 世,kantaⁿ知 影積 聚財 寶。4 Lín刻 虧hiahê tī lín ê田 園teh收 割ê人,無hō͘ in工 錢。In出 聲teh kā lín控 告!萬 軍ê主已經有聽tio̍h chiahê哀怨ê聲。5 Lín tī地 上享 受奢 華宴 樂,kā家己飼kah肥chutchut teh等屠 宰ê日子。6 Lín kā hiahê義 人定 罪,koh kā in thâi死,in mā無kā lín抵 抗。
忍 耐Kah祈禱
7兄弟 姊 妹ah,所以lín tio̍h繼 續忍 耐到主ê再 臨;lín看,作 穡 人án怎thèng候田 裡寶貝ê收 成,伊耐心thèng候秋 霖 春 雨。8 Lín mā tio̍h繼 續忍 耐,堅 固lín ê信 心,因為主再 臨ê日子tehbeh到à。9兄弟 姊 妹ah,m̄ thang互 相怨妒,chiah免受 上 主審 判;lín看,審 判 者已經khiā tī門 口à。10兄弟 姊 妹ah,lín tio̍h用hiahê奉 主ê名來 講 話ê先知,做忍 受 苦 難ê模樣。11咱kā hiahê忍 耐 到底ê人,看 做有福 氣;lín bat聽 過約伯ê忍 耐,mā知主到 尾án怎kā伊照 顧,因為主有滿 腹ê慈悲kah憐 憫。12我ê兄弟 姊 妹ah,siōng要緊是:M̄ thang kí天,á是地,á是甚 麼物 件來chiùchōa。「是」to̍h講:「是」:「M̄是」to̍h講:「M̄是」,ánne chiah免受 上 主審 判。13 Lín中 間有人受 苦無?若有,伊tio̍h祈禱;lín中 間有人歡 喜無?若有,伊tio̍h吟oló ê詩歌。14 Lín中 間有人破 病無?若有,伊tio̍h請教 會ê長老來替伊祈禱,奉 主ê名kā伊抹 油。15有信心ê祈禱,會救破 病ê人,主會hō͘伊khiā起來;伊若有罪,mā會得tio̍h赦 免。16 Lín tio̍h互 相認 罪,相替祈禱,thang得tio̍h醫好,義 人ê祈禱有真 大ê功 效。17以利亞kah咱平 平是人,伊迫 切祈禱懇 求上 主m̄ thang落雨,果 然地 上有三年 半久無落雨。18伊koh祈禱,果 然落 大雨,地就出 產五 穀。19親 愛ê兄弟 姊 妹,lín中 間若有人偏 離真理,有人kā伊chhōa倒tńg來。20 Lín tio̍h知,hō͘一個失迷ê人倒tńg來ê人,會救伊ê靈 魂脫 離死 亡,koh hō͘真chē罪得tio̍h赦 免。