《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第八章

作者 巴克禮普世版小組 2014.04.20

Sòlô Pekhāi Kàuhōe
1 Hit ji̍t,Iâlō͘satléng ê kàuhōe tú tio̍h tōa pekhāi, sùtô͘ ígōa só͘ū ê sìntô͘ lóng sìsòaⁿ khì Iûthài kah Satmálīa ê ta̍k só͘chāi. 2 M̄ koh ūkóa kèngkhiân ê lâng kā Suthêhoán bâichòng, ūi tio̍h i pisiong tōasiaⁿ thîkhàu. 3 Hit sî, Sòlô hē chhiú pekhāi kàuhōe, ji̍pkhì ta̍kê sìntô͘ ê chhù, bôlūn lâmlí lóng thoa chhutlâi, kā in sàngkhì koaiⁿ lo̍hkaⁿ.

Hokim Thoân Kàu Satmálīa
4 Inūi ánne, hiahê sìsòaⁿ ê lâng khì ta̍k só͘chāi thoân hokim ê tōlí. 5 Huile̍k khì Satmálīa ê siâⁿ, tùi hia ê lâng soaniông Kitok. 6 Chènglâng thiaⁿ tio̍h Huile̍k só͘ kóng ê ōe, koh khòaⁿ tio̍h i só͘ kiâⁿ ê sînjiah, chiū tângsim thiaⁿ Huile̍k ê ōe. 7 Inūi chinchē hō͘ siâsîn hūsin ê lâng tōasiaⁿ hoah chiū tùi só͘ hūsin ê lâng chhutkhì. Chinchē piànsūi ê, páikha.ê, mā lóng tit tio̍h ihó. 8 Hitê siâⁿ ê lâng tōa hoaⁿhí. 9 M̄ koh ū chi̍tê lâng, miâkiò Sebûn, íchêng bat tī siâⁿlāi kiâⁿ siâsu̍t, chūkhoa chò tōa, hō͘ Satmálīa ê lâng tio̍hkiaⁿ koh kîkoài; 10 Siâⁿlāi ê lâng tōatōa sèsè choansim thiaⁿ i, kóng, "Chitê lâng sī SiōngChú ê koânlêng, sī lâng teh kóng ê 'Tōalêngchiá'." 11 In lóng choansim thiaⁿ i, sī inūi in kàutaⁿ chin kú ēng siâsu̍t hō͘ in tio̍hkiaⁿ koh kîkoài. 12 M̄ koh in sìn Huile̍k só͘ thoân ê hokim, lūn SiōngChú ê Koktō͘ kah Iâso͘ Kitok ê miâ liáuāu, chiū ū lâmlí chiapsiū sélé. 13 Liân Sebûn kakī mā sìn, i siū sélé liáuāu chiū kā Huile̍k tòe tiâutiâu. I khòaⁿ tio̍h Huile̍k só͘ kiâⁿ ê sînjiah kah só͘ chò ê tōa koânlêng kîsū chiū tio̍hkiaⁿ koh kîkoài. 14 Iâlō͘satléng ê sùtô͘ thiaⁿ tio̍h Satmálīa íkeng chiapla̍p SiōngChú ê tōlí, chiū chhe Pítek kah Iokhān khì in hia. 15 In khì kàuūi chiū thè hiahê sìntô͘ kîtó, hō͘ in thang tit tio̍h SèngSîn chhiongmóa. 16 Inūi in tú siū sélé, kui tī Chú Iâso͘ ê miâ niāniā, SèngSîn iáubōe lîmkàu in tiongkan jīmhô lâng. 17 Pítek kah Iokhān kā in hōaⁿchhiú, in chiū tit tio̍h SèngSîn chhiongmóa. 18 Sebûn khòaⁿ tio̍h hō͘ sùtô͘ hōaⁿchhiú lóng tit tio̍h SèngSîn, chiū hiàn chîⁿ hō͘ in, 19 kóng, "Chhiáⁿ lín mā chiong chitê koânlêng hō͘ góa, thang hō͘ góa hōaⁿchhiú ê lâng ē tàng tit tio̍h SèngSîn." 20 M̄ koh Pítek tùi i kóng, "Lí ê chîⁿ kah lí chòhóe khì sí, inūi lí siūⁿkóng SiōngChú ê unsù ē tàng ēng chîⁿ lâi bé! 21 Chitê tāichì bô lí ê hūn, kah lí bô koanhē, inūi tī SiōngChú ê bīnchêng lí ê chûnsim putliông. 22 Só͘í lí tio̍h hóekái tûkhì chitê pháiⁿ liāmthâu, kiû Chú khòaⁿ ē tàng hō͘ lí tit tio̍h siàbián ábē. 23 Góa khòaⁿchhut lí simlāi chhiongmóa thamsim kah chi̍ttò͘, hō͘ siâok khúnpa̍k." 24 Sebûn ìn kóng, "Chhiáⁿ lí thè góa kiû Chú, hō͘ lín só͘ kóng ê tāichì lóng bē lîmkàu góa." 25 Pítek kah Iokhān chò kiànchèng lâi thoân Chú ê tōlí, jiânāu tńgkhì Iâlō͘satléng, iânlō͘ tī Satmálīalâng ê chinchē chngsiā thoân hokim.

