巴克禮普世版(試讀本) 路加福音第二十二章
陷 害耶穌ê陰謀 (太26:15,1416;可14:12,1011;約11:4553)
1除 酵 節,mā叫 做Pôaⁿ過 節,tehbeh到。2祭司長kah經 學 教 師因為驚人民反 彈,所以chhōe看有甚 麼辦 法thang害死耶穌。
猶大同意出賣耶穌 (太26:1416;可14:1011)
3撒旦入tī hitê叫 做加略ê猶大,伊是十二使徒ê一個;4就 去kah chiahê祭司長以及聖 殿ê守衛 官做伙參 詳,看beh用 甚 麼方 法將耶穌交hō͘ in。5 In真 歡 喜,約 定beh hō͘伊錢。6猶大同意,就chhōe機會當人民無tī in中 間ê時,將耶穌交hō͘ in。
準 備Pôaⁿ過 節ê晚 餐 (太26:1725;可14:1221;約13:2130)
7除 酵 節到à,hit日tio̍h thâi Pôaⁿ過 節ê羊羔。8耶穌差彼得kah約 翰講:「Lín去準 備Pôaⁿ過 節ê晚 餐。」9 In兩個問 講:「祢ài阮去甚 麼所 在準 備?」10耶穌應 講:「Lín入去城內就會tú tio̍h一個 人kōaⁿ水 瓶。Lín tòe伊入去hit間厝,11 kā hit間厝ê主 人講:『老師teh問,祂beh kah使徒食Pôaⁿ過 節晚 餐ê客 廳tī tó位?。』12 Hitê人會報lín看 樓 頂一 間已經布置好勢ê大 廳。Lín tio̍h tī hia準 備。」13 In去,果 然ta̍k項lóng照耶穌所kā in講ê。In就tī hia準 備Pôaⁿ過 節ê晚 餐。
主ê晚 餐 (太26:2630;可14:2226;約11:2325)
14晚 餐ê時間到,耶穌就kah使徒做伙坐 桌。15耶穌對in講:「Tī受害chìn前,我真意愛kah lín食chitê Pôaⁿ過 節ê晚 餐。16我kā lín講,tī上 主ê國度實 現以 前,我bē koh食chit款ê晚 餐。」17耶穌kā杯接 過 來,祝 謝了 後,講:「Lín phâng chitê杯去 分hō͘ ta̍k家lim。18我kā lín講,tùi chitmá起直到上 主ê國度來臨,我絕 對bē koh lim chit款ê葡萄 汁。」19然 後耶穌the̍h餅祝 謝了 後peh開the̍h hō͘ in,講:「Chitê是我ê身 軀,為tio̍h lín來 獻ê,lín tio̍h ánne做來記 念我。」20食了 後koh phâng杯祝 謝,講:「Chitê杯是新約,用我為tio̍h lín流ê血來設立ê盟 約。21 Lín看!beh出 賣我hitê人kah我做伙伸 手tī桌 頂。22因為人 子會 照上 主所定tio̍h ê來離開世間,m̄ koh出 賣人 子hitê人有災禍!」23 In就 互 相問 來問 去,ài beh知in中 間啥 人會做chitê tāichì。
啥 人Siōng大ê爭 論
24 In有teh爭 論,看in中 間啥 人算siōng大。25耶穌就kā in講:「外 邦 人ê君 王做 主來治理人民;統 治 者叫 做恩 主。26 M̄ koh lín就m̄是ánne,lín中 間做 大ê tio̍h親 像序細,做 頭 人ê tio̍h親 像差 用ê。27甚 麼 人做 大?是坐 桌ê人 客,á是服務ê人?Kám m̄是坐 桌ê人 客?M̄ koh我tī lín中 間親 像teh做服務ê人。28 Lín tī試 探 中常 常kah我做伙。29我ê天父用王ê權 柄hō͘我,我mā beh ánne將王ê權 柄hō͘ lín。30 Hō͘ lín thang tī我ê國度kah我做伙坐 桌lim食,koh坐tòa寶座來 審 判以色列十二個支 族。」
預言彼得M̄認主 (太26:3135;可14:2731;約13:3638)
31耶穌koh講:「西門,西門ah,你 看,撒旦已經得tio̍h允 准,beh親 像簸麥ánne kā lín簸。32 M̄ koh我有替你祈禱,hō͘你bē失去信 心。你回 心 轉意了 後,tio̍h堅 固你兄弟ê信 心。」33彼得應 講:「主ah,我準 備便 便beh kah祢去 坐監,kah祢做伙死。」34耶穌kā伊講:「彼得ah,我kā你講,今á日雞Iáu未啼以 前,你會三pái m̄認我。」
錢袋kah刀 劍
