馬可福音第五章
耶穌 醫好 邪神 附身 ê 人
(Mt 8：2834；Lk 8：2639)
1 耶穌 kah 門徒 過 去 加利利湖 ê 對面 岸，來到 Keklahsim人 ê 地區。
2 耶穌 一下 落 船 隨時 tú tio̍h 一個 hō͘ 邪神 附身 ê 人 tùi 墓á埔 出 來。
3 Chitê 人 lóng tòa tī 墓á埔。人 用 鐵 鏈 都 縛伊 bē tiâu。
4 因為 人 常 常 用 腳 銬 鐵 鏈 kā 伊 縛。M̄ koh 鐵 鏈 hō͘ 伊 chhoah斷，腳 銬 hō͘ 伊 摃 碎。無 人 有氣 力 kā 伊 制 服。
5 Chitê人 暝日 tī 墓á埔 á是 山 裡 亂 嚷，koh 用 石 頭 傷 害 家己。
6 伊 úi 遠 遠 看tio̍h 耶穌，就 走 來 仆 tòa耶穌 ê 面 前，
7 大 聲 hoah講：「至 高 上 主 ê Kiáⁿ 耶穌，祢 何必 來 干 涉 我？我 kí 上 主 ê 名 來 懇 求 祢 m̄ thang kā 我 責 罰。
8 因為 耶穌 bat 對伊 講：「邪神ah，tio̍h tùi hitê 人 出 去。」
9 耶穌 問伊 講：「你 號做 甚 麼 名？」Hitê 人 應 講：「我 ê 名 叫 做『軍 團』，因為 阮 是 kui 大陣 ê 鬼。」
10 Hitê 人 就 迫 切 求耶穌 m̄ thang 趕 in 離開 hitê 地區。
11 Hit 時 tī 山 坪 有一陣 豬 teh討 食。
12 邪神 就 求 耶穌 講：「Hō͘ 阮 去 hiahê 豬群，hō͘ 阮 thang 入去 in 內面。」
13 耶穌 允 准 in 去。Hiahê 邪神 就 對 hitê 人 出 來 入去 hiahê 豬群。差 不多 二 千 隻 ê 豬群 走 落 山 坪 chông 落 去 湖裡，hō͘ 湖水 淹死。
14 顧豬 ê 人 就 走 去 kā 城內 kah 庄 社 ê 人 講。眾 人 就 出 來 看 tāichì 是 án怎。
15 In 來到 耶穌 hia，看tio̍h hitê hō͘ 邪神 附身，就是 hō͘『軍 團』所纏 ê 人 tī hia teh坐，衫 穿kah 好勢 好勢，老 神 在 在。群 眾 就 起 大 驚。
16 看tio̍h ê 人 將 hō͘ 邪神 附身 ê 人 所tú tio̍h ê tāichì kah kui陣 豬 ê tāichì lóng 講 hō͘ 眾 人 聽。
17 In 就 懇 求 耶穌 離開 in ê 地區。
18 耶穌 tehbeh 上 船 ê時，hitê bat hō͘ 邪神 附身 ê 人求耶穌 准伊 作 伙 去。
19 耶穌 m̄准 kā 伊講：「Tńg去 你 ê 厝 chhōe 你 ê 親 人，將 主 憐 憫 你 對 你 所做 hiah 大 ê tāichì lóng 報 in 知。」
20 Hitê 人 就 去，tī Tekapholī 報 揚 耶穌 對伊 所做 ê 大tāichì。眾 人 lóng 感 覺 奇怪。
醫好 會 堂 主 管 ê Chabó͘kiáⁿ kah 血 漏病 ê 婦人 人
(Mt 9：1826；Lk 8：4056)
21 耶穌 koh 坐 船 過 去 hitpêng 岸。Kui大陣 ê 人 聚 集 óa來 tī 湖邊 ê 耶穌hia。
22 有一個 會 堂 ê 主 管 名 叫 做 崖魯 ê 人 來。伊 一下看tio̍h 耶穌 就 仆 tī 祂 ê 腳 前，
