《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第二章

作者 巴克禮普世版小組 2014.03.09

SèngSîn Kànglîm
1 Gō͘sûncheh kàu, sìntô͘ lóng chūchi̍p tī chi̍t só͘chāi. 2 Hutjiânkan ū siaⁿ tùi thiⁿténg lâi, chhinchhiūⁿ teh thàu tōahong, chhiongmóa in teh chē ê kuikeng chhù. 3 Koh ū chhinchhiūⁿ hunkhui ê hóechi̍h tùi in chhuthiān, hioh tī ta̍klâng ê téngbīn. 4 In lóng siū SèngSîn chhiongmóa, chiàu SèngSîn siúⁿsù in ê unsù khuichhùi kóng pa̍t chióng ê gígiân. 5 Hit sî ū kóa khiânsêng ê Iûthàilâng tùi sèkài ta̍k kok tńglâi, tòa tī Iâlō͘satléng. 6 Kûnchiòng thiaⁿ tio̍h chitê siaⁿ chiū lóng chūchi̍p óalâi, inūi ta̍klâng thiaⁿ tio̍h sìntô͘ chiàu in kakī púntē ê ōe lâi tùi in kóngōe soah gāng khílâi. 7 In tio̍hkiaⁿ koh kîkoài, kóng, "Lí khòaⁿ, chiahê teh kóngōe ê lâng kám m̄ sī lóng Kalīlīlâng? 8 Lán náē lóng thiaⁿ tio̍h in chiàu lán ta̍klâng púntē ê gígiân teh kóngōe? 9 Lán chiahê Phàⁿthêalâng, Bíthàilâng, Ílânlâng, kah tiàmtī Bísó͘photāibí, Iûthài kah Kaphàⁿtoka, Púnto͘ kah Asea, 10 Hutlūka kah Pônghuilīa, Aiki̍p kīnóa Kó͘līnāi ê Lūpía, chiahê tē hng ê lâng, íki̍p tùi Lômá lâi ê chhutgōalâng, ūê sī Iûthàilâng, ūê sī káichong ji̍p Iûthàikàu ê lâng, 11 Keklítílâng, Alatpeklâng, lóng thiaⁿ in ēng lán ê gígiân teh kóng SiōngChú só͘ chò úitāi ê tāichì." 12 Tāike tio̍hkiaⁿ koh kîkoài mn̄glâi mn̄gkhì kóng, "Che sī símmi̍h tāichì?" 13 Mā ūlâng thíchhiò in kóng, "In sī lim sin chiú teh chùi."

