巴克禮普世版（試讀本） 約翰福音第六章
耶穌Hō͘五 千 人食Kah飽 (太14：1321；可6：3044；路9：1017) Chiahê tāichì以後，耶穌過 去Ka離 1離ô͘，就是Thêpìlía 湖ê hit pêng。2有真chē人tòe耶穌去，因為in有 看tio̍h祂醫好病 人ê神 跡。3耶穌peh上 山，kah祂ê門徒做伙坐tī hia。4猶 太 人ê Pôaⁿ過 節tehbeh到。5耶穌gia̍h頭看tio̍h真chē人對祂行óa來，就kā腓力講：「咱beh去tó位買 餅來hō͘ chiahê人食？」6耶穌講ánne是teh試 探腓力，因為耶穌家己知tehbeh做ê tāichì。7腓力應 講：「用兩 百個銀á來買餅mā無夠hō͘ in ta̍k人食淡 薄á。」8另 外一個 門徒，就是西門彼得ê小弟安得烈，kā耶穌講：9「Chia有一個gín'á，伊有五塊大 麥 餅kah兩 尾魚，m̄ koh將chiahê hō͘ hiahchē人食ná有夠？」10耶穌講：「Lín叫hiahê人坐 落去。」Hit所 在真chē草。眾 人就lóng坐 落去。Kantaⁿ chapo͘人就有五 千 人。11耶穌the̍h hiahê餅來 祝 謝了 後，就 分hō͘坐tī hia ê人。魚mā是ánne分，出在in食。12眾 人lóng食 飽了 後，耶穌kā門徒講：「Kā食chhun ê屑á拾 起來，m̄ thang phahsńg。「13 In就 將食chhun ê餅 屑á拾 起來，lóng總滿十 二籃。14眾 人看tio̍h耶穌所行ê神 跡就 講：「Chitê真 正是tehbeh來chit世間ê先知。」15耶穌知 影眾 人tehbeh來 強 迫祂做 王，就家己一個退去 山 裡。
耶穌行 水 面 (太14：2233；路6：4552)
16黃 昏ê時，耶穌ê門徒落去到湖邊。17 In坐 船beh過湖去迦 百 農hit pêng。天已經暗，耶穌iáu未 到in hia。18因為透 大 風，風 湧ná來ná大。19門徒划 船差 不多行五六公里ê時，看tio̍h耶穌tī湖面teh行，ná來ná óa近船，in就起kiaⁿ。20 M̄ koh耶穌對in講：「是我là，m̄免驚！」21門徒就 歡 喜接伊上 船。船liâmpiⁿ to̍h到in beh去ê所 在。
眾 人Chhōe耶穌
22隔tńg日，iáu tī湖hitpêng岸ê群 眾看tio̍h hit位kantaⁿ一 隻 船á。耶穌mā無kah門徒做伙坐hit隻船。只有門徒家己去。23 M̄ koh有幾 隻船á tùi Thêpìlía來，到óa近前主祝 謝了 後分餅hō͘群 眾食ê所 在。24群 眾看tio̍h耶穌kah門徒lóng無tī hia，就 坐hit幾 隻船á過 去迦 百 農chhōe耶穌。
耶穌是性 命ê餅
25群 眾tī湖ê hitpêng岸chhōe tio̍h耶穌就問 講：「老師，你甚 麼 時到chia？」26耶穌應 講：「我實 在kā lín講，lín chiahê人chhōe我，是因為食 餅食 到 飽，m̄是因為看tio̍h神 跡。27 M̄ thang為tio̍h會敗 壞ê食 物來勞苦，tio̍h為久長tīteh永 遠 活 命ê食 物來phah拚，就是人 子beh hō͘ lín ê，因為天父上 主已經kā祂蓋 印認 定。」28群 眾就問耶穌講：「阮beh完 成上 主ê工 作應 該tio̍h án怎來做？」29耶穌應 講：「信上 主差 派來ê Hit位就是做上 主ê工。」30群 眾就 講：「祢行甚 麼神 跡hō͘阮看，thang來信祢？你beh做 甚 麼？31阮ê祖 先tī曠 野食máná，tútú照聖 經所記載：用tùi天來ê餅hō͘ in食。」(註：詩78：24) 32耶穌就kā in講：「我實 在kā lín講，m̄是摩西用tùi天來ê餅hō͘ lín食，是我ê天父用tùi天來ê真ê餅hō͘ lín。33因為上 主ê餅，就是hitê tùi天落來，mā是賜活 命hō͘世間ê。」34群 眾就對耶穌講：「先 生，請祢時 常賞賜chit種餅hō͘阮。」