《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第十三章

作者 巴克禮普世版小組 2014.05.25

SèngSîn Chíphài Panápa kah Sòlô
1 Tī Anthêo ê kàuhōe ū kúināê sianti kah kàusu, chiūsī Panápa, kah kiòchò Nîkiat ê Sebiān, Kó͘līnāilâng Lō͘kiû, kah hunhong ê kunông Hilu̍t chòhóe tōahān ê Máliām, íki̍p Sòlô. 2 In teh kèngpài Chú kìmchia̍h ê sî, SèngSîn kóng, "Tio̍h ūi Góa chhephài Panápa kah Sòlô, khì chò Góa ho͘tiàu in khì chò ê kangchok. 3 In kìmchia̍h kîtó liáuāu, kā Panápa kah Sòlô hōaⁿchhiú, chhephài in chhutkhì.

Tī Kupílō͘
4 Panápa kah Sòlô siū SèngSîn chhephài, chiū lo̍hkhì Seliûki, tùi hia chē chûn khì Kupílō͘. 5 In kàu Satlia̍pbí, chiū tī Iûthàilâng chiahê hōetn̂g thoân SiōngChú ê tōlí, kiòchò Mákhó ê Iokhān mā khì kā in pangbâng. 6 In kiâⁿphiàn choân tó lâikàu Phàⁿhut, tī hia tú tio̍h chi̍tê kiâⁿ siâsu̍t ê lâng, sī Iûthàilâng ê késianti, miâkiò PaIâso͘. 7 I kah chóngtok Sūkiû Pólô ū kaupôe, chóngtok sī chhongbêng ê lâng, i chhiáⁿ Panápa kah Sòlô lâi, àibeh tùi in thiaⁿ SiōngChú ê tōlí. 8 M̄ koh hitê kiâⁿ siâsu̍t ê Ílūmá(Hilia̍pōe ê ìsù chiūsī "kiâⁿ siâsu̍t ê lâng"), hoántùi in nn̄g lâng, àibeh chó͘tòng chóngtok chiapsiū chitê sìngióng. 9 Chit sî Sòlô(mā kiòchò Pólô) hō͘ SèngSîn chhiongmóa, gîn hitê Ílūmá, kóng, 10 "Lí chitê Mô͘kúi'ákiáⁿ, lí sī itchhè konggī ê tùite̍k, chhiongmóa ta̍kchióng ê khúikhiat kah siâok, náē àibeh niúkhiok Chú ê chinlí? 11 Taⁿ lí khòaⁿ, Chú beh kā lí hênghoa̍t, lí ē chheⁿmê, chiāmsî bē khòaⁿkìⁿ ji̍tkng." I ê ba̍kchiu sûisî hō͘ o͘bū tàteh,lóng khòaⁿ bô, sìkè kiû lâng kā i khan. 12 Chóngtok khòaⁿ tio̍h só͘ hoatseng ê tāichì chiū sìn, tùi Chú ê kàsī kámkak chin kîkoài.

