《巴克禮普世版聖經（試讀本）》

 | | | 轉寄

巴克禮普世版（試讀本） 羅馬書第十二章

作者 巴克禮普世版小組 2014.11.30

Ho̍ksāi SiōngChú ê Sengoa̍h
1 Hiaⁿtī chímōe ah, só͘í góa óakhò SiōngChú ê liânbín khǹg lín hiàn kakī ê sengkhu chò chè, sī oa̍h ê, sînsèng ê, SiōngChú só͘ hoaⁿhí.ê. Che sī lín sêngsim sêngì ê ho̍ksāi. 2 M̄ thang koh hō͘ sèsio̍k tônghòa, tio̍h hō͘ SiōngChú kā lín káichō, simchì tit tio̍h kengsin, hō͘ lín thang bêngpe̍k símmi̍h sī SiōngChú ê chíì, símmi̍h sī liôngsiān, sûnchoân, SiōngChú só͘ hoaⁿhí.ê. 3 Khò SiōngChú ê unsù, góa ē tàng tùi lín ta̍klâng annē kóng, "M̄ thang kā kakī kó͘kè siuⁿ koân, tio̍h chiàu SiōngChú siúⁿsù hō͘ lín ê sìnsim thêngtō͘ lâi sīntiōng kó͘kè kakī. 4 Chhinchhiūⁿ chi̍tê sengkhu ū chinchē kithé, m̄ koh múi chi̍tê kithé ū bô kāngkhoán ê konglêng. 5 Suijiân lán ū chinchē lâng, lán kah Kitok kiatliân chiâⁿchò chi̍tthé, ta̍kê lâng chiūsī múi chi̍tê kithé. 6 Chiàu SiōngChú sù hō͘ lán ê untián, lán ta̍klâng lóng ū bô kāngkhoán ê unsù. Nāsī lí ū soankáng sìnsit ê unsù, tio̍h chiàu lí sìn ê thêngtō͘ lâi soankáng SiōngChú ê sìnsit. 7 Ho̍ksāi ê lâng tio̍h choansim lâi ho̍ksāi, kàutō ê lâng tio̍h choansim lâi kàsī lâng. 8 Khoànbián ê lâng tio̍h choansim khoànbián, chínchè ê lâng tio̍h khóngkhài, chò chúkoán ê lâng tio̍h jia̍tsim, chò chûsiān ê lâng tio̍h kamsim lo̍kì. 9 Thiàⁿ lâng tio̍h sêngsim sêngì, tio̍h thóià siâok, chhinkīn liôngsiān. 10 Tio̍h siothiàⁿ chhinchhiūⁿ chhin hiaⁿtī, tio̍h hō͘siōng chunkèng. 11 Tio̍h inkhîn m̄ thang pîntōaⁿ, tio̍h jia̍tsim ho̍ksāi Chú. 12 Tio̍h khǹg ǹgbāng lâi hoaⁿhí, tio̍h jímsiū hoānlān, tio̍h siôngsiông kîtó. 13 Tio̍h pangchō͘ lín tiongkan sànchhiah ê sìntô͘, tio̍h hókhoánthāi chhutgōalâng. 14 Tio̍h chiokhok pekhāi lín ê lâng, tio̍h kā in chiokhok, m̄ thang kā in chiùchó͘. 15 Tio̍h kah hoaⁿhí ê lâng chòhóe hoaⁿhí, kah pisiong ê lâng chòhóe pisiong. 16 Tio̍h tângsim ha̍pì, m̄ thang kiaungō͘, tio̍h kah pibî ê lâng kaupôe chò pêngiú, m̄ thang lia̍h kakī pí pa̍tlâng khah chhongbêng. 17 M̄ thang ēng pháiⁿ pò pháiⁿ, tio̍h chò chènglâng khòaⁿchò hó ê tāichì. 18 Tio̍h chīn lí só͘ē, ló͘le̍k kah ta̍klâng hôbo̍k chòhóe. 19 Chhinài ê hiaⁿtī chímōe, m̄ thang ūi tio̍h kakī pòoansiû, tio̍h hō͘ SiōngChú khì siūkhì thè lí sinoan, inūi Sèngkeng ū kìchài, "Chú kóng, sinoan chāitī Góa, Góa ē pòèng.”( chù: SBK 32:35) 20 M̄ koh Sèngkeng mā ū ánne kóng, "Lí ê tùite̍k nā iau, tio̍h hō͘ i chia̍h, chhùita, tio̍h hō͘ i lim, inūi ánne chò sī chiong jia̍tjia̍t ê hóethòaⁿ thia̍p tī i ê thâukhak téng, hō͘ i kiànsiàu kah tòng bē tiâu.”( chù: ChG 25:2122) 21 M̄ thang hō͘ pháiⁿ iâⁿkòe lín, tio̍h ēng hó lâi iâⁿkòe pháiⁿ.