《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第十章

作者 巴克禮普世版小組 2014.05.04

10 Pítek kah Konîliû Tī Kaisatlīa ū chi̍tê lâng, miâkiò Konîliû, chò Ìtāilīiâⁿ ê liântiúⁿ. 2 I sī kèngkhiân ê lâng, kah choânke kèngùi SiōngChú, chínchè chinchē sànchhiah ê Iûthàilâng, koh siôngsiông tùi SiōngChú kîtó. 3 Ū chi̍tji̍t chhaputto ē po͘ saⁿtiám, i tī īⁿsiōng tiong bêngbêng khòaⁿ tio̍h SiōngChú ê thiⁿsài ji̍plâi, tùi i kóng, "Konîliû." 4 I lia̍h thiⁿsài kimkim khòaⁿ, huisiông kiaⁿhiâⁿ, kóng, "Chú ah, símmi̍h tāichì?" Thiⁿsài kā i kóng, "Lí ê kîtó, lí ê chínchè íkeng lóng tit tio̍h SiōngChú hoaⁿhí chiapla̍p. 5 Taⁿ lí tio̍h chhe lâng khì Iokphàⁿ, chhiáⁿ hitê kiòchò Pítek ê Sebûn lâi. 6 I tòa tī chèphôe saihū Sebûn in tau, i ê chhù tī háipiⁿ." 7 Kah i kóngōe ê thiⁿsài līkhui liáuāu, Konîliû chiū kiò nn̄gê lô͘po̍k, kah chi̍tê pêngsiông sūhāu i koh sī kèngkhiân ê peng lâi, 8 chiong chiahê tāichì lóng kā in hoanhù, chiū chhe in khì Iokphàⁿ. 9 Kehtńgji̍t, chhaputto ji̍t tiongtàu, chit saⁿê lâng kiâⁿ lō͘ beh kàu Iokphàⁿ ê sî, Pítek peh khílih chhùténg kîtó. 10 I paktó͘ chin iau, siūⁿbeh chia̍h mi̍hkiāⁿ, lâng tútú teh chúnpī tiongtàutǹg ê sî, Pítek soah ji̍psîn khì, 11 i khòaⁿ tio̍h thiⁿ khui, ū chi̍tê chhinchhiūⁿ sìkakthâu pa̍k teh ê tōapak pò͘ kàng lo̍hlâi, tūi tī thô͘kha, 12 hit lāibīn ū tē bīn ta̍kchióng ê cháusiù, thângthōa kah thiⁿ tiong ê poechiáu. 13 Koh ū siaⁿ tùi i kóng, "Pítek, khílâi, thâi hiahê mi̍h lâi chia̍h." 14 M̄ koh Pítek kóng, "Chú ah, chhianbān m̄ thang, inūi góa m̄ bat chia̍h chho͘sio̍k bô chhengkhì ê mi̍h." 15 Hitê siâⁿ tē jī pái tùi i kóng, "SiōngChú só͘ hō͘ i chhengkhì ê, lí m̄ thang lia̍h chò chho͘sio̍k." 16 Ánne ê tùiōe liânsòa saⁿ pái, hitê sìkakthâu tiàuteh ê tōatè pò͘ sûisî koh siu tńgkhì thiⁿténg. 17 Pítek kámkak kîkoài, simlāi túteh siūⁿ chitê īⁿsiōng sī símmi̍h ìsù ê sî, hit sî Konîliû só͘ chhelâi ê lâng íkeng chhōe tio̍h Sebûn ê chhù, lâi khiā tī mn̂gkháu, 18 tōasiaⁿ mn̄g kóng, "Ū chi̍tê kiòchò Pítek ê Sebûn tòa tī chia ábô?" 19 Pítek iáu teh siūⁿ chitê īⁿsiōng ê sî, SèngSîn kā i kóng, "Ū saⁿê lâng lâi beh chhōe lí. 20 Taⁿ tio̍h kóaⁿkín lo̍hkhì kah in chòhóe khì, m̄ thang tiûtû, sī Góa chhephài in lâi.ê." 21 Pítek chiū lo̍hkhì kìⁿ hiahê lâng, kóng, "Góa chiūsī lín teh chhōe ê lâng, lín lâi ū símmi̍h kùisū?" 22 In ìn kóng, "Liântiúⁿ Konîliû chhephài goán lâi, i sī gīlâng koh kèngùi SiōngChú, siū choânpō͘ ê Iûthàilâng chunkèng. I tit tio̍h sèng thiⁿsài chísī, lâi chhiáⁿ lí kàu in tau, thang thiaⁿ lí ê kángtō." 