《巴克禮普世版聖經（試讀本）》

 | | | 轉寄

巴克禮普世版（試讀本） 羅馬書第六章

作者 巴克禮普世版小組 2014.10.19

Khìchoa̍t Chōe, Ūi SiōngChú Lâi Oa̍h
1 Ánne, lán beh ánchóaⁿ kóng? Lán kám thang kèsio̍k tī chōeok tiong sengoa̍h lâi hō͘ untián kohkhah kethiⁿ? 2 Choa̍ttùi m̄ thang! Lán íkeng kah chōeok toānchoa̍t koanhē, kám thang kèsio̍k tī chōeok tiong sengoa̍h? 3 Lín kám m̄ chai, lán lóng siū sélé lâi kah Kitok Iâso͘ kiatha̍p, chiūsī siū sélé lâi kah I chòhóe sí. 4 Kìjiân lán thongkòe sélé kah Kitok tângchê sí, tângchê siū bâichòng, ná chhinchhiūⁿ Kitok thongkòe Thiⁿpē êngkng ê koânlêng tùi sí kohoa̍h, lán mā thang kòe sin ê sengoa̍h. 5 Lán kìjiân kah Kitok chiâⁿchò chi̍tthé lâi thégiām sí, lán ittēng mā ē kah I kiatha̍p lâi kohoa̍h. 6 Lán chai, lán kū ê chūngó͘ kah Kitok chòhóe tèng si̍pjīkè, sī beh hō͘ lán chāilâi siū chōe sokpa̍k hitê lâng húibia̍t, hō͘ lán bô koh chò chōe ê lô͘lē. 7 Inūi lâng ittàn síkhì, chiū tùi chōe tit tio̍h tháupàng. 8 Lán kìjiân kah Kitok chòhóe sí, lán siongsìn lán mā ē kah I chòhóe kohoa̍h. 9 Lán chai Kitok íkeng tùi sí kohoa̍h, I bē koh sí. Sí bô koh kā I koánhat. 10 Inūi Kitok sí chi̍tpái chiū kah chōe oânchoân toānchoa̍t koanhē. I chitmá oa̍hteh, sī ūi tio̍h SiōngChú teh oa̍h. 11 Ánne, lín mā tio̍h khòaⁿ kakī íkeng kah chōe toānchoa̍t koanhē, chitmá kah Kitok Iâso͘ kiatliân, ūi tio̍h SiōngChú teh oa̍h. 12 Só͘í, m̄ thang koh chiong ē sí ê sengkhu kau hō͘ chōe chiphòe, khì sūnho̍k jio̍kthé ê io̍kbōng. 13 Mā m̄ thang chiong sengkhu ê kithé kau hō͘ chōe khì chò putgī ê kangkhū, tiantó tio̍h chò chi̍tê tùi sí kohoa̍h ê lâng, chiong sengkhu hiàn hō͘ SiōngChú, chiong sengkhu ê kok kithé hiàn hō͘ SiōngChú chò gī ê kangkhū. 14 M̄ thang hō͘ chōe kā lín chiphòe, inūi lín m̄ sī oa̍h tī lu̍thoat ē bīn, sī oa̍h tī untián ē bīn.

Konggī ê Lô͘lē
15 Ánne lán kìjiân m̄ sī oa̍h tī lu̍thoat ē bīn, sī tī untián ē bīn, chiū thang hoānchōe sībô? Choa̍ttùi m̄ thang! 16 Lín kám m̄ chai, lín nā chiong kakī kau hō͘ bó͘chi̍tlâng chò lô͘lē lâi sūnho̍k i, lín chiūsī hit lâng ê lô͘lē? Ánne kóng khílâi, lín sī chò chōe ê lô͘lē kiâⁿji̍p síbông, á sī chò SiōngChú ê lô͘lē lâi sūnho̍k I, kiatkó ū hôha̍p ê koanhē? 17 Kámsiā SiōngChú, lín suijiân bat chò chōe ê lô͘lē, chitmá lín íkeng choânsim sūnho̍k hitê thoânsiū hō͘ lín chò kuihoān ê kàsī. 18 Lín íkeng tùi chōe tit tio̍h tháupàng lâi chiâⁿchò gī ê lô͘lē. 19 Khióngkiaⁿ lín bē liáukái, góa ēng itpoaⁿlâng ē tàng liáukái ê ōe kā lín soatbêng. Taⁿ, chhinchhiūⁿ lín íchêng chiong sengkhu oânchoân kau hō͘ ùòe kah puthoat chò lô͘lē, tìsú puthoat ê tāichì júlâijú kethiⁿ. Chitmá lín tio̍h chiong sengkhu oânchoân hiàn hō͘ gī chò sèngkiat ê lō͘ēng. 20 Lín chò chōeok ê lô͘lē ê sîchūn, lín bô siū gī ê sokpa̍k. 21 Hit sî, lín chò chitmá khòaⁿchò kiànsiàu ê tāichì, kiatkó ánchóaⁿ? Kiatkio̍k sī sí. 22 Taⁿ lín íkeng tùi chōe tit tio̍h tháupàng, chiâⁿchò SiōngChú ê lô͘lē, kiatkó sī chiâⁿchò sèngkiat, kiatkio̍k sī éngoán ê oa̍hmiā. 23 Inūi chōe ê tāikè sī sí, m̄ koh SiōngChú thongkòe Chú Kitok Iâso͘ pe̍hpe̍h sù hō͘ lán ê untián sī éngoán ê oa̍hmiā.