《巴克禮普世版聖經「漢羅+Ruby」試讀本》

 | | | 轉寄

巴克禮普世版（試讀本） 啟示錄第十三章

作者 巴克禮普世版小組 2017.04.03

兩 隻(nn̄g chiah)猛 獸(béngsiù)
1我(góa)koh看(khòaⁿ)tio̍h一 隻(chi̍tchiah)猛 獸(béngsiù)tùi海裡(háini̍h)起來(khílâi)，有(ū)十 支 角(cha̍pki kak)，七 個 頭(chhitê thâu)；ta̍k支(ki)角(kak)lóng有戴(ū tì)一 頂(chi̍tténg)王 冠(ôngkoan)，頭 殼 頂(thâukhak téng)有(ū)譭 謗(húipòng)上 主(siōngchú)ê名 號(miâhō)。2我(góa)所 看(só͘ khòaⁿ)tio̍h ê hit隻(chiah)猛 獸(béngsiù)親 像(chhinchhiūⁿ)豹(pà)，伊(i)ê腳(kha)親 像(chhinchhiūⁿ)熊(hîm)ê腳(kha)，嘴(chhùi)親 像(chhinchhiūⁿ)獅(sai)ê嘴(chhùi)。Hit尾(bóe)龍(liông)用(ēng)伊(i)ê才 能(châilêng)、座位(chōūi)kah大 權 柄(tōa koânpèng)hō͘ hit隻(chiah)猛 獸(béngsiù)。3 Hit隻(chiah)猛 獸(béngsiù)ê一個(chi̍tê)頭 殼(thâukhak)，ná親 像(chhinchhiūⁿ)有受過(ū siūkòe)致 命 傷(tìmiāsiong)，m̄ koh伊(i)ê致 命 傷(tìmiāsiong)有得(ū tit)tio̍h醫好(ihó)；全 世界(choân sèkài)ê人(lâng)lóng感 覺(kámkak)奇怪(kîkoài)，就 來(chiū lâi)tòe hit隻(chiah)猛 獸(béngsiù)行(kiâⁿ)。4眾 人(chènglâng)本底(púnté)to̍h teh拜(pài)hit尾(bóe)龍(liông)，因為(inūi)龍(liông)kā權 柄(koânpèng)交(kau)hō͘猛 獸(béngsiù)，in mā拜(pài)猛 獸(béngsiù)，講(kóng)：「啥 人(siáⁿlâng)ē tàng kah chit隻(chiah)猛 獸(béngsiù)相 比 並(sio píphēng)？啥 人(siáⁿlâng)ē tàng kah牠(i)交 戰(kauchiàn)？」5 Hit隻(chiah)猛 獸(béngsiù)有得(ū tit)tio̍h一個(chi̍tê)講 大 話(kóng tōaōe)kah譭 謗(húipòng)ê嘴(chhùi)，koh得(tit)tio̍h允 准(ínchún)tī四十二(sìcha̍pjī)月 日(goe̍hji̍t)中 間(tiongkan)來做(lâi chò)chiahê tāichì。6牠(i)就 開 嘴(chiū khuichhùi)講 出(kóng chhut)譭 謗(húipòng)上 主(siōngchú)ê話(ōe)，來褻 瀆(lâi siatto̍k)祂(i)ê名(miâ)kah祂(i)ê會 幕(hōebō͘)，以及(íki̍p)hiahê tiàm tī天 頂(thiⁿténg).ê。7牠(i)mā有得(ū tit)tio̍h權 柄(koânpèng)thang kah信徒(sìntô͘)交 戰(kauchiàn)，來(lâi)kā in征 服(chengho̍k)，mā有得(ū tit)tio̍h權 柄(koânpèng)來治理(lâi tīlí)ta̍kê族 群(cho̍kkûn)，ta̍kê人民(jînbîn)，ta̍k種(chióng)語 言(gígiân)ê人(lâng)kah ta̍ke邦 國(pangkok)。8所有(só͘ū)tòa tī地 面 上(tē bīnchiūⁿ)ê人(lâng)，就是(chiūsī)創 世(chhòngsè)以來(ílâi)in ê名(miâ)無記載(bô kìchài)tī受殺 害(siū sathāi)ê羊羔(iûⁿko)ê活 命 冊(oa̍hmiā chheh).ê，lóng beh拜(pài)hit隻(chiah)猛 獸(béngsiù)。