35耶穌kā in講：「我就是活 命ê餅。來我chia ê人絕 對bē iau，信 我ê人永 遠bē嘴 乾。36 M̄ koh我bat kā lín講，lín已經有 看tio̍h我，猶 原m̄信。37天父所交帶我ê人lóng會來我chia，來我chia ê人，我絕 對bē kā伊棄sak。38因為我tùi天降 落來，m̄是照 家己ê意思做tāichì，是beh完 成差 派我來Hit位ê旨意。39差 派我來Hit位ê旨意就是：祂所交帶我ê人，一個都bē用得失落，tī末 日我會hō͘伊koh活。」40因為我ê天父ê旨意就是，見 若看tio̍h Kiáⁿ來信祂ê人，lóng有永 遠ê活 命，我tī末 日mā會hō͘伊koh活。41猶 太 人因為耶穌有講：「我是tùi天降 落ê餅。」就七 嘴 八 嘴講：42「Chitê kám m̄是約 瑟ê kiáⁿ耶穌？祂ê父母是咱所bat ê，chitmá祂ná會講『我是tùi天降 落ê』？」43耶穌應 講：「Lín m̄ thang ánne nga̍uhnga̍uh念。44若m̄是差 派我來ê天父引chhōa，無 人會來我chia。來我chia ê人，tī末 日我會hō͘伊koh活。45先知ê冊有記載：眾 人lóng會接受 上 主ê教示。(註：賽54：13)所有tùi天父聽tio̍h來學 習ê人，lóng會來我chia。46這m̄是 講有人bat看tio̍h天父，只有tùi上 主hia來ê Hit位bat看tio̍h天父。47我實 在kā lín講，信ê人有永 遠ê活 命。48我就是活 命ê餅。49 Lín ê祖 先tī曠 野食máná，in mā是死去。50這就是tùi天降 落ê餅，hō͘人食 了bē死。51我就是tùi天降 落hitê活ê餅，人若 食chitê餅就會永 遠 活teh。我所beh hō͘人ê餅就是我ê肉，是為tio̍h beh hō͘世 間 人有活 命來 獻ê。」52因為ánne，猶 太 人就 互 相爭 論，講：「Chitê人ná會用祂ê肉hō͘咱食？」53耶穌對in講：「我實 在kā lín講，lín若無食人 子ê肉，無lim祂ê血，lín ê內面就 無活 命。54食我ê肉，lim我ê血ê人，有永 遠ê活 命，tī末 日我會hō͘伊koh活。55我ê肉是真實ê食 物，我ê血是真實ê飲 料。56食我ê肉，lim我ê血ê人，伊tiàmtī我內面，我mā tiàmtī伊內面。57永 活ê天父差 派我，我為天父來活；親 像ánne，食我ê肉ê人會因為我來活。58這是tùi天降 落ê餅，m̄是親 像lín祖 先所 食ê máná，in食 了mā死去。食我chitê餅ê人會永 遠 活teh。」59 Chiahê是耶穌tī迦 百 農ê會 堂教示人ê時講ê話。
永 遠 活ê話
60耶穌ê門徒有真chē人聽 了就 講：「Chiahê話真 困 難koh鑿 耳，啥 人聽會落去？」61耶穌心 內知 影門徒因為chitê tāichì teh nga̍uhnga̍uh念，就kā in講：「Chiahê話惹tio̍h lín是無？62 Ánne lín若看tio̍h人 子上 到祂原 來ê所 在，lín會án怎？63賜活 命hō͘人ê是聖 神，肉 體無 啥路用。我kā lín講ê話是tùi賜活 命ê聖 神來ê。64 M̄ koh lín中 間有人m̄信。」因為耶穌tùi起 頭就 知 影啥 人m̄信，啥 人beh kā祂出 賣。65耶穌koh講：「因為ánne，我bat kā lín講，若m̄是天父允 准，無 人ē tàng來我chia。」66因為ánne，門 徒 中間有真chē人離開，無koh tòe耶穌行。67耶穌就 對十二使徒講，「Lín mā beh離開是無？」68西門彼得應 講：「主ah，祢有永 遠 活 命ê話，阮tio̍h koh去tòe啥 人？69阮已經信，koh確 實知祢是上 主ê聖 者。」70耶穌應 講：「我kám m̄是揀lín十 二 人？M̄ koh lín中 間有一個是魔 鬼？」71耶穌講ánne是teh指加 略 人西門ê kiáⁿ猶大。伊是十二使徒ê一個，tehbeh出 賣耶穌。
|
|
|
轉寄