Tī Písetí ê Anthêo
13 Pólô kah tângphōaⁿ tùi Phàⁿhut khui chûn, kàu Pônghuilīa ê Pia̍tka. Kiòchò Mákhó ê Iokhān līkhui in, tńgkhì Iâlō͘satléng. 14 In tùi Pia̍tka kèsio̍k kiâⁿ, lâikàu Písetí ê Anthêo. Tī Anhiohji̍t, in ji̍pkhì hōetn̂g, chē lo̍hlâi. 15 Lu̍thoat kah sianti ê chheh tha̍k liáuāu, hōetn̂g ê chúkoán chhe lâng lâi kā in kóng, "Hiaⁿtī chímōe ah, lín nā ū khoànbián tāike ê ōe, chhiáⁿ kóng." 16 Pólô khiā khílâi, pí chhiúsè, kóng, "Kokūi Íseklia̍tlâng kah kèngùi SiōngChú ê chènglâng, chhiáⁿ thiaⁿ. 17 Chitê Íseklia̍t jînbîn ê SiōngChú kéngsoán lán ê chó͘sian, tī in kiàki Aiki̍p ê sî, hō͘ in chiâⁿchò tōa ê bîncho̍k, koh ēng tōakoânlêng ê chhiú chhōa in chhut Aiki̍p. 18 Koh tī khòngiá khoaniông in sìcha̍p nî kú. 19 SiōngChú húibia̍t Kalâm tē khu chhitê bîncho̍k liáuāu, chiū chiong hitê thó͘tē pun hō͘ in chò sángia̍p, chhaputto ū sìpah gō͘cha̍p nî kú. 20 "Chiahê tāichì liáuāu, SiōngChú ūi in siatli̍p sūsu, itti̍t kàu Satbóní chò sianti ê sî. 21 Āulâi Íseklia̍t jînbîn iaukiû ài ū chi̍tê ông. SiōngChú chiū tùi Piānngábín chicho̍k soánchhut Kisū ê kiáⁿ Sòlô, hō͘ i chò ông sìcha̍p nî kú. 22 Āulâi SiōngChú hòetiāu Sòlô ê ôngūi, chiū siatli̍p Tāipi̍t chò in ê ông. Koanhē Tāipi̍t, SiōngChú ū ánne kóng, 'Góa chhōe tio̍h Iâse ê kiáⁿ Tāipi̍t, i sī ha̍h Góa ê simì, ta̍khāng tāichì lóng chunchiàu Góa ê chíì.'( chù: Tg SBS 13:14) 23 SiōngChú chiàu I só͘ èngín, tùi Tāipi̍t ê kiáⁿsun, kā Íseklia̍tlâng siatli̍p chi̍tê KiùChú, chiūsī Iâso͘. 24 Iâso͘ lâilîm íchêng, Iokhān tāiseng tùi Íseklia̍tlâng thoântō, kiò in tio̍h hóekái lâi niásiū sélé. 25 Iokhān tehbeh oânsêng i ê kangchok ê sî, tùi chènglâng kóng, 'Lín siūⁿkóng góa sī siáⁿlâng? góa m̄ sī Kitok, m̄ koh ū chi̍tūi tòe tī góa āubīn beh lâi.ê, góa liân kā I tháu êtòa to bē khamtit.' 26 "Kokūi hiaⁿtī ah, Apekla̍hhán ê kiáⁿsun kah lín tiongkan kèngùi SiōngChú ê lâng, chitê chínkiù ê sìnsit íkeng ū thoân hō͘i lán à. 27 Inūi tòa tī Iâlō͘satléng ê lâng kah in ê koaⁿtiúⁿ m̄ bat I, mā m̄ bat ta̍kê Anhiohji̍t só͘ tha̍k sianti ê ōe, chiah kā I tēngchōe, che tú ènggiām sianti ê īgiân. 28 Suijiân in chhâ bô kā I tēng síchōe ê líiû, iáukoh iaukiû Pília̍pto kā I chhù síhêng. 29 Sèngkeng só͘ kìchài koanhē Iâso͘ ê ōe oânchoân ènggiām, in chiū tùi si̍pjīkèténg kā I siu lo̍hlâi, hē tī bōnglāi. 30 M̄ koh SiōngChú hō͘ I tùi sílâng tiong kohoa̍h. 31 Tī kúināji̍t tiongkan, kohoa̍h ê Iâso͘ hiánhiān hō͘ hiahê tùi Kalīlīséng kah I chiūⁿ Iâlō͘satléng ê lâng khòaⁿkìⁿ. Taⁿ chiahê lâng ū tùi bînchióng chò Iâso͘ ê kiànchèngjîn. 