9有 耳 孔(ū hīⁿkhang)ê人(lâng)lóng tio̍h聽(thiaⁿ)：10 Hiahê註 定(chùtiāⁿ)受 掠(siūlia̍h)ê人(lâng)，lóng會(ē)hō͘人(lâng)掠 去(lia̍hkhì)；hiahê註 定(chùtiāⁿ)受殺 害(siū sathāi)ê人(lâng)，lóng會受(ē siū)to thâi死(sí)。因為(inūi)ánne，信徒(sìntô͘)lóng tio̍h有耐 心(ū nāisim)kah信 心(sìnsim)。11我(góa)koh看(khòaⁿ)tio̍h另 外(lēnggōa)一 隻(chi̍tchiah)猛 獸(béngsiù)tùi地 上(tē chiūⁿ)起來(khílâi)，有兩支(ū nn̄gki)親 像(chhinchhiūⁿ)羊(iûⁿ)ê角(kak)，講 話(kóngōe)親 像(chhinchhiūⁿ)龍(liông)。12牠(i)tī頭 一 隻(thâuchi̍t chiah)猛 獸(béngsiù)ê面 前(bīnchêng)，執 行(chiphêng)頭 一 隻(thâuchi̍t chiah)猛 獸(béngsiù)ê權 柄(koânpèng)；牠(i)叫(kiò)地(tē)kah tòa地 上(tē chiūⁿ)ê人(lâng)，去拜(khì pài)頭 一 隻(thâuchi̍t chiah)猛 獸(béngsiù)，就是(chiūsī)hit隻(chiah)受(siū)tio̍h致 命 傷(tìmiāsiong)，koh得(tit)tio̍h醫好(ihó)ê hit隻(chiah)猛 獸(béngsiù)。13 Chit第二 隻(tē jī chiah)猛 獸(béngsiù)koh行(kiâⁿ)大 神 跡(tōa sînjiah)，tī人(lâng)ê面 前(bīnchêng)叫 火(kiò hóe)tùi天(thiⁿ)降 落(kànglo̍h)地 上(tē chiūⁿ)。14 Koh用得(ēngtit)tio̍h允 准(ínchún)tī頭 一 隻(thâuchi̍t chiah)猛 獸(béngsiù)面 前(bīnchêng)所行(só͘ kiâⁿ)ê神 跡(sînjiah)，來迷惑(lâi bêhe̍k)tòa tī地 上(tē chiūⁿ)ê人(lâng)，叫(kiò)in tio̍h kā hit隻(chiah)tio̍h傷(siong)猶 原(iûgoân)活(oa̍h)teh ê猛 獸(béngsiù)造 偶 像(chō ngó͘siōng)。15牠(i)koh得(tit)tio̍h允 准(ínchún)，thang用(ēng)活 氣(oa̍hkhì)pûn入去(ji̍pkhì)猛 獸(béngsiù)ê偶 像(ngó͘siōng)，hō͘猛 獸(béngsiù)ê像(siōng)會講話(ē kóngōe)，koh殺 害(sathāi)所有(só͘ū)無拜(bô pài)猛 獸(béngsiù)偶 像(ngó͘siōng)ê人(lâng)。16牠(i) koh強 迫(kiôngpek)眾 人(chènglâng)，無論(bôlūn)大細(tōasè)，好 額(hógia̍h)á是(sī)sànchhiah，自由(chūiû).ê á是(sī)做 奴僕(chò lô͘po̍k).ê，lóng tio̍h tī正 手(chiàⁿchhiú)á是(sī)頭 額(thâuhia̍h)蓋 印(khapìn) 做記號(chò kìhō)。17蓋 印(khapìn)做記號(chò kìhō)，就是(chiūsī)猛 獸(béngsiù)ê名(miâ)á是(sī)代 表(tāipiáu)牠(i)ê名(miâ)ê數字(sò͘jī)，若無(nābô)，就(chiū)bē tàng做買賣(chò bébē)。18 Tī chia需要(suiàu)有智慧(ū tìhūi)，聰 明(chhongbêng)ê人(lâng)ē tàng算 出(sǹgchhut)hit隻(chiah)猛 獸(béngsiù)ê數字(sò͘jī)，因為(inūi)hitê數字(sò͘jī)代 表(tāipiáu)一個 人(chi̍tê lâng)。Hitê數字(sò͘jī)就是(chiūsī)六 百(la̍kpah)六 十六(la̍kcha̍pla̍k)。