《巴克禮普世版聖經「漢羅+Ruby」試讀本》

 | | | 轉寄

第十八章

作者 巴克禮普世版小組 2012.09.16

Tī 天 國(thiankok) 啥 人(siáⁿlâng) siōng 大(tōa)
(Mk 9：3337；Lk 9：4648)
1 Hit 時(sî)，門徒(bûntô͘) 來(lâi) 問(mn̄g) 耶穌(iâso͘) 講(kóng)：「Tī 天 國(thiankok) 啥 人(siáⁿlâng) siōng 大(tōa)？」

2 耶穌(iâso͘) 就(chiū) 叫(kiò) 一個(chi̍tê) gín'á 來(lâi)，hō͘ 伊(i) khiā 帶(tòa) in 中 間(tiongkan)。

3 講(kóng)：「我(góa) 實 在(si̍tchāi) kā lín 講(kóng)，lín 若無(nābô) 改 變(káipiàn) 成 做(chiâⁿchò) 親 像(chhinchhiūⁿ) gín'á，絕 對(choa̍ttùi) bē tàng 入(ji̍p) 天 國(thiankok)。

4 所以(só͘í) 人(lâng) 若(nā) 家己(kakī) 謙 卑(khiampi) 親 像(chhinchhiūⁿ) chitê gín'á，伊(i) tī 天 國(thiankok) 就是(chiūsī) siōng 大(tōa)。

5 人(lâng) 若(nā) 為(ūi)tio̍h 我(góa) ê 名(miâ) 來(lâi) 接 納(chiapla̍p) chit 種(chióng) gín'á，就是(chiūsī) 接 納(chiapla̍p) 我(góa)。」

引起(ínkhí) 人(lâng) 犯 罪(hoānchōe) (Mk 9：4248；Lk 17：12)

6 若(nā) 有人(ū lâng) hō͘ 信(sìn) 我(góa) ê 人(lâng) 中 間(tiongkan) 微細(bîsè) ê 一個 人(chi̍têlâng) 犯 罪(hoānchōe)，寧 可(lêngkhó) hō͘ 人(lâng) 用(ēng) 大(tōa) 石 磨(chio̍hbō) 縛(pa̍k)tòa 頷 頸(āmkún)，kā 伊(i) thiām 落去(lo̍hkhì) 深(chhim) 海(hái)。

7 Chit 世間(sèkan) 慘(chhám) ah，因為(inūi) 有人(ū lâng) 引起(ínkhí) 犯 罪(hoānchōe) ê tāichì。難 免(lânbián) 有(ū) 引起(ínkhí) 人(lâng) 犯 罪(hoānchōe) ê tāichì，m̄ koh 引起(ínkhí) 人(lâng) 犯 罪(hoānchōe) ê hit 人(lâng) 有(ū) 災 禍(chaihō)。

8 若是(nāsī) 你(lí) 一支(chi̍tki) 手(chhiú) á是(sī) 一支(chi̍tki) 腳(kha) hō͘ 你(lí) 犯 罪(hoānchōe)，tio̍h kā 伊(i) 斬(chám)hiatka̍k。寧 可(lêngkhó) 破 相(phòasiùⁿ) á是(sī) 跛 腳(páikha) 進 入(chìnji̍p) 永 遠(éngoán) ê 活 命(oa̍hmiā)，比(pí) 雙 手(siangchhiú) 雙 腳(siangkha) hiat 落(lo̍h) 永 遠(éngoán) ê 火(hóe) khah 好(hó)。

9 若是(nāsī) 你(lí) ê 一 蕊(chi̍tlúi) 目 睭(ba̍kchiu) hō͘ 你(lí) 犯 罪(hoānchōe)，tio̍h kā 伊(i) 挖(ó͘) hiatka̍k。寧 可(lêngkhó) 一 目(chi̍tba̍k) 進 入(chìnji̍p) 永 遠(éngoán) ê 活 命(oa̍hmiā)，比(pí) 雙(siang) 目(ba̍k) hō͘ 人(lâng) hiat 落(lo̍h) 地獄(tē ga̍k) ê 火 中(hóetiong) khah 好(hó)。」

迷羊(bêiûⁿ) ê 譬喻(phìjū)(Lk 15：37)
10 「Lín tio̍h謹慎(kínsīn)，m̄ thang 看 輕(khòaⁿkhin) 微細(bîsè) 中 間(tiongkan) ê 一個(chi̍tê)；因為(inūi) 我(góa) kā lín 講(kóng)：in ê 天使(thiⁿsài) 常 常(siôngsiông) tī 我(góa) ê 天父(thiⁿpē) 面 前(bīnchêng)。

