《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第七章

作者 巴克禮普世版小組 2014.04.13

Suthêhoán ê Tappiān
1 Chèsitiúⁿ chiū kóng, "Chiahê tāichì kám sī ánne?" 2 Suthêhoán kóng, "Kokūi hūló hiaⁿtī, chhiáⁿ thiaⁿ, Lán ê chó͘sian Apekla̍hhán, iáubōe sóakhì Haplân íchêng, iáu tòa tī Bísó͘photāibí ê sî, êngkng ê SiōngChú tùi i hiánhiān, 3 kā i kóng, "Līkhui lí ê kò͘hiong kah chhincho̍k, khì Góa beh kā lí chísī ê só͘chāi.( chù: CSK 12:1) 4 Apekla̍hhán chiū līkhui Kale̍ktílâng ê tē hng, khì tòa tī Haplân. I ê lāupē sí liáuāu, SiōngChú hō͘ i tùi hia sóa kàu lín chitmá teh tòa ê só͘chāi. 5 Tī chia SiōngChú pēngbô hō͘ i sángia̍p, liân khiākha ê só͘chāi to bô. Suijiân hit sî i iáubōe ū kiáⁿ, m̄ koh SiōngChú èngín beh sù hō͘ i chitê thó͘tē thang chò i kah kiáⁿsun ê sángia̍p. 6 SiōngChú ū ánne kā i kóng, 'Lí ê kiáⁿsun ē chhutgōa khì tī gōakok, chò lâng ê lô͘lē siū pháiⁿ khoánthāi sìpah nî kú.'( chù: CSK 15:13) 7 SiōngChú koh kóng, 'M̄ koh Góa beh símphòaⁿ hitê hō͘ in chò lô͘lē ê kokka. Āulâi Góa ē hō͘ in chhutlâi, tī chitê só͘chāi kèngpài Góa.'( chù: CSK 15:14) 8 Jiânāu SiōngChú kah i li̍piok, ēng katlé chò kìhō, inūi ánne i seⁿ Ísat liáuāu tē peh ji̍t kā i kiâⁿ katlé. Āulâi Ísat seⁿ Ngákok, Ngákok seⁿ lán cha̍pjīê cho̍ktiúⁿ. 9 " Chiahê cho̍ktiúⁿ oàntò͘ Ioksek, kā i bē khì Aiki̍p, m̄ koh SiōngChú kah i tôngchāi. 10 kiù i thoatlī itchhè ê khó͘lān, hō͘ i tī Aiki̍pông Hoatló ê bīnchêng tit tio̍h untián kah tìhūi, hō͘ Hoatló kā i siatli̍p chò Aiki̍p ê cháiⁿsiòng kah ôngkiong ê chóngkoán. 11 Āulâi Aiki̍p kah Kalâm choântē hoatseng kihng, ínkhí tōa chailān. Lán ê chó͘sian bô bíniû thang chia̍h. 12 Ngákok thiaⁿkóng Aiki̍p ū niûsi̍t, chiū chhe lán ê chó͘sian khì hia. Che sī thâuchi̍t pái. 13 Tē jī pái koh khì ê sî, Ioksek hō͘ hiaⁿtī jīnchhut i ê sinhūn, inūi ánne, Hoatló bat Ioksek ê kacho̍k. 14 Ioksek chhe lâng khì chhiáⁿ i ê lāupē Ngákok kah choân kacho̍k, chóngkiōng chhitcha̍pgō͘ lâng khì Aiki̍p. 15 Ngákok chiū lo̍hkhì Aiki̍p, āulâi i kah lán ê chó͘sian lóng sí tī hia. 16 In ê sithé āulâi ūn tńglâi Sīkiàm, bâichòng tī Apekla̍hhán ēng chîⁿ tùi Hapboa̍t ê kiáⁿsun bélâi ê hittè bōngtē. 17 SiōngChú tùi Apekla̍hhán èngín ê hitê kî ná kīn, Íseklia̍tlâng tī Aiki̍p siⁿthòaⁿ hengōng. 18 Āulâi lēnggōa chi̍tê m̄ bat Ioksek ê ông khílâi thóngtī Aiki̍p.( chù: CAK 1:8) 19 I ēng kúikè lâi tùihù lán ê bîncho̍k, ge̍kthāi lán ê chó͘sian, bēnglēng in tio̍h kā in ê eⁿ'á tàn tòa gōabīn, hō͘ in sí. 20 Hit sî, Mô͘se tú chhutsì, huisiông chhengsiù ê eⁿ'á, tī lāupē ê chhù ióngchhī saⁿ kògoe̍h kú. 21 I siū khìsak ê sî, Hoatló ê chabó͘kiáⁿ kā i khiohkhì tòngchò kakī ê kiáⁿ ióngchhī. 