巴克禮普世版(試讀本) 馬可福音第十章
關 係離婚ê教示(太19:112;路16:18)
耶穌離開hia來到猶太 地區,過 去約 旦河hitpêng。群 眾koh聚 集去耶穌hia。祂koh照 常教示in。2有一kóa法 利賽 派ê人beh試 探耶穌,Óa來 問祂講:「人kám thang離伊ê bó͘?」3耶穌應 講:「摩西ê律 法án怎規 定?」4 In講:「摩西允 准人寫離婚書來離伊ê bó͘。」5耶穌kā in講:「摩西因為lín ê心 硬,chiah制 定chitê誡 命hō͘ lín。6 M̄ koh源 起 頭,上 主創 造人有男有女。(註:創1:27) 7因為ánne,chapo͘人tio̍h離開父母來kah伊ê bó͘結 聯。8兩個成做 一 體。(註:創2:24) Ánne,in m̄是兩個,是成做 一 體。9所以上 主所 配 合ê,人m̄ thang kā i拆 散。」10入去厝 內,門徒koh問耶穌chitê tāichì。11耶穌kā in講:「人若離伊ê bó͘ koh chhōa別ê chabó͘人,就是犯 姦 淫來辜負伊ê bó͘。12 Bó͘若棄sak伊ê丈 夫來嫁別ê翁,mā是犯 姦 淫。」
耶穌Kā Gín'á祝 福(太19:1315;路18:1517)
13 有人chhōa細漢gín'á來耶穌hia,beh hō͘耶穌hōaⁿ手祝 福。門徒kā in責 備。14耶穌看tio̍h真無歡 喜,kā門徒講:「Hō͘ hiahê細漢gín'á來我chia,m̄ thang kā in阻 擋。因為親 像chit款gín'á ê人,chiah ē tàng成 做上 主 國 度ê子 民。15我實 在kā lín講:「若無親 像gín'á ánne接 受上 主 國 度,絕 對bē tàng入去。」16耶穌就kā gín'á抱 起來,kā in hōaⁿ手祝 福。
好 額 人來Chhōe耶穌(太19:1630;路18:1830)
17 耶穌出 去tī路裡,有一個人走 來跪tī祂ê面 前,問 講:「好ê老師ah,我tio̍h án怎做chiah ē tàng得tio̍h永 遠ê活 命?」18耶穌kā伊講:「你ná會稱 呼我是好?上 主以外無一個是好。19 Chiahê誡 命lí已經lóng知:M̄ thang thâi死 人,M̄ thang姦 淫,M̄ thang偷the̍h,M̄ thang做假ê見 證,M̄ thang刻 虧人,Tio̍h孝 敬你ê父母。」(註:出12:16) 20 Hitê人應 講:「老師ah,chiahê我tùi細漢to̍h lóng有teh遵 守。」21耶穌注 目kā i看,用 疼 心kā伊講:「祢iáu欠一 項。祢tio̍h去賣所有ê財 產來hō͘ sànchhiah人。Áńne lí就有積 聚財 寶tī天 頂。然 後chiah來tòe我。」22 Hitê人聽tio̍h chitê話,面就 失色,憂 頭結 面離開耶穌,因為伊有真chē財 產。23耶穌kā群 眾看一liàn chiah對門徒講,「好 額 人beh入上 主 國 度真 困 難!」24門徒聽 了chiahê話,感 覺真 奇 怪。耶穌koh講:「細kiáⁿ ah,óa靠錢 財beh入上 主 國 度真 正困 難!25駱駝穿 過針 鼻,比好 額 人入上 主 國 度iáu khah簡 單。」26門徒kohkhah tio̍h驚koh奇怪起 疑問講:「Ánne啥 人chiah ē tàng得救?」27耶穌注 目kā in看,講:「Chit項tāichì人做bē到,tùi上 主來 講m̄是ánne,因為上 主ta̍k項lóng會。」28彼得就對耶穌講,「阮已經放sak一 切來tòe祢。」29耶穌應 講:「我實 在kā lín講:「人若為tio̍h我kah福 音ê緣故放sak厝 宅、兄弟、姊 妹、老母、老父、kiáⁿ兒、田 園,30 tī今 世會得tio̍h百 倍ê厝 宅、兄弟、姊 妹、老母、kiáⁿ兒、田 園,同 時mā會受 迫害,m̄ koh tī來世會得tio̍h永 遠ê活 命。31 M̄ koh真chē做頭 前ê人ē變做 路尾,路尾ê人mā會變 做頭 前。」
