《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第十七章

作者 巴克禮普世版小組 2014.06.22

Tī Thiapsatlō͘nîka
1 Pólô kah Selah kengkòe Àmhuipholí, Apholônîa, lâikàu Thiapsatlō͘nîka, tī hia ū Iûthàilâng ê hōetn̂g. 2 Pólô chiàu i pêngsiông ê si̍pkoàn ji̍pkhì hōetn̂g, liânsòa saⁿê Anhiohji̍t, íniōng Sèngkeng kah in piānlūn. 3 I kángkái koh chèngbêng Kitok ittēng tio̍h siūhāi, jiânāu tùi sílâng tiong kohoa̍h. I koh kóng, "Góa tùi lín soaniông ê Iâso͘ chiūsī Kitok." 4 In tiongkan ūlâng siū kámtōng lâi sìn, chiū lâi tòe Pólô kah Selah. Kîtiong ū chinchē sī kèngùi SiōngChú ê Hilia̍plâng, chunkùi ê hūjînlâng mā bē chió. 5 M̄ koh Iûthàilâng khí oàntò͘, chiochi̍p chi̍tkóa kelō͘ ê húilūi, siàntōng bînchiòng sêngkûn kiattóng, jiáuloān choân siâⁿ, kong ji̍pkhì Iâsun ê chhù, beh chhōe Pólô kah Selah, chiong in lia̍h khì kau hō͘ kûnchiòng. 6 In chhōe bô, chiū kā Iâsun kah kúināê sìntô͘ thoa khì tē hngkoaⁿ hia, tōasiaⁿ hoah: "Chiahê jiáuloān thianhā ê lâng mā lâikàu chia, 7 Iâsun kèngjiân kā in siuliû. Chiahê lâng lóng ûige̍k Lômá hôngtè ê hoatlēng, kóng lēnggōa ū chi̍tê ông, kiòchò Iâso͘." 8 Bînchiòng kah tē hngkoaⁿ thiaⁿ tio̍h chiahê ōe, chiū tio̍hkip putan. 9 Koaⁿoân tùi Iâsun kah kîtha ê lâng siu chîⁿ kaupó liáuāu, chiū pàng in khì.

Tī Pìlía
10 Hit mê, sìntô͘ sûisî sàng Pólô kah Selah thàumê khì Pìlía. Nn̄g lâng kàuūi liáuāu, chiū ji̍pkhì Iûthàilâng ê hōetn̂g. 11 Hiahê lâng pí Thiapsatlônîkalâng khah bûnbêng, jia̍tsim thiaⁿ tōlí, ta̍kji̍t chakhó Sèngkeng, khòaⁿ Pólô só͘ kóng ê ū khaksi̍t ábô. 12 Só͘í ū chinchē lâng sìn, kîtiong ū bē chió Hilia̍p chunkùi ê hūjînlâng kah chapo͘lâng. 13 M̄ koh Thiapsatlônîka ê Iûthàilâng chi̍tē chai Pólô tī Pìlía teh thoân SiōngChú ê tōlí, chiū khì hia siàntōng bînchiòng, ínkhí jiáuloān. 14 Sìntô͘ sûisî sàng Pólô khì háipiⁿ, Selah kah Thêmô͘thài iûgoân lâu tòa hia. 15 In chi̍tlō͘ hō͘sàng Pólô kàu Ngátián. Pólô hoanhù in kiò Selah kah Thêmô͘thài kóaⁿkín lâi kah i hōeha̍p. Jiânāu hiahê lâng chiū tńgkhì.