11 人 子(jînchú) 來(lâi) 世間(sèkan) 是(sī) beh 拯 救(chínkiù) 失迷(sitbê) ê 人(lâng)。

12 Lín 想 講(siūⁿkóng) án怎(chóaⁿ)？人(lâng) 有(ū) 一 百(chi̍tpah) 隻(chiah) 羊(iûⁿ)。若(nā) phahm̄見(kìⁿ) 其 中(kîtiong) 一 隻(chi̍tchiah)，kám bē 將(chiong) 九 十 九(káucha̍pkáu) 隻(chiah) 暫 且(chiāmchhiáⁿ) 放(pàng) tòa 山 坪(soaⁿphiâⁿ)，去(khì) chhōe hit 隻(chiah) phahm̄ 見(kìⁿ) ê 羊(iûⁿ)？

13 我(góa) 實 在(si̍tchāi) kā lín 講(kóng)，伊(i) 若(nā) chhōe tio̍h hit 隻(chiah) 失迷(sitbê) ê 羊(iûⁿ)，一定(ittēng) 比(pí) 有(ū) 九 十 九(káucha̍pkáu) 隻(chiah) 無(bô) phahm̄見(kìⁿ) kohkhah 歡 喜(hoaⁿhí)。

14 Lín ê 天父(thiⁿpē) 仝 款(kāngkhoán) m̄甘(kam) chiahê 微細(bîsè) 中(tiong) ê 一個(chi̍tê) 失落(sitlo̍h) 去(khì)。」

對 待(tùithāi) 得 罪(tekchōe) 你(lí) ê 兄弟(hiaⁿtī)
15 「你(lí) ê 兄弟(hiaⁿtī) 若有(nā ū) 得 罪(tekchōe) 你(lí)，tio̍h去(khì) chhōe 伊(i)。Kantaⁿ 你(lí) kah 伊(i) tīteh ê時(sî)，指 明(chíbêng) 伊(i) ê m̄ tio̍h。伊(i) 若(nā) beh 聽(thiaⁿ) 你(lí) ê 話(ōe)，就會(chiūē) 回 復(hôeho̍k) lín ê 兄弟(hiaⁿtī) 關 係(koanhē)。

16 伊(i) 若(nā) m̄聽(thiaⁿ)，tio̍h chhōa 一 兩 人(chi̍tnn̄g lâng) 作 伙(chòhóe) 去(khì)，ánne 有(ū) 照(chiàu) 律 法(lu̍thoat) ê 規 定(kuitēng)：用(ēng) 兩 三 人(nn̄gsaⁿ lâng) ê 嘴(chhùi) 做(chò) 見 證(kiànchèng)。

17 若(nā) iáu m̄肯(khéng) 聽(thiaⁿ)，tio̍h報告(pòkò) 教 會(kàuhōe)。若(nā) 連(liân) 教 會(kàuhōe) 都(to) m̄聽(thiaⁿ)，就(chiū) kā 伊(i) 看 做(khòaⁿchò) 親 像(chhinchhiūⁿ) 外 邦 人(gōapanglâng) á是(sī) 抽 稅(thiusòe) ê 人(lâng)。」

禁 止(kìmchí) Kah 允 准(ínchún)

18 「我(góa) 實 在(si̍tchāi) kā lín 講(kóng)，lín tī 地 上(tē chiūⁿ) 所(só͘) 禁 止(kìmchí)ê，tī 天 頂(thiⁿténg) mā 會(ē) kā 伊(i) 禁 止(kìmchí)。Lín tī 地 上(tē chiūⁿ) 允 准(ínchún) ê，tī 天 頂(thiⁿténg) mā 會(ē) kā 伊(i) 允 准(ínchún)。

19 我(góa) koh kā lín 講(kóng)，lín 中 間(tiongkan) 若有(nā ū) 兩 人(nn̄glâng) tī 地 上(tē chiūⁿ) 同 心(tângsim) 合意(kahì) 來(lâi) 祈求(kîkiû)，我(góa) ê 天父(thiⁿpē) 一定(ittēng) 會(ē) kā in 成 全(sêngchoân)。

20 因為(inūi) 無論(bôlūn) 甚 麼(símmi̍h) 所 在(só͘chāi) 有(ū) 兩 三 人(nn̄gsaⁿ lâng) 奉(hōng) 我(góa) ê 名(miâ) 聚 集(chūchi̍p)，我(góa) mā 會(ē) kah in 同 在(tôngchāi)。」

刻 薄(khekpo̍k) ê 奴僕(lô͘po̍k) ê 譬喻(phìjū)

21 彼得(pítek) óa來(lâi) kā 耶穌(iâso͘) 講(kóng)：「主(chú) ah，我(góa) ê 兄弟(hiaⁿtī) 得 罪(tekchōe) 我(góa)，我(góa) tio̍h赦 免(siàbián) 伊(i) 幾(kúi)pái？Kám tio̍h七(chhit) pái？」

