《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第十四章

作者 巴克禮普世版小組 2014.06.01

Tī Íkoliām
1 Pólô kah Panápa tī Íkoliām chòhóe ji̍pkhì Iûthàilâng ê hōetn̂g kángtō. Kiatkó ū chinchē Iûthàilâng kah Hilia̍plâng lâi sìn. 2 M̄ koh hiahê m̄ sìn ê Iûthàilâng siàntōng Gōapanglâng, hō͘ in oànhūn sìntô͘. 3 Chit nn̄gūi sùtô͘ chiū tiàm hia chin kú, óakhò Chú hótáⁿ soankáng hokim. Chú siúⁿsù in ū lêngle̍k kiâⁿ sînjiah kîsū, lâi kiànchèng in só͘ thoân untián ê tōlí. 4 Siâⁿlāi ê kûnchiòng chū'ánne hunchò nn̄gpêng, ūê tòe Iûthàilâng, ūê tòe sùtô͘. 5 Hit sî, Gōapanglâng, Iûthàilâng, kah in ê koaⁿtiúⁿ kèbô͘ lêngjio̍k sùtô͘, ēng chio̍hthâu kā in tìm. 6 Sùtô͘ chai chitê tāichì, chiū tôcháu khì Lūkonî ê Lō͘sutek kah Te̍kpì nn̄gê siâⁿ, íki̍p chiuûi ê tē hng, 7 tī hia kèsio̍k thoân hokim.

Tī Lō͘sutek kah Te̍kpì
8 Tī Lō͘sutek ū chi̍tê páikha.ê, putsî chē teh, sī tùi chhutsì chiū nńgkha, lóng bē kiâⁿ. 9 I lâi thiaⁿ Pólô kóng tōlí, Pólô lia̍h i kimkim khòaⁿ, khòaⁿ tio̍h i ū sìnsim thang tit tio̍h hó, 10 chiū tōasiaⁿ kóng, "Khiā khílâi, siangkha khiā hō͘ ti̍tti̍t. Hitê lâng chiū thiàu khílâi kiâⁿ. 11 Chènglâng khòaⁿ tio̍h Pólô só͘ chò, chiū ēng Lūkonî ê khiuⁿkháu tōasiaⁿ kóng, "Ū sînbêng hòasin chò lâng, lîmkàu lán tiongkan à." 12 In chhengho͘ Panápa chò "Tiūsu"(chù:Hilia̍p sînōe tiong ê chèngsîn chi ông, Zeus), chhengho͘ Pólô chò "Hiníbí"(chù:Hilia̍p sînōe tiong kháuchâi chi sîn, Hermes), inūi i sī chúkángchiá. 13 Siâⁿgōa ū chi̍tê Tiūsubiō ê chèsi khan gû'á, the̍h hoekhoân, lâikàu siâⁿmn̂gkháu, beh kah chènglâng chòhóe hiànchè. 14 Sùtô͘ Panápa kah Pólô thiaⁿ tio̍h, chiū thiahli̍h saⁿ, chông ji̍pkhì kûnchiòng lāibīn, tōasiaⁿ hoah: 15 "Lín tāike náē ánne chò? Goán mā sī lâng, kah lín lóng kāngkhoán. Goán lâi chia thoân hokim, sī beh hō͘ lín līkhui chiahê hiké ê ngó͘siōng, lâi kui ǹg Hitūi éngoánoa̍h ê SiōngChú, I sī thiⁿ, tē, hái, kah kîtiong bānbu̍t ê chhòngchōchiá.( chù: SPh 146:6) 16 SiōngChú cháchêng, iôngín bānbîn kiâⁿ in kakī ê lō͘. 17 M̄ koh SiōngChú itti̍t thongkòe só͘ chò ê hósū lâi hiánbêng púnsin, chiūsī tùi thiⁿ lo̍hhō͘, chiàusî siusêng, hō͘ lín chia̍hmi̍h chhiongchiok koh simlāi chhiongmóa hoaⁿhí. 18 Sùtô͘ kóng chiahê ōe chiah límlím'á chó͘chí kûnchiòng tùi in chèhiàn. 19 M̄ koh ūkóa tùi Anthêo Íkoliām lâi ê Iûthàilâng siàntōng kûnchiòng ēng chio̍hthâu tìm Pólô, siūⁿkóng i íkeng sí, chiū kā i thoa chhutkhì siâⁿgōa. 20 Bûntô͘ ûi óalâi, i chiū khílâi ji̍pkhì siâⁿlāi. Kehtńgji̍t i kah Panápa līkhui hia khì Te̍kpì.

Tńgkhì Sūlīaséng ê Anthêo
21 Pólô kah Panápa tī Te̍kpì thoân hokim, hō͘ chinchē lâng chiâⁿchò bûntô͘. Āulâi in tńgkhì Lō͘sutek, Íkoliām kah Anthêo, 22 Iânlō͘ kiankò͘ sìntô͘ ê sìnsim, kó͘lē in kianchhî sìnsim, koh kóng, "Lán tio̍h tùi chinchē kankhó͘ lâi chìnji̍p SiōngChú ê Koktō͘." 23 In nn̄glâng tī ta̍kê kàuhōe kā in siatli̍p tiúⁿló, kìmchia̍h kîtó, chiong in kauthok tī in só͘ sìn ê Chú. 24 In kengkòe Písetí lâikàu Pônghuilīa. 25 In tī Pia̍tka kóng tōlí liáuāu, chiū lo̍hkhì Atāilī. 26 In tùi hia chē chûn lâikàu Anthêo, chiūsī in bat tī hia siū kauthok tī SiōngChú ê untián, lâi oânsêng bíhó ê kang. 27 In chi̍tē kàuūi chiū chūchi̍p kàuhōe ê sìntô͘, chiong in kah SiōngChú tângkang só͘ chò itchhè íki̍p SiōngChú kā Gōapanglâng khui sìngióng ê mn̂g ê tāichì lóng kā in pòkò. 28 Āulâi in kah bûntô͘ chòhóe tòa chámjiân'á kú.