《巴克禮普世版聖經（試讀本）》

 | | | 轉寄

巴克禮普世版（試讀本） 使徒行傳第二十八章

作者 巴克禮普世版小組 2014.09.07

Tī Bílītāi
1 Goán chiūⁿhōaⁿ liáuāu chiah chaiiáⁿ hitê tósū miâkiò Bílītāi(Chù:hiānkim kiòchò Mánítha). 2 Tongtē ê goânchūbîn chin chhinchhiat khoánthāi goán, inūi lo̍hhō͘ koh kôaⁿ, in chiū khíhóe kā goán chiapthāi. 3 Pólô khioh chi̍tpé chhâ hiat lo̍hkhì hóeni̍h, inūi hóe jia̍t, ū to̍kchôa chông chhutlâi, tîⁿtiâu tī i ê chhiú. 4 Goânchūbîn khòaⁿ tio̍h hitbóe to̍kchôa tiâu tī i ê chhiú, chiū chòhóe kóng, "Chitê lâng ittēng sī hiongsiú, suijiân tùi háini̍h khioh tio̍h miā, thianlí bē iôngín i oa̍h." 5 Pólô kā to̍kchôa hiù lo̍hkhì hóeni̍h, i lóng bô siū siong. 6 Goânchūbîn lóng teh thènghāu i ê chhiú chéng khílâi, á sī hutjiânkan tò lo̍hkhì sí. In thènghāu chinkú, khòaⁿ tio̍h i lóng bô tāichì, chiū tiantò siūⁿkóng i sī sînbêng. 7 Háitó ê thâulâng Pō͘pekliû, lī hia bô jōahn̄g ê só͘chāi ū chi̍ttè chhânhn̂g. I hoangêng goán khì tòa hia saⁿji̍t kú, chin hólé kā goán khoánthāi. 8 Hit sî, Pō͘pekliû ê lāupē hoān tio̍h jia̍tpēⁿ kah chhiahlī, tótī bînchhn̂g. Pólô ji̍pkhì kā i hōaⁿchhiú kîtó, chiū ihó i ê pēⁿ. 9 Inūi ánne, tósū tiong phòapēⁿ ê lâng mā lâi hō͘ i ihó. 10 In sàng goán chinchē lémi̍h. Goán beh khui chûn ê sî, chiong goán suiàu ê mi̍h sàng kàu chûnni̍h hō͘ goán.

Tùi Bílītāi Khì Lômá
11 Saⁿ kògoe̍h āu, goán tah Ale̍ksantāi ê chûn chhuthoat, hitchiah chûn hōchò "Tiūsu ê Siangseⁿ'ákiáⁿ", sī tī chitê tósū kòe tangthiⁿ. 12 Goán tī Sūlahkó͘ chiūⁿhōaⁿ, tòa hia thêngliû saⁿ ji̍t. 13 Tùi hia se̍hkàu Līkîong. Kehtńgji̍t ū thàu lâmhong, tē jī ji̍t chiū kàu Pō͘tiulī;. 14 Tī hia goán tú tio̍h chi̍tkóa sìntô͘, in chhiáⁿ goán kah in chòhóe tòa chhit ji̍t. Āulâi goán chiū kàu Lômá. 15 Lômá ê sìntô͘ thiaⁿ tio̍h goán ê siausit, chiū tùi hia lâikàu Apío͘ chhī kah Samkoán ê só͘chāi kā goán gêngchiap. Pólô khòaⁿ tio̍h in chiū kámsiā SiōngChú, kohkhah chòngtáⁿ khílâi.

Pólô Tī Lômá
16 Goán kàu Lômá liáuāu, chún Pólô kah khànsiú i ê peng'á lēnggōa tòa. 17 Saⁿ ji̍t āu, Pólô chhiáⁿ Iûthàilâng ê thâulâng lâi sionghōe. In chūchi̍p liáuāu, Pólô chiū tùi in kóng, "Hiaⁿtī chímōe ah, góa suijiân m̄ bat hoān tio̍h tùiputkhí lán ê tôngpau á sī chó͘sian ê kuilē, m̄ koh tùi Iâlō͘satléng siū lia̍h hō͘ lâng sàngkau Lômá tongkio̍k. 18 In íkeng kā góa símphòaⁿ, khòaⁿ góa bô hoān tio̍h kaisí ê chōe, chiū siūⁿbeh pàng góa. 19 M̄ koh Iûthàilâng hoántùi, góa puttekí chiah tùi Lômá hôngtè siōngsò͘. Kîsi̍t góa bô ìsù beh khòngkò kakī ê tôngpau. 20 Inūi ánne góa chiah chhiáⁿ lín lâi kìⁿbīn, chòhóe thólūn. Góa sī ūi tio̍h Íseklia̍t só͘ ǹgbāng Hitūi chiah siū chitê thihliān'á khúnpa̍k." 21 In tùi Pólô kóng, "Goán m̄ bat tùi Iûthài chiap tio̍h phoe kóng kàu lí ê tāichì, mā bô símmi̍h hiaⁿtī kàu chia thongpò, á sī kóng lí ê pháiⁿōe. 22 M̄ koh goán ài thiaⁿ lí ê ìkiàn, inūi goán chai lín chit phài ê lâng ta̍k só͘chāi hō͘ lâng hoántùi." 23 In kah Pólô ioktēng ji̍tkî, ū chinchē lâng lâikàu i tòa ê chhù. Tùi chá kàu àm, Pólô ūi tio̍h SiōngChú ê Koktō͘ chò kiànchèng, íniōng Mô͘se ê lu̍thoat kah sianti ê chheh, khoànbián in lâi sìn Iâso͘. 24 I só͘ kóng ê ōe, ūlâng sìn, ūlâng m̄ sìn. 25 Nn̄g pêng tiongkan ìkiàn bē ha̍p chiū sìsòaⁿ. Pólô seng kóng chi̍tkù ōe, kóng, "SèngSîn thok sianti Ísàia ê chhùi, kā lín ê chó͘sian só͘ kóng ê ōe chin tio̍h! 26 I kóng, 'Khì kā chitê chúbîn kóng, Lín thiaⁿ koh thiaⁿ, mā lóng bē bêngpe̍k; Lín khòaⁿ koh khòaⁿ, mā lóng bē khòaⁿkìⁿ. 27 Inūi chitê chúbîn sim tūn, Hīkhang tāng, Ba̍kchiu pàng khehkheh; In nā ēng ba̍kchiu khòaⁿ tio̍h, Ēng hīⁿkhang thiaⁿ tio̍h, Ēng sim bêngpe̍k, Chiū ē hôesim choánì, Góa chiū kā in ihó."( chù: ISA 6:910) 28 Só͘í lín tio̍h chai, SiōngChú chit ê chínkiù ê sìnsit íkeng thoân hō͘ Gōapanglâng. In ē thiaⁿ koh ē chiapsiū. 29 (Ū ê pánpún ū 29 chat: Pólô kóng chiahê ōe liáuāu, hiahê Iûthàilâng gīlūn hunhun, chiū līkhui hia.) 30 Pólô tòa kakī sòe ê chhù nn̄gnî kú. Lâi hóngbūn ê lâng, i lóng kā in chiapthāi. 31 I hótáⁿ soaniông SiōngChú ê Koktō͘, koh chiong Chú Iâso͘ Kitok ê hokim kàsī lâng, lóng bô siū lâng chó͘tòng.