22 Mô͘se ha̍ksi̍p Aiki̍plâng só͘ū ê ha̍kbūn, kóngōe chò tāichì lóng ū châilêng. 23 " Mô͘se sìcha̍p hòe ê sî, siūⁿbeh khì khòaⁿ kakī ê hiaⁿtī, Íseklia̍t ê tôngpau. 24 I khòaⁿ tio̍h chi̍tê hiaⁿtī hō͘ Aiki̍plâng khihū, chiū kā i póhō͘, phahsí hitê Aiki̍plâng, thè siū úikhut ê lâng pòsiû. 25 I siūⁿkóng kakī ê hiaⁿtī ē liáukái sī SiōngChú ēng i ê chhiú lâi kiù in, m̄ koh in bô liáukái. 26 Kehtńgji̍t, i khòaⁿ tio̍h nn̄gê Íseklia̍tlâng teh siophah, siūⁿbeh kā in tiâukái, kóng, "Lín sī hiaⁿtī, náē teh hō͘siōng khihū?" 27 Hitê teh khihū ê lâng kā Mô͘se sakkhui, kóng, "Siáⁿlâng siatli̍p lí chò goán ê thâulâng, chò goán ê phòaⁿkoaⁿ? 28 Lí àibeh chhinchhiūⁿ chahng thâisí hitê Aiki̍plâng lâi kā góa thâisí sībô?"( chù: CAK 2:14) 29 Mô͘se chi̍tē thiaⁿ tio̍h chitkù ōe chiū tôcháu, khì tòa Bítiânlâng ê tē hng, tī hia seⁿ nn̄gê kiáⁿ. 30 "Sìcha̍p nî āu, tī Senáisoaⁿ ê khòngiá, ū thiⁿsài tī chhìphè ê hóeiām tiong, tùi Mô͘se hiánhiān. 31 Mô͘se khòaⁿ tio̍h chitê kéngsiōng, kámkak chin hikî, kiâⁿ óakhì siūⁿbeh khòaⁿ khah siôngsè ê sî, chiū thiaⁿ tio̍h Chú ê siaⁿ, kóng, 32 'Góa sī lín chó͘sian ê SiōngChú, chiūsī Apekla̍hhán, Ísat, Ngákok ê SiōngChú.( chù: CAK 3:6) Mô͘se kiaⁿ kah phi̍hphi̍hchhoah, m̄ káⁿ khòaⁿ. 33 Chú kā i kóng, "Lí ê ê tio̍h thǹg khílâi, inūi lí khiā ê só͘chāi sī sèngtē. 34 Góa khaksi̍t ū khòaⁿ tio̍h Góa ê chúbîn tī Aiki̍p teh siūkhó͘, mā ū thiaⁿ tio̍h in teh kiòkhó͘ ê siaⁿ. Góa kànglîm lâi beh kā in chínkiù, taⁿ lí lâi, Góa beh chhe lí khì Aiki̍p.'( chù: CAK 3:5, 7) 35 Chitê Mô͘se chiūsī Íseklia̍tlâng bat kā i kīchoa̍t, mn̄g i kóng, 'Siáⁿlâng siatli̍p lí chò goán ê thâulâng, chò goán ê phòaⁿkoaⁿ?' SiōngChú khiok thongkòe tī chhìphè tiong tùi i hiánhiān ê thiⁿsài chhephài i chò léngsiù, chò chínkiùchiá. 36 Mô͘se chhōa in chhut Aiki̍p, tī Aiki̍p, Ânghái kah khòngiá sìcha̍p nî kú, kiâⁿ chinchē kîsū sînjiah. 37 Chitê Mô͘se bat tùi Íseklia̍t ê kiáⁿsun kóng, 'SiōngChú beh tùi lín hiaⁿtī tiongkan ūi lín hengkhí chi̍tê chhinchhiūⁿ góa chitkhoán ê sianti.'( chù: SBK 18:15) 38 Mô͘se mā bat kah tī Senáisoaⁿ tùi i kóngōe ê thiⁿsài íki̍p lán ê chó͘sian tī khòngiá chòhóe kìⁿbīn. I mā ū tit tio̍h oa̍h ê sìnsit lâi thoân hō͘ lán. 39 Lán ê chó͘sian m̄ khéng thiaⁿ i ê ōe, tiantò kā i kīchoa̍t, siūⁿbeh tòtńgkhì Aiki̍p. 40 In kā Alûn kóng, "Lí tio̍h kā goán chō sînbêng lâi chòthâu chhōa goán, inūi chitê chhōa goán chhut Aiki̍p ê Mô͘se m̄ chai tú tio̍h símmi̍h tāichì.'