巴克禮普世版（試讀本） 啟示錄第十八章
巴比倫ê滅 亡
1然 後我 看tio̍h另 外一個天使tùi天落來，伊有大 權 柄，伊ê榮 光kā全 地照 光。2伊大 聲hoah：「倒落去lò͘！大巴比倫倒落去à！Taⁿ chitê城成 做鬼teh tòa ê所 在，一 切污穢邪神ê監牢，以及所有無 清 氣koh可惡ê鳥 類ê鳥 巢。3因為萬 國lóng有lim tio̍h chitê淫婦淫 亂ê酒，來惹起上 主ê受氣，地 上ê君 王lóng bat kah她行 姦 淫，地 上chiahê senglí人，有對她ê奢 華放 蕩來發 財。4我koh聽tio̍h另 外一個 聲tùi天 頂發 出，講：「我ê子 民ah，tio̍h tùi淫婦hia出 來，chiah免bak tio̍h她ê罪，mā免kah她做伙受災 禍。5因為她ê罪已經累 積tú天，上 主會記得她ê邪惡行 為。6 Tio̍h照她款 待咱ê態 度來kā祂款 待，照她ê所做ê加倍kā她報應，用她調 酒ê杯，調加 倍 強ê酒hō͘她。7她bat án怎榮 光家己來 奢 華，tio̍h照ánne hō͘她艱 苦悲哀，因為她心 內家己講：我做女王坐tī王位，並m̄是寡 婦，我絕 對bē tú tio̍h悲 傷ê tāichì。8所以tī一日ê中 間，她ê災 禍會lóng到：有死 亡、悲哀、飢荒，她mā會hō͘火 燒 滅，因為審 判她ê主—上 主有大 氣 力。9地 上hiahê kah她行 姦 淫koh過奢 華生 活ê君 王，看tio̍h城teh火 燒ê煙，會為tio̍h城悲 傷啼 哭。10 In驚看tio̍h巴比倫所受ê艱 苦，就khiā遠 遠講：「慘ah！chitê大 城巴比倫，慘ah！堅 固ê城，慘ah！因為koh一時á久你就會受 審 判！」11地 上hiahê senglí人，mā為tio̍h她悲 傷啼 哭，因為無 人koh買in ê貨，12就是金、銀、寶 石、珍 珠、幼麻 布、絲綢，紫 色kah朱 紅 色ê高貴布 料chiahê貨，kah ta̍k款ê香 柴，ta̍k款象 牙製 品，ta̍k款貴氣ê柴、銅、鐵kah白 石ê器具，13 mā有肉 桂、豆 蔻、芳 料、芳 油、乳香、酒、油、幼麵、麥、牛、羊、馬、車、奴僕，以及甚 至人ê靈 魂。14 Hiahê senglí人對她講：「你ê心所 意愛hiahê好 物lóng無去à，你一 切ê榮 華富貴lóng消 失去，永 遠bē tàng koh看tio̍h。」15靠chitê城做senglí人發 財ê人，因為真 驚看tio̍h chitê城所受ê艱 苦，lóng會khiā遠 遠teh悲 傷啼 哭，16講：「慘à！chitê大 城，慘à！平 時穿幼麻 布，紫 色kah朱 紅 色ê衫，kui身 軀妝kah lóng是金、寶 石kah珍 珠。17一時á久，hiahê財 富lóng無去；所有ê船 長、旅 客kah水 手以及所有靠 海生 活ê人，lóng khiā遠 遠teh看，18看tio̍h chitê城火 燒ê煙，就大 聲hoah：「有tó一個城親 像chitê大 城？」19 In tī家己ê頭 殼 頂sám土 粉，悲 傷啼 哭大 聲hoah：「慘à！chitê大 城，慘à！Tī海裡行 船ê人lóng靠chitê城來發 財，chitê城一時á久to̍h to̍h廢無去！」20天ah，lín chiahê信徒kah先知，tio̍h為tio̍h chitê城ê滅 亡來歡 喜，因為上 主已經替lín申 冤，kā chitê城處 罰ā。21然 後有一個大 氣 力ê天使，mo͘h一塊親 像大 石 磨ê石 頭起來，hiat落去海裡，講：「巴比倫大 城mā會親 像ánne hō͘人出 力hiat落去，絕 對bē tàng koh看tio̍h。22 Mā bē koh聽tio̍h彈 琴、奏 樂、pûn簫、pûn喇叭ê聲；mā bē koh看tio̍h ta̍k種工 藝ê師傅；mā bē koh聽tio̍h挨磨ê聲；23 mā bē koh看tio̍h燈 火ê光；mā bē koh聽tio̍h新 郎kah新娘ê聲。你ê senglí人，平 時tī地 上lóng是有勢力ê人；萬 國mā lóng hō͘你ê邪術迷惑 去！24先知、信徒kah地 上所有受殺 害ê人ê血，lóng tī chitê城chhōe tio̍h，巴比倫chiah受 處 罰。」
|
|
|
轉寄