Pítek ê Kángtō
14 M̄ koh Pítek kah cha̍pit ê sùtô͘ khiā khílâi, tōasiaⁿ tùi in kóng, "Iûthàilâng kah só͘ū tòa tī Iâlō͘satléng ê lâng ah, lín tio̍h chai chitê tāichì, mā tio̍h chùì thiaⁿ góa ê ōe. 15 Chiahê lâng m̄ sī lín só͘ kóng ê chiúchùi, inūi chitmá chiah chákhísî káu tiám. 16 Kîsi̍t che sī sianti Iokní só͘ kóng.ê. 17 SiōngChú kóng, Tī chiongboa̍t ê sîji̍t, Góa beh ēng Góa ê SèngSîn kànglo̍h khì hō͘ sèkanlâng. Lín ê hāuseⁿ, lín ê chabó͘kiáⁿ ē kóng īgiân, Lín ê siàuliânlâng ē khòaⁿ tio̍h īⁿsiōng, Lín ê lāulâng ē tit tio̍h thokbāng. 18 Koh tī hiahê ji̍t, Góa mā beh chiong Góa ê SèngSîn kàng lo̍hkhì hō͘ Góa ê lô͘po̍k kah lípī, in mā ē kóng īgiân. 19 Góa tī thiⁿténg hiánchhut kîsū, tī tē chiūⁿ Góa beh hiánsī sînjiah, ū hoeh, hóe kah ianbū. 20 Tī Chú tōa koh êngiāu ê ji̍t kànglîm chìnchêng, Ji̍tthâu ē piànchò àm, Goe̍h ē piànchò ná hoeh hiahni̍h âng. 21 Hit sî só͘ū kiûkiò Chú ê miâ ê lâng lóng ē titkiù."( chù: INi 2:2832) 22 " Íseklia̍tlâng ah, lín tio̍h thiaⁿ Góa ê ōe: Chiàu lín só͘ chai, SiōngChú thongkòe Násatle̍klâng Iâso͘, tī lín tiongkan hiánsī I ê koânlêng, kîsū kah sînjiah, lâi tùi lín chèngbêng I sī SiōngChú só͘ siatli̍p.ê. 23 SiōngChú chiàu I tiāⁿ tio̍h ê chíì kah ītēng ê kèōe, kā I kau hō͘ lín. Lín chiohēng puthoat ê lâng ê chhiú kā I tèng si̍pjīkè, kā I hāisí. 24 M̄ koh SiōngChú tháupàng I síbông ê thòngkhó͘, hō͘ I kohoa̍h, inūi síbông bē tàng kā I khòngchè. 25 Koanhē Iâso͘ ê tāichì, Tāipi̍t ū kóng: Góa khòaⁿkìⁿ Chú siôngsiông tī góa ê bīnchêng; I tiàm tī góa ê chiàⁿpêng, hō͘ góa bē iôtāng. 26 Só͘í góa ê sim hoaⁿhí, góa ê chi̍h khoàilo̍k; Koh góa ê jio̍kthé mā ē tī ǹgbāng tiong anjiân kòeji̍t. 27 Inūi Lí bē kā góa ê lênghûn pàngsak tī imkan, mā bē hō͘ Lí Sînsèng ê lô͘po̍k hiúnōa. 28 Lí íkeng chísī góa oa̍hmiā ê lō͘. Hō͘ góa tī lí ê bīnchêng móasim khoàilo̍k."( chù: SPh 16:811) 29 " Hiaⁿtī chímōe ah, koanhē sianchó͘ Tāipi̍t ê tāichì, góa hótáⁿ tùi lín kóng, i íkeng sí koh bâichòng, i ê bōng kàu kin'áji̍t iáu tī lán chia. 30 I kìjiân sī sianti, koh chai SiōngChú bat kah i chiùchōa èngín, beh tī i ê kiáⁿsun tiong, siatli̍p chi̍tê lâng chò ông, lâi chē I ê póchō. 31 Tāipi̍t ū seng khòaⁿchhut chitê tāichì, koanhē Kitok ê kohoa̍h ū kóng: I bô siū pàngsak tī imkan, I ê jio̍kthé mā bô hiúnōa khì.( chù: SPh 16:10) 32 Chitê Iâso͘, SiōngChú ū hō͘ I kohoa̍h, goán chiahê lâng lóng chò I ê kiànchèngjîn. 33 I íkeng siū koseng kàu SiōngChú ê chiàⁿpêng, koh tùi ThiⁿPē niásiū só͘ èngín ê SèngSîn. I chitmá chiong chitê SèngSîn piàⁿ lo̍hlâi hō͘ goán, chiūsī lín chitmá só͘ khòaⁿ tio̍h, só͘ thiaⁿ tio̍h.ê. 34 Tāipi̍t m̄ bat chiūⁿthiⁿ, m̄ koh i kóng: SiōngChú tùi góa ê Chú kóng: Lí chē góa ê tōapêng, 35 Kàu Góa hō͘ Lí ê tùite̍k chò Lí ê khata̍h.( chù: SPh 110:1) 36 " Só͘í Íseklia̍t choânke lóng tio̍h khaksi̍t chai, chitê lín kā I tèng si̍pjīkè ê Iâso͘, SiōngChú íkeng siatli̍p I chò Chú, chò Kitok à." 37 Chènglâng thiaⁿ tio̍h chiahê ōe, simlāi chin chhìchha̍k, tùi Pítek kah kîtha ê sùtô͘ kóng, "Hiaⁿtī chímōe ah, goán tio̍h ánchóaⁿ chò?" 38 Pítek kā in kóng, "Lín tio̍h hóekái, ta̍klâng lóng tio̍h hōng Iâso͘ Kitok ê miâ siū sélé, hō͘ lín ê chōe tit tio̍h siàbián. Lín chiū ē tàng niásiū SiōngChú siúⁿsù ê SèngSîn. 39 Inūi chitê èngín sī beh hō͘ lín kah lín ê kiáⁿsun, íki̍p só͘ū tī hn̄ghn̄g ê lâng. Chiūsī lán ê SiōngChú ho͘tiàu lâi kuihiòng I ê lâng." 40 Pítek koh lēnggōa ēng chinchē ōe chhutla̍t kiànchèng, lâi khó͘khǹg in, kóng, "Lín tio̍h kiù kakī thoatlī chitê siâok ê sètāi." 41 Chiū ánne, chiapla̍p in ê ōe ê lâng lóng siū sélé. Hit ji̍t sìntô͘ tāiiok kethiⁿ saⁿchheng lâng. 42 In choansim niásiū sùtô͘ ê kàsī, chhamú sìntô͘ thoânkhè sengoa̍h, niásiū Sèngchhan, kîtó.

Sìntô͘ ê Thoânkhè Sengoa̍h
43 Sùtô͘ koh kiâⁿ chinchē kîsū sînjiah, ínkhí chènglâng khí kèngùi ê sim. 44 Sìntô͘ lóng chūchi̍p tī chi̍t só͘chāi, só͘ ū ê mi̍h lóng kongke ēng. 45 Koh bē kasán kah kegia̍p, chiàu ta̍klâng só͘ suiàuê pun hō͘ in. 46 In ta̍kji̍t tī sèngtiānlāi tângsim ha̍pì chūhōe, mā khì keke hō͘hō͘ kíhêng Sèngchhan pehpiáⁿ, ēng hoaⁿhí sêngsi̍t ê sim chòhóe limchia̍h, oló SiōngChú. 47 Koh tit tio̍h chènglâng hoaⁿhí chiapla̍p. Chú chiong titkiù ê lâng ji̍tji̍t kethiⁿ hō͘ in.