巴克禮普世版（試讀本） 約翰一書第二章
基督為咱辯 護
1親 愛ê少 年 人，我寫chiahê hō͘ lín，是beh hō͘ lín無 犯 罪；若有人犯 罪，tī天父ê面 前，咱有義 人耶穌基督為咱辯 護。2基督為tio̍h咱ê罪，mā為tio̍h全 世界ê罪，做贖 罪 祭。3咱若遵 守上 主ê誡 命，咱 就ánne ē tàng確 信咱bat上 主。4人若 講：「我bat上 主」，m̄ koh無teh遵 守祂ê命 令，chitê人是teh講 白 賊，伊ê心 中無真理。5 M̄ koh人 若遵 守上 主ê道理，伊對上 主ê疼就完 全實 在，ánne咱 就ē tàng確 信，咱有 照上 主ê旨意teh生 活。6人若 講家己有 遵 照上 主ê旨意，應 該tio̍h照耶穌基督ê言 行 舉止來 生 活。
新ê誡 命
7親 愛ê兄弟 姊 妹，我無寫新ê命 令hō͘ lín，是lín tùi起 頭to̍h有hitê舊ê誡 命，是lín bat聽 過ê信息。8 M̄ koh tùi另 外一個角度看 起 來，我寫hō͘ lín ê誡 命是新.ê，對基督kah lín來 講lóng是真實.ê，因為烏暗teh過 去，真 光已經teh照。9人若 講家己生 活tī光 明 中，m̄ koh iáuteh怨 恨伊ê兄弟á是姊 妹，事實 上伊iáukoh生 活tī烏暗 中。10疼兄弟á是姊 妹ê人，是tī光 明 中teh生 活，bē致使hō͘人跋 倒犯 罪。11 M̄ koh怨 恨兄弟á是姊 妹ê人，是活tī烏暗 中；伊tī烏暗 中teh生 活，m̄知家己ê方 向，因為chitê烏暗hō͘伊ê目 睭chheⁿmê。12細kiáⁿ，我寫phoe hō͘ lín，因為靠基督ê名，lín ê罪已經得tio̍h赦 免。13父老序大，我寫phoe hō͘ lín，因為lín認bat tùi源 起 頭to̍h存 在ê Hit位。少 年 人，我寫phoe hō͘ lín，因為lín已經贏 過hitê邪惡。14細kiáⁿ，我寫phoe hō͘ lín，因為lín認bat天父。父老序大，我寫phoe hō͘ lín，因為lín認bat hitê tùi源 起 頭to̍h存 在ê Hit位。青 年 人，我寫phoe hō͘ lín，因為lín勇 健，mā有上 主ê道理tī lín心 內，lín koh已經贏 過hitê邪惡。15 M̄ thang貪 婪世間á是世間ê 物；人 若疼chit世間，伊就 無 疼天父。16因為一 切屬 世間ê，親 像肉 體ê情 慾，目 睭ê慾 望kah世 俗ê驕 傲，lóng m̄是tùi天父來，是tùi世間來.ê。17 Chit世間kah世間ê情 慾teh過 去，總 是實 行上 主旨意ê人永 遠存 在。
基督ê對敵
18細kiáⁿ，末 日tehbeh到à！Lín有聽tio̍h基督ê對敵tehbeh來，chitmá已經有真chē基督ê對敵出 現，就ánne咱 知末 日tehbeh到à。19 Chiahê人實 在m̄是咱ê人，所以tùi咱 中 間出 去；in若是屬tī咱，就會繼續kah咱 做伙，in離開咱是beh顯 明in lóng m̄是屬tī咱。20 Lín已經lóng有tùi基督領受 聖 神，所以lín lóng bat真理。21我寫phoe hō͘ lín，m̄是因為lín m̄ bat真理，是因為lín bat真理，koh知一 切ê白 賊lóng m̄是tùi真理來。22 Ánne是甚 麼 人teh講 白 賊？一定是拒 絕耶穌做基督ê人，拒 絕天父kah Kiáⁿ.ê，就是基督ê對敵。23拒 絕Kiáⁿ ê人，無 接 納天父；承 認Kiáⁿ ê人，mā會承 認天父。24 Lín tio̍h堅 守tùi起 頭所聽tio̍h ê信息，lín若堅 守tùi起 頭所聽ê信息，lín就會繼續活tī Kiáⁿ kah天父ê內面。25這就是基督hō͘咱ê應允，是永 遠ê活 命。26我寫chiahê tāichì hō͘ lín，是teh指hiahê想beh迷惑lín ê人。27對lín來 講，lín tùi基督領受ê聖 神，時 刻kah lín同 在，免 人來kā lín教示，因為chitê聖 神會教示lín萬 項 事。祂ê教示是真實，m̄是白 賊。Lín tio̍h遵 照聖 神ê教示，tio̍h kah基督結 聯來 生 活。28 Taⁿ，細kiáⁿ，lín tio̍h kah基督結 聯來 生 活，ánne tī基督再 臨ê時ē tàng好膽，bē因為祂ê再 臨，感 覺見 笑走 去bih。29 Lín若 知基督是公 義，mā tio̍h知實 行公 義ê人，chiah是上 主ê kiáⁿ兒。
|
|
|
轉寄