23 迫 切 懇 求 講：「我 細漢 ê chabó͘kiáⁿ tehbeh 死à。求祢 來 kā 她 按 手，hō͘ 她 得tio̍h 醫好 ē tàng 活 起來。」
24 耶穌 kah 伊 去，kui大陣 ê 人 挨挨khehkheh tòe 伊 去。
25 有一個 婦人 人 患tio̍h 血 漏病 十 二年 久à。
26 她有 chhōe過 真chē ê 醫生 治 療 mā 受tio̍h 真chē 艱 苦，koh kā 她 所有 ê 錢 開 了 了。M̄ koh lóng 無一絲á 效果，顛倒 ná傷 重。
27 她 聽tio̍h 耶穌 ê tāichì，就 kheh 入去 群 眾 內面，óa去 耶穌 ê 後 壁 來 摸 祂 ê 衫，
28 因為 她 想 講：「我 kantaⁿ 摸 祂 ê 衫，病 就會 好去。」
29 她 一 下 摸tio̍h 耶穌 ê 衫，血 漏 隨時 停 止，mā 感 覺 家己 ê 病 疼 已經 好去 à。
30 耶穌 隨時 發 覺 有 權 能 對祂 發 出，就 oa̍ttńg身 問 群 眾 講：「啥 人 摸 我 ê 衫？」
31 門徒 kā 祂講：「祢 看 kui陣 人 teh kā 祢 挨kheh，ná會問 講『啥 人 有摸 我？』」
32 耶穌 四箍liántńg 看 一 下，ài chhōe做 chitê tāichì ê 婦人 人。
33 Hitê 婦人 人 知 影 家己 身 上 所 發 生 ê tāichì，驚 kah phi̍hphi̍hchhoah，就 來 仆 tòa 耶穌 ê 腳 前，lóng總 照 實 kā 祂講。
34 耶穌 kā 她講：「婦人 人 ah，你 ê 信 心 已經 hō͘ 你 ê 病 得tio̍h 醫好。你 thang 平 安 tńg去，你 ê 病 完 全 好去à。」
35 耶穌 iáuteh講 ê時，有人 tùi 會 堂 主 管 ê 厝 來 kā 崖魯 講：「你 ê chabó͘kiáⁿ 已經 死去à，ná tio̍h koh 勞 煩 老師？」
36 耶穌 不 管 in 所 講 ê 話，kā 會 堂 ê 主 管 講：「M̄免 驚，只有 tio̍h信。」
37 耶穌 就 chhōa 彼得、雅 各，kah 雅 各 ê 兄弟 約 翰 作 伙 去，m̄准 別 人 tòe去。
38 來到 會 堂 主 管 ê 厝，耶穌 看tio̍h 場 面 hōahōa哮，mā 有人 teh啼 哭 大 聲 哮。
39 耶穌 入去 就 kā in 講：「Lín ná會 hōahōa哮 teh啼 哭？Chitê gínná 無死，是 teh睏 niāniā。」
40 眾 人 就 kā 祂 恥 笑。M̄ koh 耶穌 kā 群 眾 趕 出 去，就 chhōa gín'á ê 父母 以及 kah 祂 來 ê 門徒 入去 gín'á ê 房 間。
41 耶穌 就 牽 gín'á ê 手 kā 她講：「Tāilītāikó͘bí。」意思 就 是 講：「Chabó͘gín'á，我 命 令 你，起來！」
42 Chabó͘gín'á 隨時 起來 行，因為 她 已經 十 二 歲 à。眾 人 就 tio̍h驚kah 失神 去。
43 耶穌 嚴 嚴 警 誡 in m̄ thang hō͘ 人 知 chitê tāichì。祂 就 吩 咐 tio̍h hō͘ chabó͘gín'á 食 物 件。
|
|
|
轉寄