《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第十一章

作者 巴克禮普世版小組 2014.05.11

Pítek Tùi Iâlō͘satléng ê Kàuhōe Pòkò Sùtô͘ kah tòa tī Iûthài ê sìntô͘ lóng ū thiaⁿ tio̍h Gōapanglâng mā chiapsiū SiōngChú ê tōlí. 2 Kàu Pítek chiūⁿ Iâlō͘satléng ê sî, hiahê siū katlé ê Iûthàilâng kā i phoephêng, kóng, 3 "Lí bat ji̍pkhì bô siū katlé ê lâng ê chhù, kah in chòhóe chia̍hpn̄g." 4 Pítek chiong só͘ hoatseng ê tāichì chi̍thāng chi̍thāng tùi in soatbêng kóng, 5 "Góa tī Iokphàⁿ siâⁿ kîtó kah sitsîn ê sî, khòaⁿ tio̍h īⁿsiōng, ū chi̍tê chhinchhiūⁿ sìkakthâu pa̍k teh ê tōapak pò͘ tūi lo̍hlâi, lak tī góa ê khachêng. 6 Góa siôngsè khòaⁿ, khòaⁿ tio̍h lāibīn ū tē chiūⁿ ê chengseⁿ, iásiù, thângthōa, kah khongtiong ê poechiáu. 7 Koh thiaⁿ tio̍h ū siaⁿ kā góa kóng, "Pítek, khílâi, thâi lâi chia̍h." 8 Góa kóng, "Chú ah, chhianbān m̄ thang; inūi góa m̄ bat chia̍h chho͘sio̍k bô chhengkhì ê mi̍h." 9 M̄ koh siaⁿ tē jī pái tùi thiⁿ ìn kóng, "SiōngChú só͘ hō͘ i chhengkhì ê, lí m̄ thang lia̍h chò chho͘sio̍k." 10 Chitê tāichì liânsòa saⁿ pái liáuāu, hiahê mi̍h chiū koh siu tòtńgkhì thiⁿténg. 11 Tú hit sî, tùi Kaisatlīa chhephài lâi chhōe góa hit saⁿê lâng lâikàu goán tòa ê hitkeng chhù. 12 SèngSîn kā góa kóng tio̍h kah in khì, tùi lâng m̄ thang chhapia̍t khànthāi, koh ū la̍kê sìntô͘ kah góa khì. Goán lóng ji̍pkhì Konîliû ê chhù. 13 Konîliû kā goán kóng i ū khòaⁿ tio̍h chi̍tê thiⁿsài khiā tī i ê chhù, tùi i kóng, 'Tio̍h chhe lâng khì Iokphàⁿ, chhiáⁿ hitê kiòchò Pítek ê Sebûn lâi. 14 I ū ōe beh kā lí kóng, thang hō͘ lí kah lí choânke lóng tit tio̍h kiù.' 15 Góa tú teh kóng ê sî, SèngSîn kànglîm tī in, chhinchhiūⁿ tongchho͘ kànlîm tī lán sinchiūⁿ kāngkhoán. 16 Góa chiū siūⁿkhí Chú só͘ kóng ê ōe:'Iokhān ēng chúi kā lín sélé, m̄ koh lín ē niásiū SèngSîn ê sélé.' 17 Kìjiân SiōngChú ū chiong lán sìn Chú só͘ niásiū kāngkhoán ê unsù sù hō͘ in, góa sī siáⁿlâng, ná ē tàng chó͘tòng SiōngChú ê chokûi?" 18 Hiahê lâng thiaⁿ chiahê ōe, chiū tiām lo̍hkhì, kui êngkng SiōngChú, kóng, "Ánne kóng khílâi, SiōngChú mā ū hō͘ Gōapanglâng hóekái lâi tit tio̍h oa̍hmiā."

Anthêo ê Kàuhōe
19 Ūi tio̍h Suthêhoán ê tāichì siū pekhāi sìsòaⁿ ê sìntô͘, ūê khì kàu Huinîki, Kupílō͘(hiānkim ê Sàiphó͘lō͘su), Anthêo. In bô tùi pa̍tlâng kóng tōlí, chí ū tùi Iûthàilâng kóng niāniā. 20 M̄ koh kîtiong ūkóa Kupílō͘ kah Kó͘līnāi ê sìntô͘ lâikàu Anthêo, mā tùi Hilia̍plâng thoân Chú Iâso͘ ê hokim. 21 Chú kah in tôngchāi kethiⁿ in ê khùila̍t, chinchē lâng lâi sìn kui Chú. 22 Chitê siausit thoân kàu Iâlō͘satléng ê kàuhōe, in chiū chhephài Panápa khì Anthêo. 23 Panápa chi̍tē kàuūi, khòaⁿ tio̍h SiōngChú ê untián chiū hoaⁿhí, i kó͘lē tāike tio̍h choânsim sìnkhò Chú. 24 Inūi Panápa sī hó lâng, koh ū SèngSîn chhiongmóa, kethiⁿ chinchē lâng lâi sìn Chú. 25 Āulâi Panápa khì Tāisò͘ chhōe Sòlô. 26 Chhōe tio̍h liáuāu, Sòlô chhōa i kàu Anthêo. Chiokchiok chi̍t nî kú, in kah kàuhōe ê hōeiú chūhōe, kàsī chinchē lâng. bûntô͘ kiòchò "Kitoktô͘" sī tùi Anthêo khaisí. 27 Hit sî, ū kúināê sianti tùi Iâlō͘satléng lo̍hkhì Anthêo. 28 Kîtiong chi̍tê miâkiò Akapò͘ ê lâng khiā khílâi, khò SèngSîn lâi īgiân kóng: phó͘ thiⁿē tehbeh ū tōa kihng. Tng Keklótiu thóngtī ê nîkan, kójiân hoatseng chitê tāichì. 29 Bûntô͘ chiū koattēng, ta̍klâng chiàu kakī ê le̍kliōng hōnghiàn, thang lâi chínchè tòa tī Iûthài ê sìntô͘. 30 In chiū chiàu ánne chò, tùi Panápa kah Sòlô kengchhiú, kià khì hō͘ hia ê tiúⁿló.