巴克禮普世版(試讀本) 彼得前書第一章
1我—彼得,是耶穌基督ê使徒,寫chit張phoe寄hō͘四散避難tī Púnto͘、加拉 太、Kaphàⁿtoka、亞西亞、Píchhuinî khiā起ê上 主選 民。2 Lín受 揀 選,是 照天父上 主預定ê旨意,óa靠聖 神來 成 做聖 潔,thang順 服耶穌基督,koh tùi祂ê血得tio̍h潔 淨。願上 主ê恩 典kah平 安充 滿lín大家!
新 活 命ê Ǹg望
3願咱ê主耶穌基督ê天父上 主,得tio̍h oló!照祂無限ê慈悲,通 過耶穌基督tùi死 人 中koh活,hō͘咱重 頭 生,thang得tio̍h新 活 命ê ǹg望,4來 承 受hitê為tio̍h lín保 存tī天 頂,bē敗 壞,bē lahsap,bē衰 退ê福 氣。5這是beh hō͘ lín chiahê通 過信,受 上 主ê大 權 能保守,thang得tio̍h準 備tī末 日tehbeh實 現ê拯 救。6 Lín chitmá雖 然iáuteh受種 種ê試 煉,暫 時心艱 苦,lín mā tio̍h為tio̍h ánne來歡 喜。7這是beh證 明lín ê信 心堪 得考 驗,比hiahê經 過火鍛 鍊,猶 原會敗 壞ê金kohkhah寶貴,thang tī耶穌基督再 臨ê時,得tio̍h oló、榮 光kah尊 貴。8 Lín雖 然m̄ bat看tio̍h耶穌mā teh疼祂,chitmá無 看 見祂iáukoh teh信祂,lín有用 言語無法 度表 達ê喜樂。9因為lín得tio̍h信 仰ê結 果,就是靈 魂ê得救。10關 係chitê拯 救,預言lín會得tio̍h恩 典hiahê先知,已經有研 究koh詳 細查 考。11眾 先 知ê心 內,有基督ê聖 神對in指示,來查 考基督ê受 苦kah後來得tio̍h榮 光ê預言,會tī甚 麼 時期án怎實 現。12上 主有啟示hiahê先知hō͘ in知,in ê事 奉m̄是為tio̍h家己,卻 是為tio̍h lín。Chiahê信息chitmá已經óa靠tùi天吹 來ê聖 神,通 過福 音ê使者傳hō͘ lín;chiahê tāichì連天使mā迫 切teh thèng候àibeh知。
聖 潔ê生 活 13 所以lín ê心tio̍h準 備便,tio̍h謹慎,專 心ǹg望tī耶穌基督再 臨ê時,所beh賞賜lín ê恩 典。14 Tio̍h做順 服ê kiáⁿ兒,m̄ thang親 像早 前lín m̄ bat上 主ê時放 縱私慾。15呼 召lín ê是聖 潔ê上 主,lín本 身mā tio̍h tī一 切ê行 為聖 潔。16聖 經有記載:Lín tio̍h聖 潔,因為我是聖 潔。(註:利19:2) 17 Lín祈禱ê時,求叫無 偏 心照ta̍k人ê行 為,來 審 判ê Hit位做天父,就tio̍h用敬 畏ê心,tī lín寄腳ê世間生 活。18因為lín知,lín受 贖 回,脫 離tùi祖 先流 傳hō͘ lín無路用ê傳 統,m̄是用會敗 壞ê金銀,19是用基督ê寶 血,親 像無 缺 點koh無污點ê羊羔ê血。20基督tī創 造宇宙以 前to̍h hō͘上 主揀 選,tī chitê末 世chiah為tio̍h lín顯 現出 來。21 Lín通 過基督來信上 主,就是hō͘基督tùi死 人 中koh活,koh hō͘祂榮 光ê Hit位,所以lín ê信 心kah ǹg望,lóng在tī上 主。22 Lín已經tùi順 服真理來 潔 淨家己,koh kah其他ê信徒有純 真ê手 足 之 情,tio̍h tùi心底熱 切相 疼。23 Lín已經重 頭 生,m̄是tùi會敗 壞ê種 子,是tùi bē敗 壞ê種 子,就是通 過上 主ê道理,是活 活ê,是永 遠存 在ê真理。24因為聖 經記載:肉 體lóng親 像草,它ê榮 光lóng親 像草ê花,草會乾,花會謝。25總 是主ê道理永 遠存 在。(註:賽40:68) Chitê信息就是傳hō͘ lín ê福 音。