Huile̍k Kah Aithêopek ê Thàikàm
26 Chú ê thiⁿsài tùi Huile̍k kóng, "Khílâi, ǹg lâmpêng khì, kiâⁿ tùi Iâlō͘satléng lo̍hkhì Kasat ê hittiâu lō͘." Chit tiâu sī thongkòe khòngiá ê lō͘. 27 Huile̍k khílâi chiū chhuthoat. Lō͘tiong tú tio̍h chi̍tê Aithêopek(hiānkim ê Isohphita) ê thàikàm, chiūsī Aithêopek líông Kantāiki ê châibū tāisîn. 28 Chitê líông khì Iâlō͘satléng kèngpài soah beh tńgkhì, chē tī chhiani̍h teh tha̍k sianti Ísàia ê chheh. 29 SèngSîn kā Huile̍k kóng, "Chìnchêng khì tòeóa hittâi béchhia." 30 Huile̍k cháu óakhì, thiaⁿ tio̍h i teh tha̍k sianti Ísàia ê chheh, chiū mn̄g i kóng, "Lí teh tha̍k ê, lí ū liáukái bô?" 31 Thàikàm ìn kóng, "Bôlâng kā góa káisoeh, góa náē liáukái?" I chiū chhiáⁿ Huile̍k chiūⁿ chhia lâi chòhóe chē. 32 I teh tha̍k ê Sèngkeng hit tōaⁿ sī: I chhinchhiūⁿ iûⁿ hō͘ lâng khan khì thâi, Chhinchhiūⁿ iûⁿ'á tī chiánmn̂g ê lâng bīnchêng bô chhut siaⁿ, lóng bô khuichhùi. 33 I pibî siū bô konggī ê símphòaⁿ, bôlâng thè I chúchhî kongtō. Siáⁿlâng ē tàng thoânsu̍t I ê sètāi? Inūi I tī tē chiūⁿ ê oa̍hmiā íkeng kiatsok à."( chù: ISA 53:78) 34 Thàikàm ìn Huile̍k kóng, "Chhiáⁿ mn̄g, sianti kóng chitê ōe sī teh chí siáⁿlâng? sī chí kakī á sī chí pa̍tlâng?" 35 Huile̍k chiū tùi hittōaⁿ Sèngkeng khaisí tùi i thoân Iâso͘ ê hokim. 36 In tùi hittiâu lō͘ lo̍hkhì, lâikàu ū chúi ê só͘chāi, thàikàm kóng, "Lí khòaⁿ, chia ū chúi, góa kám ē tàng tī chia niásiū sélé?" 37 Huile̍k kā i kóng, “Lí nā choânsim sìn chiū thang niásiū sélé.” I ìn kóng, “Góa sìn Iâso͘ Kitok sī SiōngChú ê Kiáⁿ.”( chù: Pakheklé Sèngkeng ê chhaupún bô 37 chat.) 38 Thàikàm chiū hoanhù thêng chhia. Huile̍k kah thàikàm nn̄g lâng lo̍h chúi, Huile̍k chiū kā i sélé. 39 Tùi chúini̍h khílâi ê sî, SiōngChú ê SèngSîn chiong Huile̍k chiap khì. Thàikàm chiū ánne bô koh khòaⁿ tio̍h i, m̄ koh iáusī hoaⁿhoaⁿhíhí kèsio̍k i ê lō͘thêng. 40 Āulâi ūlâng tī Asóto͘ khòaⁿ tio̍h Huile̍k, i iânlō͘ ta̍kê siâⁿchhī thoân hokim, ti̍tkàu Kaisatlīa.