《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第四章

作者 巴克禮普世版小組 2014.03.23

Pítek Kah Iokhān Tī Gīhōe Hông Símmn̄g
1 Pítek Kah Iokhān tùi kûnchiòng teh kóngōe ê sî, chiahê chèsi kah sèngtiān ê siúōetiúⁿ, íki̍p Satto͘kaiphài ê lâng hutjiân lâikàuūi. 2 In huisiông siūkhì, inūi chit nn̄gê sùtô͘ teh kàsī kûnchiòng, koh kinkì Iâso͘ ê kohoa̍h lâi thoân tùi sílâng tiong kohoa̍h ê tōlí. 3 Só͘í in chiū hē chhiú lia̍h chit nn̄gê sùtô͘. Kā in khuliû kàu kehtńgji̍t, inūi thiⁿ íkeng àm à. 4 M̄ koh thiaⁿ tōlí lâi sìn ê lâng chinchē . Chapo͘lâng lóngchóng chhaputto ū gō͘chheng. 5 Kehtńgji̍t, Iûthàilâng ê thâulâng, tiúⁿló, kah kengha̍k kàusu chūchi̍p tī Iâlō͘satléng. 6 Chèsitiúⁿ Aná kah Kaiahoat, Iokhān, Ale̍ksantāi, íki̍p chèsitiúⁿ ê kacho̍k mā lóng tī hia. 7 In kiò hit nn̄gê sùtô͘ khiā tī in tiongng, mn̄g kóng, "Lín khò símmi̍h koânlêng, hōng símmi̍h miâ, lâi chò chithāng tāichì?" 8 Hit sî, Pítek siū SèngSîn chhiongmóa, tùi in kóng, "Kokūi bînkan ê thâulâng kah tiúⁿló ah, 9 goán kin'áji̍t nāsī ūi tio̍h chitê páikha.ê tit tio̍h ihó ê hó tāichì lâi siū símmn̄g, 10 lín tāike kah só͘ū Íseklia̍t jînbîn lóng tio̍h chai, chitê lâng hóhó khiā tī lín ê bīnchêng, sī hōng Násatle̍klâng Iâso͘ Kitok ê miâ. Lín kā chitūi Iâso͘ tèng tī si̍pjīkè, m̄ koh SiōngChú hō͘ I tùi sílâng tiong kohoa̍h. 11 I chiūsī Sèngkeng só͘ kóng: Lín chiahê khíchù saihū só͘ khìsak ê chio̍h, íkeng chiâⁿchò chhùkakthâu ê kichio̍h. 12 Tûliáu Iâso͘ ígōa lóng bô chínkiù, inūi tī thiⁿē jînkan, SiōngChú bô siúⁿsù pa̍tê miâ tī lâng ê tiongkan, hō͘ lán thang khò hitê miâ lâi titkiù." 13 Chhamhōe ê lâng khòaⁿ tio̍h Pítek kah Iokhān ê hótáⁿ, koh chai in sī bô ha̍kbūn ê phó͘thong lâng, lóng chin tio̍hkiaⁿ. In koh ē jīntit Pítek kah Iokhān bat kintòe Iâso͘, 14 mā ū khòaⁿ tio̍h hitê tit tio̍h ihó ê lâng khiā tī in ê sinpiⁿ, chiū bô ōe thang piānpok. 15 Chhamhōe ê lâng chiū kiò in līkhui gīhōe, jiânāu chòhóe gīlūn, 16 kóng, "Lán tio̍h ánchóaⁿ chhúlí chiahê lâng? In hiánjiân sī kiâⁿ sînjiah, Iâlō͘satléng só͘ū ê lâng lóng chai, lán bôhoattō͘ hó͘ⁿjīn. 17 M̄ koh ūi tio̍h mài hō͘ chitê tāichì tī jînbîn tiongkan ná thoân ná khoah, lán tio̍h kā in kéngkò, ittēng m̄ thang koh hōng Iâso͘ ê miâ lâi thoânkáng tōlí." 18 In chiū kiò hit nn̄gê sùtô͘ lâi, kìmchí in m̄ thang koh hōng Iâso͘ ê miâ lâi kóng tōlí á sī kàsī lâng. 19 M̄ koh Pítek kah Iokhān ìn kóng, "Tī SiōngChú ê gántiong, thiaⁿ lín ê ōe á sī thiaⁿ SiōngChú ê ōe chiah tio̍h? lín kakī phòaⁿtoàn. 20 Inūi goán só͘ khòaⁿ tio̍h kah só͘ thiaⁿ tio̍h ê, bô kóng bē ēngtit." 21 Hiahê chhamhōe ê lâng siūⁿ bô pō͘ thang kā in hênghoa̍t, koh inūi kûnchiòng chiong in só͘ kiâⁿ ê sînjiah lâi kui êngkng hō͘ SiōngChú, chiū koh giâmkeh kā in kéngkò liáuāu pàng in chhutkhì. 22 Chènglâng ánne teh oló SiōngChú sī inūi tùi chitê sînjiah tit tio̍h ihó ê lâng íkeng sìcha̍p gōa hòe.