耶穌第三Pái預言家己ê死 亡Kah Koh活(太20:1719;路18:3134)
32 耶穌kah門徒上 耶路撒 冷,tī路裡耶穌行tī頭 前,門徒tio̍h驚koh奇怪,tòe ê人真 驚 惶。耶穌koh chhōa十二使徒去邊á,將祂tehbeh tú tio̍h ê tāichì kā in講:33「Chitmá咱beh上 耶路撒 冷,人 子會hông出 賣去 交hō͘ chiahê祭司長kah經 學 教 師。In會kā祂定 死 罪,koh kā祂交hō͘外 邦 人。34 In會kā祂戲弄、phùi瀾、鞭phah、害死。三日後祂會koh活。」
雅 各kah約 翰ê要求(太20:2028)
35 然 後Sepíthài ê kiáⁿ雅 各kah約 翰,óa來kā耶穌講:「老師ah,求祢答 應阮tùi祢所求ê tāichì。」36耶穌問 講:「Lín ài我為lín做 啥 物?」37 In講:「Tī祢得tio̍h榮 光ê時,求祢hō͘阮一個坐祢ê正pêng,一個坐祢ê倒pêng。「38耶穌kā in講:「Lín m̄知家己teh求啥 物。我所lim ê杯,lín kám會tàng lim?我受ê洗禮,lín kám會tàng受?」39 In講:「阮會。」耶穌kā in講:「我所lim ê杯,lín beh lim,我所受ê洗禮,lín beh受。40 M̄ koh坐我ê正pêng á是倒pêng,m̄是我ē tàng做 主。上 主為tio̍h啥 人準 備,就會hō͘ hitê人。」41其他十個門徒聽tio̍h,就 對雅 各kah約 翰受氣。42耶穌叫in來,kā in講:「Lín知,世 間 人ê中 間hō͘人尊做統 治 者ê人,有koâng來kā in治理,in ê官 員會kā in管 轄。43 M̄ koh lín中 間無應 該ánne。Lín中 間ài beh做 大ê人,tio̍h做眾 人ê差 用。44 Lín中 間ài beh做 頭ê人,tio̍h做眾 人ê奴僕。45因為人 子來chitê世間,m̄是beh hō͘人服 事。反tńg是beh來服 事人。甚 至犧 牲家己ê性 命來 贖 回真chē人。」
耶穌醫好Chheⁿmê ê人巴底買(太20:2934;路18:3543)
46 耶穌kah門徒來到耶利哥城。In kah一 大陣人出耶利哥城ê時,有一個chheⁿmêê乞 食,Tímái ê kiáⁿ巴底買,坐tī路邊。47 Hitê chheⁿmêê乞 食聽tio̍h拿撒勒 人耶穌tùi hia經 過,就大 聲hoah講:「大衛ê kiáⁿ孫,耶穌,可 憐 我!」48真chē人kā i責 備,叫伊靜 靜,m̄ koh伊kohkhah大 聲hoah講:「大衛ê kiáⁿ孫ah,可 憐 我!」49耶穌停 落 來講:「叫伊來。」In就 叫chheⁿmêê來,kā伊講:「安你ê心,起來!祂teh叫lí。「50 Chheⁿmê ê人就 放 落伊ê衫,跳 起來去 到耶穌hia。51耶穌kā伊講:「祢ài我kā你做 啥 物?」Chheⁿmê ê人kā祂講:「老師,求祢hō͘我ē koh看 見。」52耶穌kā伊講:「你tńg去,你ê信 心hō͘你得tio̍h伊好。」Chheⁿmê ê人隨時koh能看 見,就tòe耶穌去。