( chù: CAK 32:1) 41 Hit sî, in chiū chō gû'ákiáⁿ ê siōng, koh tùi hitê ngó͘siōng hiànchè, hoaⁿhí in kakī ê chhiú só͘ chò ê ngó͘siōng. 42 M̄ koh SiōngChú oa̍tlìntńg, chhutchāi in khì ho̍ksāi thiansiōng. Tú chhinchhiūⁿ sianti ê chheh só͘ kìchài, kóng, 'Íseklia̍t ê chúbîn ah, lín tī khòngiá sìcha̍p nî kú, kám bat hiàn senglé á sī chèmi̍h hiàn hō͘ Góa? 43 Lín kng Mô͘lo̍k ê pò͘pêⁿ, Kah Líhoansîn ê chheⁿ, Chiūsī lín chō lâi pài ê ngó͘siōng; Góa beh kā lín chhiansóa khì Papílûn hitpêng!'( chù: AMS 5:2527) 44 "Lán chó͘sian tī khòngiá ū kiànchèng ê hōebō͘, chiūsī SiōngChú tùi Mô͘se ê chísī, chiàu i só͘ khòaⁿ tio̍h ê khoánsit lâi khíchō.ê. 45 Āulâi lán ê chó͘sian kìjiân sêngchiap chitê hōebō͘, SiōngChú tùi in ê bīnchêng kā gōacho̍k kóaⁿcháu, in chiàmniá hitê thó͘tē liáuāu, chiū kah Ioksua chiong hōebō͘ sóa khì hia, itti̍t kàu Tāipi̍t ê sîtāi. 46 Tāipi̍t ū tit tio̍h SiōngChú ê untián, kiû SiōngChú ínchún in kā Ngákok ê SiōngChú chhōe chi̍tê tòa ê só͘chāi. 47 M̄ koh āulâi ūi SiōngChú khí sèngtiān ê sī Só͘lôbûn. 48 "Kîsi̍t Chìkoân SiōngChú pēng bô tòa tī lâng ê chhiú só͘ khí ê chhù, chhinchhiūⁿ sianti só͘ kóng, 49 'Chú kóng, Thiⁿ sī Góa ê póchō, Tē sī Góa ê khatah87. Lín beh kā Góa khí símmi̍h khoán ê chhù? Góa anhioh ê só͘chāi tī tóūi? 50 Che itchhè kám m̄ sī Góa chhinchhiú chhòngchō.ê?"( chù: ISA 66:12) 51 "Lín náē chiahni̍h kò͘chi̍p, lín ê sim ngē, hīⁿkhang m̄ thiaⁿ ōe, kah lín ê chó͘sian kāngkhoán, siôngsiông pōege̍k SèngSîn! 52 Tó chi̍tê sianti bô siū tio̍h lín chó͘sian ê pekhāi? Īgiân hitê konggī ê Lô͘po̍k tehbeh lâilîm ê lâng, lóng hō͘ lín hāisí. Taⁿ lín chiâⁿchò chhutbē koh thâisí chitê lô͘po̍k ê lâng. 53 Lín sī tùi thiⁿsài niásiū SiōngChú ê lu̍thoat, kèngjiân bô teh chunsiú!"

Suthêhoán Hông Tìmsí
54 In thiaⁿ tio̍h Suthêhoán chiahê ōe, simlāi huisiông siūkhì, tùi i kāgê chhiatkhí. 55 M̄ koh Suthêhoán hō͘ SèngSîn chhiongmóa, gia̍h thâu khòaⁿ thiⁿ, khòaⁿ tio̍h SiōngChú ê êngkng, mā khòaⁿ tio̍h Iâso͘ khiā tī SiōngChú ê chiàⁿpêng. 56 I kóng, "Khòaⁿ ah! góa khòaⁿ tio̍h thiⁿ khui, Jînchú khiā tī SiōngChú ê chiàⁿpêng!" 57 Chènglâng hīⁿkhang am teh, tōasiaⁿ hoah, chò chi̍tê chhi̍h óakhì, 58 kā Suthêhoán kóaⁿ chhutkhì siâⁿgōa, ēng chio̍hthâu kā i tìm. Chò kiànchèng ê lâng chiong in ê gōasaⁿ kau hō͘ chi̍tê miâkiò Sòlô ê siàuliânlâng khì kò͘. 59 In ēng chio̍hthâu tìm Suthêhoán ê sî, Suthêhoán kiû, kóng, "Chú Iâso͘ ah, kiû Lí chiapla̍p góa ê lênghûn! " 60 I kūilo̍hkhì, tōasiaⁿ kiò, kóng, "Chú ah, m̄ thang ēng chitê chōe kui hō͘ in!" I kóng soah chiū síkhì. Sòlô mā chàntông bô͘sat Suthêhoán.