巴克禮普世版（試讀本） 啟示錄第十四章
救 贖之歌
1我koh看，有 看tio̍h羊羔khiā tī錫安 山，有十 四萬四 千 人kah祂做伙；in ê頭 額lóng有羊羔ê名kah祂ê天父ê名。2我 聽tio̍h有聲tùi天 頂出 來，親 像大 水teh chhiâng ê聲，mā親 像雷teh tân ê聲；我所聽tio̍h chitê聲，親 像琴 手teh彈豎 琴ê聲。3 In tī寶座kah四個活 物以及長老ê面 前，唱一 首新 歌;chit首歌除了tùi地 上贖 回hit十 四萬四 千 人以外，無 人會曉學。4 Chiahê人是m̄ bat bak tio̍h女色ê童 男，chiahê人跟tòe羊羔去ta̍k所 在，in是tùi人類ê中 間贖 回，來做起 頭 熟ê果 子獻hō͘上 主kah羊羔.ê。5 In m̄ bat講 白 賊，lóng無 缺 點。
三個天使ê信息
6我koh看tio̍h另 外一個天使tī空 中teh飛，伊有永 遠ê信息beh傳hō͘地 上ê人，mā hō͘ ta̍k邦 國，ta̍k種 族，ta̍k款語 言kah ta̍kê民 族。7 Chiahê天使大 聲講：「Tio̍h敬 畏上 主，歸 榮 光hō͘祂，因為祂審 判人類ê時 刻到à，mā tio̍h敬 拜創 造天、地、海kah水 源ê上 主。」8 Koh有另 外第二個天使續 落 去講：「倒落去lò͘！hō͘萬 國lim in淫 亂烈 酒ê巴比倫，倒落去lò͘！」9 Koh有另 外第三個天使續 落 去大 聲講：「若有拜hit隻猛 獸kah牠ê造 像，以及tī頭 額á是手 裡受 蓋印做記號ê人，10 mā tio̍h lim上 主大 受氣ê酒，就是thîn tī上 主受氣酒 杯ê醇 酒；in會tī聖 天 使kah羊羔ê面 前，受tio̍h火kah硫 磺ê酷 刑。11 In受 苦 楚ê煙chhèng上koân，永 遠無soah；hiahê拜hit隻猛 獸kah牠ê造 像，以及受牠ê名蓋 印做記號ê人，暝日lóng無thang安息。」12因為ánne，hiahê遵 守上 主ê誡 命，kah對耶穌忠 實ê信徒，tio̍h有耐 心。13我koh聽tio̍h tùi天 頂有聲講：「你tio̍h寫落來！Tùi taⁿ以後，為tio̍h主來喪 失性 命ê人，實 在有福 氣！」聖 神回 應講：「是à，in會結 束in ê勞苦來安息，因為in勞苦ê成 果會跟tòe in去。」
地 上ê收 成
14我koh看，有 看tio̍h一 片白 雲，雲 頂坐一個 人親 像人 子，頭 殼戴金ê冕 旒，手gia̍h一支利ê鐮le̍k'á。15 Koh有另 外一個天使tùi聖 殿出 來，對坐tī雲 頂Hit位大 聲hoah：「Tio̍h用祢ê鐮le̍k'á來收 割，因為收 割ê時期已經 到，地 上ê農 作 物lóng夠 熟à。」16坐tī雲 頂Hit位就kā鐮le̍k'á hiat落去地 上，地 上ê農 作 物就hō͘祂收割 起 來。17 Koh有另 外一個天使tùi天 頂ê聖 殿出 來，伊mā gia̍h一支利ê鐮le̍k'á。18 Koh有另 外一個teh掌 管火ê天使tùi祭 壇出 來，大 聲對gia̍h利ê鐮le̍k'á hitê天使大 聲hoah：「用你利ê鐮le̍k'á去收地 上kui葩ê葡萄，因為葡萄已經夠 熟à。19 Hitê天使就kā鐮le̍k'á hiat落去地 上，kā地 上ê葡萄割 起 來，將葡萄hiat落去上 主大 受氣ê酒 窟。20 Hitê酒 窟tī城 外hō͘人thún踏，就有血tùi酒 窟流 出 來，高大約兩公 尺，長差 不多有三 百公里。
|
|
|
轉寄