35 耶穌koh kā十二使徒講:「我前差lín出 去,叫lín m̄ thang帶 錢袋、行 李袋kah鞋。Lín kám有欠甚 麼?」使徒應 講:「無。」36耶穌kā in講:「M̄ koh taⁿ有 錢袋ê tio̍h帶 去,有行 李袋ê mā tio̍h帶 去。無刀ê人tio̍h賣伊ê外衫去買刀來帶 去。37聖 經有記載:祂hō͘人算 做不 法ê人。(註:賽53:12) Chit句話一定會 應 驗tī我ê身 軀。事實 上,聖 經所記載關 係我ê tāichì已經tehbeh應 驗ā。」38使徒講:「主ah,祢看,tī chia有兩支刀。」耶穌應 講:「Ánne有夠 額à。」
耶穌Tī橄欖 山祈禱 (太26:3646;可14:3242)
39耶穌照 常出 去橄欖 山,使徒mā tòe祂去。40到hit所 在耶穌就kā in講:「Lín tio̍h祈禱,chiah bē受 試 探ê迷惑。」41然 後耶穌離開in差 不多有hiat石 頭ê遠,跪 落去祈禱,講:42「天父ah,祢若 肯,求你將chitê苦 杯phâng離開我,m̄ koh m̄ thang照我ê意思,tio̍h照祢ê旨意來實 現。」43有一個天使tùi天出 現來加添祂ê氣 力。44耶穌非 常痛 苦,祈禱jú迫 切。祂ê汗親 像大 點血teh滴落地。45耶穌祈禱soah khiā起來,去 到使徒hia,看tio̍h in因為憂悶soah睏 去。46耶穌kā in講:「Lín ná會teh睏?起來祈禱chiah bē受 試 探ê迷惑。」
耶穌Hông掠 去 (太26:4756;可14:4350;約18:311)
47 Iáu teh講ê時,有kui陣人到。十二使徒ê一個,就是hitê叫 做猶大ê做頭 前chhōa路。猶大行óa耶穌beh kā伊chim。48 M̄ koh耶穌kā祂講:「猶大,你用chim嘴來 出 賣人 子是無?」49耶穌身邊ê使徒看tio̍h所beh發 生ê tāichì就 講:「主ah,阮用刀來kā in thâi好無?」50其 中一個 人kā祭司長ê奴僕phut落去,kā伊正pêng ê耳á削 起來。51耶穌講:「Soah去!Ánne好à!」祂就 摸hitê奴僕ê耳á,來kā伊醫好。52耶穌對hiahê來beh掠祂ê祭司長、聖 殿ê守衛 官kah長老講:「Lín kám tio̍h gia̍h刀kah槌出 來?Bē輸tehbeh掠土 匪leh?53我ta̍k日kah lín tī聖 殿,lín無 下 手kā我掠。M̄ koh chitmá是lín tng紅ê時,mā是烏暗teh掌 權。」
彼得M̄認耶穌 (太26:5758,6975;可14:5354,6672;約18:1218,2527)
54 In就掠耶穌,kā祂押去祭司長ê公 館。彼得離遠 遠teh tòe耶穌。55有人tī埕裡起 火,做伙圍teh坐,彼得mā坐tī in中 間。56有一個女婢 女婢看tio̍h彼得坐tī hia teh烘 火,就目 睭金 金kā伊siòng,講:「Chitê人mā是kah耶穌teh做 陣。」57彼得m̄承 認,講:「婦人 人ah,我m̄ bat祂。」58 Koh過無jōa久,另 外一個 人看tio̍h彼得就 講:「你mā是kah in tàu陣ê人。」彼得應 講:「朋 友ah,我m̄是。」59差 不多過一點 鐘久,koh有一個人堅 持講:「Chitê人真 正kah耶穌做 陣。因為伊mā是加利利人。」60 M̄ koh彼得講:「朋 友ah,你teh講甚 麼,我m̄知。」Iáu teh講ê時,雞隨時啼。61 Hit時主oa̍t頭看彼得,彼得就 想 起主對伊講ê話:「今á日雞啼以 前,你會三pái m̄認我。」62彼得就 出 去外 面,大 聲啼 哭。
耶穌受戲弄鞭Phah (太26:6768;可14:65)
63 Hiahê顧守耶穌ê人kā祂戲弄,koh kā祂鞭phah。64 In掩耶穌ê面,問祂講:「祢若是先知,ioh看 啥 人kā祢phah?」65 In koh講真chē話來kā祂侮 辱。
耶穌Tī議會受 審 問 (太26:5966;可14:5564;約18:1924)
66天一下 光,猶 太 人ê祭司長kah經 學 教 師聚 集開 會,決 定kā耶穌押去in ê議會。67 In問耶穌講:「祢若是基督tio̍h kā阮 講。」68耶穌kā in講:「我kā lín講,lín mā m̄信。我若 問lín,lín mā m̄應。69 M̄ koh tùi chitmá起,人 子會坐tī權 能上 主ê正pêng。」(註:詩110:1) 70眾 人lóng講:「Ánne,祢就是上 主ê Kiáⁿ是無?」耶穌應 講:「照lín所 講ê,我就是。」71 In講:「咱ná tio̍h koh需要甚 麼證 據?咱已經有聽tio̍h祂親 嘴講à。」