32 Goán chiong SiōngChú èngín lán chó͘sian ê hokim thoân hō͘ lin, 33 Inūi SiōngChú ū hō͘ Iâso͘ kohoa̍h, chitê íkeng ū tùi lán chiahê chò kiáⁿsun ê ènggiām, tú chhinchhiūⁿ Siphian tē jī phiⁿ só͘ kìchài: Lí chiūsī Góa ê Kiáⁿ, Góa kin'áji̍t seⁿ Lí.'( chù: SPh 2:7) 34 Koanhē hō͘ Iâso͘ tùi sílâng tiong kohoa̍h, bô koh hiúnōa ê tāichì, SiōngChú ū ánne kóng, 'Góa beh ēng Tāipi̍t sèng koh si̍tchāi ê untián sù hō͘ lín.'( chù: ISA 55:3) 35 Tī Siphian pa̍t phiⁿ mā ū ánne kóng, 'Lí bô beh hō͘ Lí ê Sèngchiá hiúnōa.'( chù: SPh 16:10) 36 Tāipi̍t chāiseⁿ ê sî ū chunhêng SiōngChú ê chíì. I sí liáuāu, bâichòng tī chó͘sian ê piⁿ'á, mā hiúnōa khì. 37 M̄ koh SiōngChú só͘ hō͘ I kohoa̍h ê Hitūi bô hiúnōa. 38 Só͘í kokūi hiaⁿtī ah, ánne lín engkai chai, siàchōe ê tōlí sī tùi chitūi Iâso͘ thoân hō͘ lín. 39 Lín khò Mô͘se ê lu̍thoat, bē tàng hō͘ lín tit tio̍h siàchōe, m̄ koh só͘ū sìnkhò Iâso͘ ê lâng lóng ē tit tio̍h siàchōe. 40 Só͘í lín tio̍h kínsīn, chiah biántit sianti só͘ īgiân ê lîmkàu lín. 41 Sianti ê ōe kóng, 'Biáusī SiōngChú ê lâng ah, lín tio̍h khòaⁿ, tio̍hkiaⁿ, lâi bia̍tbông, inūi tng lín ê sètāi, Góa só͘ chò ê tāichì, suijiân ūlâng kā lín soatbêng, lín mā m̄ sìn."( chù: HPK 1:5) 42 Pólô kah Panápa tùi hōetn̂g chhutkhì ê sî, chèng lâng chhiáⁿ in tī kohlâi ê Anhiohji̍t lâi kóng chiahê tōlí hō͘ in thiaⁿ. 43 Sòaⁿhōe liáuāu, Iûthàilâng kah káichong ji̍p Iûthàikàu kèngkhiân ê lâng, chinchē tòe Pólô kah Panápa chhutkhì. Chit nn̄gê sùtô͘ kah in kóngōe, khoànbián in tio̍h khò SiōngChú ê untián lâi sengoa̍h. 44 Koh lo̍hkhì ê Anhiohji̍t, choânsiâⁿ ê lâng lóng chūchi̍p lâi thiaⁿ SiōngChú ê tōlí. 45 M̄ koh Iûthàilâng khòaⁿ tio̍h lâng hiahchē, chiū móasim oàntò͘, hoánpok Pólô só͘ kóng ê tōlí, koh kā i húipòng. 46 Pólô kah Panápa putkoán, tiantó kohkhah hótáⁿ kóng, "SiōngChú ê tōlí seng thoân hō͘ lín, lín kèngjiân kīchoa̍t, siūⁿkóng lín kakī bē khamtit tit tio̍h éngoán ê oa̍hmiā, só͘í goán chiah choán ǹg Gōapanglâng. 47 Inūi Chú bat ánne bēnglēng goán, kóng, 'Góa íkeng siatli̍p lí chò gōapang ê kng, Hō͘ lí chiong Góa ê chínkiù tòa khìkàu thiⁿpiⁿháikak.'"( chù: ISA 49:6) 48 Gōapang lâng thiaⁿ tio̍h chiahê ōe lóng chin hoaⁿhí, oló SiōngChú ê tōlí. Só͘ū siū SiōngChú kéngsoán thang tit tio̍h éngoán oa̍hmiā ê lâng lóng chiâⁿchò sìntô͘. 49 Chiū ánne, Chú ê tōlí thoân khìkàu hit tē hng ê ta̍k só͘chāi. 50 M̄ koh Iûthàilâng siàntōng kèngkhiân chunkùi ê hūjînlâng kah siâⁿlāi ê thâulâng lâi pekhāi Pólô kah Panápa, chiong in kóaⁿchhut hit só͘chāi. 51 In nn̄g lâng tī kûnchiòng ê bīnchêng pōaⁿ khaté ê thô͘hún lâi piáusī hùnkhài, chiū khì Íkoliām. 52 Bûntô͘ móasim hoaⁿhí, koh hō͘ SèngSîn chhiongmóa.