《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第十一章

作者 巴克禮普世版小組 2011.06.12

1, Iâso͘ hoanhù I cha̍pjī ê bûntô͘ bêngpe̍k, chiū līkhui hia, boeh tī in hiahê siâⁿ kàsī lâng kap thoântō.
2, Iokhān tī kaⁿni̍h thiaⁿ tio̍h Kitok só͘ kiâⁿ ê sū; chiū chhe bûntô͘ mn̄g I kóng,
3, Só͘ boeh lâi ê, sī lí mah? á sī goán tio̍h ǹgbāng pa̍t lâng ah?
4, Iâso͘ ìn kóng, Lín tio̍h khì, chiong lín só͘ thiaⁿ tio̍h só͘ khòaⁿ tio̍h ê, kā Iokhān kóng;
5, chiūsī chhiⁿmî ê khòaⁿ tio̍h, páikha ê kiâⁿ, tháiko ê chhengkhì, chhàuhīlâng ê thiaⁿ tio̍h, sí ê lâng kohoa̍h, sànchhiah lâng tit tio̍h thiaⁿ hokim.
6, Kìⁿnā bô tī góa lâi kha that tio̍h ê, ū hokkhì.
7, In khì ê sî, Iâso͘ chiah thêkhí Iokhān, kā chèng lâng kóng, Lín chêng chhutkhì khòngiá, boeh khòaⁿ símmi̍h? Sī lô͘tek hō͘ hong chhe tíntāng mah?
8, Lín chhutkhì ài khòaⁿ símmi̍h? Sī lâng chhēng iùnńg ê ichiûⁿ mah? Lí khòaⁿ, chhēng iùnńg ê sī tī ôngkiong.
9, Tānsī ánne lín chhutkhì boeh siáⁿsū? Sī boeh khòaⁿ sianti mah? Sī à. Góa kā lín kóng, i sī iáu khah iâⁿkoe3sianti.
10, Chitê lâng chiūsī kengni̍h só͘ chí ê, kóng, Góa chhe góa ê sùchiá tī lí ê bīnchêng; I boeh tī lí ê thâuchêng chúnpī lí ê lō͘.
11, Góa si̍tchāi kā lín kóng, Hūjînlâng só͘ seⁿ ê, chiôngtiong bē ū hengkhí khah tōa tī siséchiá Iokhān; tānsī tī Thiankok ê bîsòe ê, iáu khah tōa i.
12, Tùi kiâⁿ sélé Iokhān ê sîji̍t kàu taⁿ, Thiankok hō͘ lâng kiôngkiông chhú, kiông ê lâng ēng la̍t chhú i.
13, Inūi chèng sianti kap lu̍thoat ū ūgiân kàu Iokhān ê sî.
14, Lín nā kamgoān sêngsiū, chitê lâng chiūsī tehboeh lâi ê Ílīa.
15, Ū hīⁿkhang thang thiaⁿ ê, tio̍h thiaⁿ.
16, Chit sètāi góa boeh ēng símmi̍h lâi píphēng i? Sī chhinchhiūⁿ gínná chē tī koechhīni̍h, lâi kiò in ê tângphōaⁿ kóng,
17, Goán tùi lín pûn ta̍t'á, lín bô thiàubú; goán bat piai, lín bô tûi heng.
18, Inūi Iokhān lâi, bô chia̍h bô lim; lâng chiū kóng, I hoān tio̍h kúi.
19, Jînchú lâi iā chia̍h iā lim; lâng chiū kóng, I sī thamchia̍h hò͘ⁿchiú ê lâng, thiusòe kap pháiⁿ lâng ê pêngiú. Tānsī Tìhūi tùi i ê só͘ kiâⁿ hiánbêng i sī tio̍h.
20, Iâso͘ bat tī hiahê siâⁿ kiâⁿ chē chē koânlêng, inūi in lóng bô hóekái, hit sî chiah chekpī in kóng,
21, Kolia̍psìn ah, lí ū chaiē! Peksàitāi ah, lí ū chaiē! inūi tī lín tiongkan só͘ kiâⁿ chiahê koânlêng, nā ū kiâⁿ tī Chhuilô kap Setùn, in chiū cháchá chhēng môa saⁿ sám hóehu lâi hóekái.
22, Tānsī góa kā lín kóng, tng símphòaⁿ ê ji̍t, Chhuilô kap Setùn pí lín iáu khah khoài tamtng.
23, Kapeklông ah, lí kiám ē tit tio̍h kúkhí kàu thiⁿ mah? lí boeh tūilo̍h imhú; inūi tī lí ê tiongkan só͘ kiâⁿ chiahê koânlêng, nā ū kiâⁿ tī Só͘tomá, chiū kàu kin'áji̍t i iáu tīteh.
24, Tānsī góa kā lín kóng, tng símphòaⁿ ê ji̍t, Só͘tomá ê tē hng pí lí khah khoài tamtng.
25, Hit tongsî Iâso͘ ìn kóng, Pē ah, thiⁿtē ê Chú, góa oló lí, inūi lí chiong chiahê sū, tùi tìhūi chhangmiâ ê ū únba̍t i, tùi sòekiáⁿ ū hiánbêng i;
26, Pē ah, sī à; inūi lí khòaⁿ ánne chò hoaⁿhí.
27, Bānhāngū tùi góa ê Pē kauhù góa, Pē ígōa bô chi̍tê bat Kiáⁿ; Kiáⁿ kap Kiáⁿ só͘ ài boeh chísī ê ígōa, bô chi̍tê bat Pē.
28, Lín kìⁿnā lôkhó͘ taⁿ tāngtàⁿ ê, tio̍h chiūkūn góa; góa boeh hō͘ lín anhioh.
29, Góa simlāi unjiû khiamsùn; lín pē góa ê taⁿ, lâi tùi góa o̍h, lín ê simsîn chiū ē tit tio̍h anhioh. 30 Inūi góa ê taⁿ sī khoài, góa ê tàⁿ sī khin.