Tī Ngátián
16 Pólô tī Ngátián teh thènghāu Selah kah Thêmô͘thài ê kîkan, khòaⁿ tio̍h móasiâⁿ lóng sī Ngó͘siōng, chiū siongsim tio̍hkip. 17 I tī hōetn̂g kah Iûthàilâng íki̍p kèngùi SiōngChú ê lâng piānlūn, mā ta̍kji̍t tī kelō͘ni̍h kah só͘ tú tio̍h ê lâng tâmlūn. 18 Ū Ípíkó͘lô(Epicurus) kah Sutoa(Stoa) nn̄gê ha̍kphài ê tiatha̍kka lâi kah i piānlūn. Ūlâng kóng, "Chitê kāuōe ê lâng teh kóng símmi̍h?" Koh ūlâng kóng, "I chhinchhiūⁿ teh thoân pa̍tkok ê kúisîn." In ánne kóng sī inūi i teh thoân Iâso͘ kah I kohoa̍h ê tōlí. 19 In chiū kā Pólô thoakàu Alio̍ksoaⁿ ê hōetiûⁿ, kā i kóng, "Lí teh kánglūn ê sin ha̍ksoat kám ē tàng pò goán chai? 20 Inūi ū chi̍tkóa tāichì goán kámkak koàikoài, só͘í goán ài beh chai sī símmi̍h ìsù." 21 (Goânlâi Ngátiánlâng kah tòa tī hia ê gōakoklâng lóng ài kóng mā ài thiaⁿ sinkî ê tāichì lâi siaumô͘ sîkan.) 22 Pólô khiā tī Alio̍ksoaⁿ ê hōetiûⁿ, kóng, "Kokūi Ngátiánlâng, góa khòaⁿ lín hoānsū kèngùi sînbêng, chámjiân'á jia̍tsim. 23 Góa tī siâⁿlāi teh kiâⁿ ê sî ū khòaⁿ tio̍h lín só͘ kèngpài ê só͘chāi, tú tio̍h chi̍tchō tôaⁿ téngbīn siá, kóng, 'Hiàn hō͘ m̄ bat ê sîn.' Lín teh kèngpài Chitūi m̄ bat ê sîn, góa lâi pò lín chai. 24 Chitê chhòngchō útiū kah kîtiong bānbu̍t ê SiōngChú sī thiⁿtē ê Chú, bô tòa tī lâng ê chhiú só͘ chō ê biōsī, 25 mā bô khiàmēng lâng ê chhiú só͘ hiàn ê mi̍hkiāⁿ. Tiantò chiong oa̍hmiā, chhoánkhùi, kah bānbu̍t siúⁿsù hō͘ jînlūi. 26 I koh tùi chi̍tê lâng chhòngchō kok chióngcho̍k ê lâng, hō͘ in tòa tī choân sèkài, koh kā in tiāⁿ nîhān kah in só͘ tòa ê tē kài. 27 SiōngChú ánne chò sī beh hō͘ in chhōekiû I. Lâng nā ū sim beh chhōekiû, ittēng chhōe ē tio̍h, kîsi̍t SiōngChú lī lán ta̍klâng bô hn̄g. 28 Inūi lâng teh kóng, 'Lán óakhò I lâi sengoa̍h, hêngtōng kah chûnchāi', tú chhinchhiūⁿ lín tiongkan ê sijîn ū ánne kóng, 'Inūi lán mā sī I ê kiáⁿsun.' 29 Lán kìjiân sī SiōngChú ê kiáⁿsun, chiū bô engkai kā SiōngChú ê púnchit khòaⁿchò kah lâng ēng kim, gîn, chio̍h íki̍p lâng ê kanghu, simsu só͘ tiaukhek ê ngó͘siōng kāngkhoán. 30 Jînlūi iáu bûti ê sîtāi, SiōngChú bô beh itit tuikiù, taⁿ I bēnglēng ta̍k só͘chāi ê lâng lóng tio̍h hóekái. 31 Inūi I íkeng tiāⁿ tio̍h ji̍tchí, beh ēng I só͘ siatli̍p ê lâng, chiàu konggī lâi símphòaⁿ sèkanlâng. I hō͘ chi̍tê lâng tùi sílâng tiong kohoa̍h, ēng chitê chò pînkì, thang hō͘ sèkanlâng lâi sìn." 32 In chi̍tē thiaⁿ tio̍h sílâng kohoa̍h ê ōe, ūlâng kā i thíchhiò, mā ūlâng kóng, "Goán beh koh thiaⁿ lí kóng chitê tāichì." 33 Jiânāu Pólô chiū līkhui in chhutkhì. 34 M̄ koh ū chi̍tkóa lâng tòe Pólô khì, chiâⁿchò sìntô͘. Kîtiong ū Alio̍ksoaⁿ hōetiûⁿ ê gīoân Tiunîsiu, koh ū chi̍tê miâkiò Tāimálí ê hūjînlâng, iáukoh ū kîtha kúinālâng.