23 Pítek chiū chhiáⁿ in ji̍pkhì chhùlāi, lâu in tòa hia kòemê. Kehtńgji̍t Pítek kah in khì, koh ū kúināê Iokphàⁿ ê sìntô͘ tôe i khì. 24 Koh kehtńgji̍t, in lâikàu Kaisatlīa. Konîliû íkeng chūchi̍p i ê chhinlâng kah hó pêngiú, teh thènghāu in. 25 Pítek ji̍pkhì ê sî, Konîliû kā i gêngchiap, phak tī i ê khachêng kā i pài. 26 M̄ koh Pítek khan i khílâi, kóng, "Khílâi, góa kakī mā sī lâng." 27 Pítek kah i ná kiâⁿ ná kóngōe ji̍pkhì chhùlāi, khòaⁿ tio̍h chinchē lâng íkeng chūchi̍p tī hia. 28 Pítek tùi in kóng, "Lín chai Iûthàilâng ê lu̍thoat kìmchí kah pa̍tcho̍k ê lâng kaupôe lâióng, m̄ koh SiōngChú íkeng chísī góa, bôlūn siáⁿlâng lóng m̄ thang kóng lâng chò chho͘sio̍k bô chhengkhì. 29 Só͘í lín chhiáⁿ góa lâi, góa bô thesî chiū lâi. Taⁿ chhiáⁿ mn̄g lín chitpái chhiáⁿ góa lâi ū símmi̍h kùisū?" 30 Konîliû kóng, "Sì ji̍t chêng chhaputto chitê sî, ē po͘ saⁿtiám, góa tī chhùlāi teh kîtó, hutjiân ū chi̍tê lâng, saⁿkhò͘ kngiàⁿiàⁿ, khiā tī góa ê bīnchêng, 31 kóng, 'Konîliû, SiōngChú íkeng thiaⁿ tio̍h lí ê kîtó, mā ē kìtit lí ê chínchè. 32 Taⁿ lí tio̍h chhe lâng khì Iokphàⁿ, chhiáⁿ hitê kiòchò Pítek ê Sebûn lâi.I tòa tī chèphôe saihū Sebûn in tau, i ê chhù tī háipiⁿ.' 33 Góa sûisî chhe lâng kàu lí hia, taⁿ lí lâi si̍tchāi chin hó. Chitmá goán lóng tī SiōngChú ê bīnchêng, ài beh thiaⁿ Chú bēnglēng lí beh kā goán kóng ê ōe." 34 Pítek ê Thoântō Pítek khuichhùi, kóng, "Taⁿ góa khaksi̍t chai, SiōngChú bô ēng gōamāu chhú lâng. 35 Bôlūn tó chi̍tê bîncho̍k kèngùi SiōngChú lâi kiâⁿ gī ê lâng, I lóng hoaⁿhí chiapla̍p. 36 Lín chai: SiōngChú ū thongkòe bānbîn ê Chú Iâso͘ Kitok tùi Íseklia̍tlâng lâi thoân hôpêng ê hokim. 37 Lín mā chai: Iokhān thoân sélé ê tōlí íāu, chitê hokim ū tùi Kalīlīséng khaisí thoân kàu Iûthài choântē. 38 Chitê hokim chiūsī Násatle̍klâng Iâso͘, SiōngChú ū ēng SèngSîn kah châilêng siúⁿsù hō͘ I. I chiū khì ta̍k só͘chāi chò hósū, ihó só͘ū hō͘ Mô͘kúi apchè ê lâng, inūi SiōngChú kah I tôngchāi. 39 Goán sī I tī Iûthàilâng ê tē hng kah Iâlō͘satléng só͘ chò ê tāichì ê kiànchèngjîn, in kā I tèngsí tī si̍pjīkè. 40 Kàu tē saⁿ ji̍t, SiōngChú hō͘ I kohoa̍h, koh hō͘ I hiánhiān, 41 m̄ sī tùi só͘ū ê lâng hiánhiān, kantaⁿ tùi goán chiahê hō͘ SiōngChú kéngsoán lâi chò kiànchèng ê lâng hiánhiān. Goán chiahê lâng tī I tùi sílâng tiong kohoa̍h liáuāu kah I chòhóe limchia̍h. 42 Iâso͘ bēnglēng goán thoân hokim hō͘ só͘ū ê lâng, chèngsi̍t I sī SiōngChú só͘ jīmbēng chò oa̍hlâng kah sílâng ê símphòaⁿ. 43 Chèng sianti mā ūi I chò kiànchèng, chiūsī só͘ū sìn I ê lâng ē tàng óakhò I ê miâ tit tio̍h siàchōe." 44 Gōapanglâng Niásiū SèngSîn Pítek iáuteh kóngōe ê sî, SèngSîn kànglîm tī só͘ū thiaⁿ tōlí ê lâng. 45 Kah Pítek chòhóe lâi hiahê siū katlé ê sìntô͘ tōa tio̍hkiaⁿ, inūi SèngSîn ê siúⁿsù mā ū kànglîm tī Gōapanglâng. 46 Inūi in ū thiaⁿ tio̍h hiahê lâng ēng kîbiāu ê khiuⁿkháu teh oló SiōngChú ê úitāi. 47 Pítek chiū ìn kóng, "Hiahê lâng íkeng kah lán kāngkhoán ū niásiū SèngSîn, siáⁿlâng ē tàng kìmchí in niásiū chúi ê sélé?" 48 Pítek chiū bēnglēng in hōng Iâso͘ Kitok ê miâ niásiū sélé. Āulâi in chhiáⁿ Pítek kah in koh tòa kúinā ji̍t.