《巴克禮普世版聖經（試讀本）》

 | | | 轉寄

巴克禮普世版（試讀本） 羅馬書第二章

作者 巴克禮普世版小組 2014.09.21

SiōngChú Konggī ê Símphòaⁿ
1 Só͘í lí chitê ài phoephòaⁿ pa̍tlâng ê lâng, bôlūn lí sī símmi̍h lâng lóng bē tàng piānkái, inūi lí phoephòaⁿ pa̍tlâng chò ê tāichì, kakī mā ta̍khāng lóng teh chò, ánne lí phoephòaⁿ pa̍tlâng, chiūsī teh tēng kakī ê chōe. 2 Lán chai, chò chitkhoán tāichì ê lâng, SiōngChú ē kongchèng kā i símphòaⁿ. 3 Lín chiahê phoephòaⁿ pa̍tlâng kakī mā khì chòkāngkhoán tāichì ê lâng ah, lín siūⁿkóng lín ē tàng siámphiah SiōngChú ê símphòaⁿ sībô? 4 Á sī lí khòaⁿkhin SiōngChú ke̍ktōa ê jînchû, khoaniông kah jímnāi. Lí kám m̄ chai SiōngChú tùi lí jînchû, sī teh ínchhōa lí hóekái? 5 Lí ê sim kò͘chip m̄ hóekái, sī teh kethiⁿ SiōngChú ê siūkhì. Chitê siūkhì ē tī I konggī símphòaⁿ hit ji̍t hiánbêng. 6 SiōngChú beh chiàu ta̍klâng ê hêngûi kā in pòèng.( chù: SPh 66:12; ChG 24:12) 7 Hiahê kianchhî chò hósū, tuikiû êngkng, chunkùi kah bē pāihoāi ê sèⁿmiā ê lâng, SiōngChú ē sù in éngoán ê oa̍hmiā. 8 Hiahê chūsu, pōege̍k chinlí, tiantò khì sūnchiông putgī ê lâng, SiōngChú ē ēng siūkhì kah hênghoa̍t lâi kā in pòèng. 9 Só͘ū chò pháiⁿ ê lâng ē tú tio̍h hoānlān kah khùnkhó͘, Iûthàilâng seng tú tio̍h, āulâi chiah sòa kàu Hilia̍plâng. 10 M̄ koh só͘ū chò hósū ê lâng ē tit tio̍h êngkng, chunkùi kah pêngan, Iûthàilâng seng tit tio̍h, āulâi chiah sòa kàu Hilia̍plâng. 11 Inūi SiōngChú tùi lâng bô phiansim. 12 Gōapanglâng bô siū Mô͘se ê lu̍thoat koánhat, in nā hoānchōe mā ē siū lu̍thoat ígōa ê símphòaⁿ lâi bia̍tbông. Nāsī siū Mô͘se ê lu̍thoat koánhat ê lâng, in nā hoānchōe ē chiàu lu̍thoat siū símphòaⁿ. 13 Inūi kantaⁿ thiaⁿ lu̍thoat ê lâng, tī SiōngChú ê bīnchêng m̄ sī gīlâng. Chí ū si̍thêng Lu̍thoat ê lâng chiah ē hō͘ SiōngChú jīntēng chò gīlâng. 14 Bô Lu̍thoat ê Gōapanglâng nā chiàu púnsèng si̍thêng Lu̍thoat ê kuitēng, in suijiân bô Mô͘se ê lu̍thoat, in púnsin chiūsī kakī ê lu̍thoat. 15 In ê hêngûi sī teh piáusī Lu̍thoat ê iaukiû ū khek tī in simlāi. In ê liôngsim mā ē chèngsi̍t, inūi in ê lāisim sîsî teh kakī chekpī, ūsî kakī piānhō͘. 16 Só͘í tī símphòaⁿ hit ji̍t, chiàu góa só͘ thoân ê hokim, SiōngChú ē thongkòe Kitok Iâso͘ lâi símphòaⁿ lâng simlāi únba̍t ê tāichì.

Iûthàilâng kah Lu̍thoat
17 Ánne lí leh, lí kakī chūchheng Iûthàilâng, óakhò lu̍thoat, koh khoakháu lín ê SiōngChú. 18 Lí ū ha̍ksi̍p lu̍thoat, chaiiáⁿ SiōngChú ê chíì, ē hiáu hunpia̍t sīhui. 19 Lí chhimsìn kakī sī sitbêng ê lâng ê chhōalō͘, o͘àm tiong ê lâng ê kng, 20 gōnglâng ê chítōchiá, siàuliânlâng ê lāusu. Lí siūⁿkóng kìjiân ū lu̍thoat, tùi tìsek kah chinlí chiū ū páak. 21 Lí kàsī pa̍tlâng, sī ánchóaⁿ bô kàsī kakī? Lí kà lâng m̄ thang thauthe̍h, kakī ū thauthe̍h bô? 22 Lí kóng m̄ thang hoān kanîm, kakī ū hoān tio̍h bô? Lí iàmò͘ ngó͘siōng, kakī ū khì thauthe̍h biōsī ê mi̍h bô? 23 Lí khoakháu kóng ū lu̍thoat, kakī ū ûipōe lu̍thoat lâi bújio̍k SiōngChú á bô? 24 Sèngkeng ū kìchāi: "Inūi lín ê iânkò͘, SiōngChú ê miâ tī Gōapanglâng ê tiongkan siū siatto̍k."( chù: ISA 52:5 LXX) 25 Lí nā chunsiú lu̍thoat, katlé chiū ū kèta̍t. Lí nā hoānhoat, katlé chiū kah bô katlé kāngkhoán. 26 Bô siū katlé ê lâng nā chunsiú lu̍thoat ê kuitēng, kám bē tàng sǹgchò ū siū katlé? 27 Jio̍kthé bô siū katlé m̄ koh ū chunsiú lu̍thoat ê lâng ē kā lí tēngchōe, inūi lí ū lu̍thoat ê tiâubûn koh ū siū katlé tiantó bô chunsiú lu̍thoat. 28 Kîsi̍t gōapiáu sī Iûthàilâng, pēng m̄ sī chinchiàⁿ ê Iûthàilâng. Jio̍kthé siū katlé ê lâng mā m̄ sī chinchiàⁿ ê katlé. 29 Lāichāi ê Iûthàilâng chiah sī chinchiàⁿ ê, lāisim chiapsiū katlé ê lâng chiah sī chinchiàⁿ ê katlé, m̄ sī khò lu̍thoat ê tiâubûn ê katlé. Chitkhoán lâng siū oló m̄ sī tùi lâng, sī tùi SiōngChú.