《巴克禮普世版聖經（試讀本）》

 | | | 轉寄

巴克禮普世版（試讀本） 羅馬書第十章

作者 巴克禮普世版小組 2014.11.16

1 Hiaⁿtī chímōe ah, góa ê sim pekchhiat teh ǹgbāng, koh putsî tùi SiōngChú teh kîkiû ê, chiūsī góa ê tôngpau Íseklia̍tlâng ê titkiù. 2 Góa ē tàng póchèng, in tùi SiōngChú khaksi̍t sī chin jia̍tsim, m̄ koh in ê jia̍tsim m̄ sī kinkì chèngkhak ê liáukái. 3 Inūi in bô bêngpe̍k SiōngChú ê gī, ài chiàu kakī ê ìsù khì kiànli̍p kah SiōngChú ê hôha̍p koanhē, soah bô sūnchiàu SiōngChú hō͘ lâng chiâⁿchò gīlâng ê honghoat. 4 Kîsi̍t Kitok púnsin chiūsī lu̍thoat ê bo̍kpiau, inūi I hō͘ só͘ū sìn ê lâng ē tàng kah SiōngChú ū hôha̍p ê koanhē.

Choân Jînlūi ê Chínkiù
5 Koanhē tùi lu̍thoat tit tio̍h ê gī, Mô͘se ū ánne siá kóng, "Chunsiú lu̍thoat ê lâng khò lu̍thoat lâi oa̍h."( chù: LBK 18:5) 6 M̄ koh koanhē "insìnchhenggī", Sèngkeng ū ánne kóng,“Lí m̄ thang simlāi siūⁿkóng, 'Siáⁿlâng beh peh chiūⁿthiⁿ?’( chù: SBK 9:4; 30:12)(Ìsù chiūsī, behkhì chhōa Kitok lo̍hlâi). 7 Mā m̄ thang siūⁿkóng, ’Siáⁿlâng ē lo̍hkhì imhú?’( chù: SBK 30:13) (Ìsù chiūsī, ē khì chhōa Kitok tùi sílâng tiong khílâi). 8 Chiahê ōe tàuté sī símmi̍h ìsù? Ìsù chiūsī“SiōngChú ê ōe tī lí ê sinpiⁿ, tī lí ê chhùini̍h, tī lí ê simlāi.” Che chiūsī goán só͘ thoân sìn ê tōlí. 9 Lí nā ēng chhùi kòpe̍k Iâso͘ sī Chú, simlāi mā siongsìn SiōngChú hō͘ I tùi sílâng tiong kohoa̍h, chiū ē tit tio̍h chínkiù. 10 Inūi lâng nā sim sìn chiū tit tio̍h chhenggī, koh ēng chhùi kongkhai piáubêng, chiū ē tit tio̍h chínkiù. 11 Sèngkeng ū ánne kóng,“Sìn I ê lâng lóng bē tú tio̍h sitbōng."( chù: ISA 28:16) 12 Iûthàilâng kah Gōapanglâng lóng bô chhapia̍t, inūi ū kāng chi̍tê Chú sī bānbîn ê SiōngChú. I ē tōatōa sùhok hō͘ só͘ū kiûkiò I ê lâng. 13 Inūi Sèngkeng ū kìchài kóng, "Só͘ū kiûkiò Chú ê miâ ê lâng lóng ē tit tio̍h chínkiù.”( chù: INi 2:32) 14 M̄ koh in nā iáubōe sìn, náē kiûkiò I? Nā bô thiaⁿ tio̍h, náē sìn I? Nā bôlâng thoân, in náē thiaⁿ tio̍h? 15 Nā bô siū chhephài, in náē khì thoân? Chiàu Sèngkeng kìchài:“Thoânpò hokim ê lâng, in ê khajiah sī jōani̍h'á súi!”( chù: ISA 52:7; NHS 1:15) 16 M̄ koh m̄ sī só͘ū ê lâng lóng sūnho̍k chitê hokim, Ísàia kóng,“Chú ah, símmi̍h lâng ū siongsìn goán só͘ thoân ê sìnsit ah?”( chù: ISA 53:1) 17 Ánne, sìn sī tùi thiaⁿ sìnsit khaisí, thiaⁿ sī chí thiaⁿ Kitok ê ōe. 18 M̄ koh góa beh mn̄g, in kám chinchiàⁿ lóng m̄ bat thiaⁿ tio̍h? Tongjiân bat, inūi Sèngkeng ánne kìchài:“In ê siaⁿim thoân kàu choân sèkài, in ê ōe thoân kàu thiⁿpiⁿ háikak.( chù: SPh 19:4) 19 Góa beh koh mn̄g, Íseklia̍tlâng kám chinchiàⁿ m̄ chai? Mô͘se cháchêng to̍h ū kóngkòe, "Góa beh ēng m̄ sī Góa ê chúbîn ê lâng, lâi kekkhí lín ê chi̍ttò͘, ēng m̄ bat Góa ê Gōapanglâng, lâi kekkhí lín ê siūkhì.”( chù: SBK 32:21) 20 Āulâi Ísàia mā hótáⁿ thè SiōngChú kóng,“Bô chhōe Góa.ê, Góa hō͘ in chhōe tio̍h; bô tuikiû Góa.ê, Góa tùi in hiánhiān.”( chù) ISA 65:1 21 M̄ koh kóngkàu Íseklia̍tlâng, Ísàia kóng,“Góa kuiji̍t chhunchhiú teh thènghāu m̄ sūnho̍k koh pōege̍k ê chúbîn.”( chù: ISA 65:2)