Sìntô͘ ê Kîtó
23 Pítek kah Iokhān tit tio̍h tháupàng liáuāu, chiū khì chhōe in ê pêngiú, chiong chiahê chèsitiúⁿ kah tiúⁿló só͘ kóng ê ōe lóng tùi in pòkò. 24 In thiaⁿ liáu chiū tângsim chhutsiaⁿ tùi SiōngChú kîtó kóng, "Chhòngchō thiⁿ, tē, hái, kah kîtiong bānbu̍t ê Chúcháiⁿ ah, 25 Lí thongkòe SèngSîn ēng Lí ê lô͘po̍k, goán ê chó͘sian, Tāipi̍t ê chhùi kóng: Lia̍tkok ánchóaⁿ tōa siūkhì, Chiahê jînbîn ánchóaⁿ kèbô͘ bôhāukó ê tāichì? 26 Tē chiūⁿ ê lia̍tông pâitīn pīchiàn, Chiahê koaⁿoân mā chòhóe chūchi̍p, Lâi kongkek SiōngChú kah I ê Kitok.( chù: SPh 2:12) 27 Hilu̍t, Púntiu Pília̍pto, kah Gōapanglâng, íki̍p Íseklia̍tlâng, kójiân chūchi̍p tī chitê siâⁿ, lâi kongkek Lí só͘ soánli̍p ê sînsèng Lô͘po̍k Iâso͘, 28 In chūchi̍p lâi chò Lí ê koânlêng kah Lí ê chíì só͘ tiāⁿ tio̍h ē hoatseng ê itchhè tāichì. 29 Taⁿ Chú ah, in teh kā goán khiónghat, kiû Lí kàmchhat, hō͘ Lí chiahê lô͘po̍k kohkhah hótáⁿ lâi thoânkáng Lí ê tōlí, 30 kiû Lí chhunchhiú lâi ipēⁿ, koh thongkòe Lí sînsèng ê Lô͘po̍k Iâso͘ ê miâ lâi kiâⁿ sînjiah kîsū." 31 Kîtó soah, chūchi̍p ê só͘chāi tōa iôtāng, kûnchiòng lóng siū SèngSîn chhiongmóa, hótáⁿ thoânkáng SiōngChú ê tōlí.

Sìntô͘ ê Kiōngtông Sengoa̍h
32 Choânthé sìntô͘ lóng tângsim ha̍pì, bôlâng kóng i ê châibu̍t sī kakī ê, ta̍khāng mi̍hkiāⁿ lóng kongke ēng. 33 Sùtô͘ ēng tōa koânlêng kiànchèng Chú Iâso͘ ê kohoa̍h, kûnchiòng mā lóng tit tio̍h tōa untián. 34 In tiongkan bôlâng ū khiàmkhoeh, inūi ū chhânhn̂g chhùthe̍h ê lâng lóng bē tiāu, 35 chiong só͘ tit tio̍h ê chîⁿ the̍h lâi kau hō͘ sùtô͘,chiàu ta̍klâng só͘ suiàu pun hō͘ in. 36 Ū chi̍tê chhutsì tī Kupílō͘( hiānkim ê Sàiphó͘lō͘su) Lībīcho̍k ê lâng, miâkiò Ioksek, sùtô͘ kā i kiòchò Panápa(ìsù sī "anùichiá"). 37 I kā chhânhn̂g bē tiāu, chiong só͘ bē ê chîⁿ tòalâi kau hō͘ sùtô͘.