22 耶穌(iâso͘) kā 伊(i) 講(kóng)：「我(góa) 無(bô) kā 你(lí) 講(kóng) tio̍h到(kàu) 七(chhit) pái，tio̍h到(kàu) 七 十(chhitcha̍p) ê 七(chhit) pái。

23 因為(inūi) 天 國(thiankok) ná親 像(chhinchhiūⁿ) 君 王(kunông) beh kah 伊(i) ê 奴僕(lô͘po̍k) 結 賬(kiatsiàu)。

24 起 頭(khíthâu) 算(sǹg) ê時(sî)，有人(ū lâng) chhōa 一個(chi̍tê) 欠(khiàm) 伊(i) 千 萬(chhianbān) 銀(gîn) ê 人(lâng) 來(lâi)。

25 因為(inūi) 還(hêng) bē 起(khí)，主 人(chúlâng) 就(chiū) 命 令(bēnglēng) tio̍h賣(bē) 伊(i) 本 身(púnsin)，kah 伊(i) ê bó͘kiáⁿ，連(liân) 伊(i) 一 切(itchhè) 所有(só͘ ū) ê lóng 賣(bē) 來(lâi) 還 債(hêngchè)。

26 Hitê 奴僕(lô͘po̍k) 就(chiū) 跪(kūi) 落來(lo̍hlâi) 求(kiû) 講(kóng)：「主(chú) ah，請(chhiáⁿ) hō͘ 我(góa) ān一下(chi̍tē)，我(góa) 會(ē) 還(hêng) 你(lí) lóng總(chóng)。」

27 Hitê 主 人(chúlâng) 就(chiū) 憐 憫(liânbín) 伊(i) 來(lâi) 赦 免(siàbián) 伊(i) ê 債(chè)，放(pàng) 伊(i) 去(khì)。

28 Hitê 奴僕(lô͘po̍k) 出 去(chhutkhì)，tú tio̍h 一個(chi̍tê) 平 平(pêⁿpêⁿ) 做(chò) 奴僕(lô͘po̍k) ê，hit 人(lâng) 欠(khiàm) 伊(i) 一 百(chi̍tpah) 個(ê) 銀(gîn)á，就(chiū) kā 伊(i) 掠(lia̍h) teh，tēⁿ 伊(i) ê 頷 頸(āmkún)，講(kóng)：『你(lí) 所(só͘) 欠(khiàm) ê lóng tio̍h還(hêng)。』

29 Hitê 奴僕(lô͘po̍k) 就(chiū) 仆(phak) 落去(lo̍hkhì) 求(kiû) 講(kóng)：『請(chhiáⁿ) 寬 容(khoaniông) 我(góa)，我(góa) 會(ē) 全 部(choânpō͘) 還(hêng) 你(lí)。』

30 M̄ koh 伊(i) m̄肯(khéng)，顛倒(tiantò) kā hitê 奴僕(lô͘po̍k) 關 落 監(koaiⁿ lo̍hkaⁿ)，關(koaiⁿ) 到(kàu) 所(só͘) 欠(khiàm) ê 還 清(hêngchheng) 為止(ûichí)。

31 其他(kîtha) ê 奴僕(lô͘po̍k) 看(khòaⁿ)tio̍h chitê tāichì，非 常(huisiông) 憤 慨(hùnkhài)，將(chiong) lóng總(chóng) ê tāichì 去(khì) 對(tùi) 主 人(chúlâng) 講(kóng)。

32 主 人(chúlâng) 就(chiū) 召(tiàu) hitê 奴僕(lô͘po̍k) 來(lâi)，kā 伊(i) 講(kóng)：「你(lí) chitê pháiⁿ 奴僕(lô͘po̍k)ah，因為(inūi) 你(lí) 對(tùi) 我(góa) 求(kiû)，我(góa) 就(chiū) 赦 免(siàbián) 你(lí) 所(só͘) 欠(khiàm) ê 債(chè)。

33 我(góa) 有(ū) 憐 憫(liânbín) 你(lí)。你(lí) kám 無(bô) beh 憐 憫(liânbín) hitê 平 平(pêⁿpêⁿ) 做(chò) 奴僕(lô͘po̍k) ê？」

34 主 人(chúlâng) 大(tōa) 受氣(siūkhì)，將(chiong) 伊(i) 關 落 監(koaiⁿ lo̍hkaⁿ) 受(siū) 刑 罰(hênghoa̍t)，直到(ti̍tkàu) 伊(i) 全 部(choânpō͘) ê 債(chè) 還 清(hêngchheng)。

35 Ánne lín ta̍k 人(lâng) 若無(nābô) 真 心(chinsim) 赦 免(siàbián) lín ê 兄弟(hiaⁿtī)，我(góa) ê 天父(thiⁿpē) mā 無(bô) beh ánne 款 待(khoánthāi) lín。」