《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第十二章

作者 巴克禮普世版小組 2011.06.19

1, Hit tongsî, Iâso͘ tī anhiohji̍t tùi be̍hhn̂g kengkè; I ê bûntô͘ iau, chiū tiah be̍hsūi lâi chia̍h.
2, Tānsī Hoatlīsàiphài ê lâng khòaⁿ tio̍h chiū kā I kóng, Lí khòaⁿ, lí ê bûntô͘ kiâⁿ anhiohji̍t só͘ m̄ engkai kiâⁿ ê sū.
3, Iâso͘ chiū kā in kóng, Tāipi̍t kap kuntè ê lâng iau ê sî só͘ kiâⁿ ê, lín bô tha̍k tio̍h mah?
4, Chiūsī i ji̍p Siōngchú ê chhù, chia̍h pâilia̍t ê piáⁿ; che m̄ sī i kap kuntè ê lâng só͘ thang chia̍h ê, chíū chèsi thang nātiāⁿ.
5, Á sī lín iā m̄ bat tha̍k lu̍thoat só͘ kìchài, tng anhiohji̍t chèsi tī tiānni̍h hoān tio̍h anhioh iā sī bô chōe mah?
6, Chíū góa kā lín kóng, tī chia ū pí tiān khah tōa ê.
7, Tānsī lín nā chai, Góa ài lînbín, bô ài chèsū, chit kù ê ìgī, chiū bô chekchōe bô chōe ê lâng.
8, Inūi Jînchú sī anhiohji̍t ê chú.
9, Iâso͘ līkhui hia, ji̍p in ê hōetn̂g; tútn̄g ū lâng chi̍t chhiú ko͘tâ.
10, Lâng mn̄g I kóng, Anhiohji̍t hêng i, thang mah? ìsù ài boeh kò I.
11, I chiū kā in kóng, Lín tiongkan símmi̍h lâng ū chi̍t chiah iûⁿ, nā tī anhiohji̍t poa̍hlo̍h khiⁿ, bô kā i lia̍hkhílâi mah?
12, Hôhòng lâng pí iûⁿ ke jōa kùikhì ah! Só͘í anhiohji̍t kiâⁿ hósū sī thang.
13, Chiū kā hit lâng kóng, Chhun lí ê chhiú. I chiū chhun, sûisî hóhó, chhinchhiūⁿ pa̍t ki chhiú.
14, Hoatlīsàiphài ê lâng chhutkhì, saⁿkap kèbô͘ kongkek Iâso͘, khòaⁿ thang cháiⁿiūⁿ bia̍t I.
15, Iâso͘ chai, chiū thèkhì, līkhui hia; ū chē chē lâng tè I, chiū lóng kā in i;
16, ia̍h kéngkài in bo̍htit chiong I pòiông;
17, sī boeh ènggiām thok sianti Ísàia só͘ kóng ê, kóng,
18, Lí khòaⁿ, góa ê lô͘po̍k, góa só͘ kéng ê, Góa só͘ thiàⁿ ê, góa ê sim só͘ hoaⁿhí ê; Góa boeh chiong góa ê Sîn hùhō͘ I. I boeh ēng phòaⁿtoàn thongti gōapang.
19, I bô boeh saⁿchiⁿ, bô boeh soanjióng; Tī koechhī bô lâng thiaⁿ tio̍h I ê siaⁿ.
20, Siūsiong ê lô͘tek, I bô boeh atchi̍h, Beh hoa ê hóechheⁿ, I bô phahsit, Kàu hō͘ konggī ē teksèng.
21, Gōapang iā boeh khò I ê miâ lâi ǹgbāng.
22, Hit sî ū chhōa chi̍t ê hoān tio̍h kúi, chhiⁿmî kòa ékáu ê lâi chiūkūn I. I chiū ihó i, hō͘ ékáu ê kóng ōe, sòa ē khòaⁿ tio̍h.
23, Chèng lâng lóng gôngngia̍h, kóng, chitê chóngbô sī Tāipi̍t ê kiáⁿsun o͘h?
24, Tānsī Hoatlīsàiphài ê lâng thiaⁿ tio̍h chiū kóng, Chitê lâng kóaⁿ kúi bô m̄ sī khò kúiông Pia̍tsepok.
25, Iâso͘ chai in ê ìsù, chiū kā in kóng, Kìⁿnā kok kakī chengpiàⁿ, ē tìkàu phahng; kìⁿnā siâⁿ á sī ke kakī chengpiàⁿ, tekkhak khiā bē tiâu.
26, Nā Sattàn kóaⁿ Sattàn, sī kakī chengpiàⁿ, i ê kok thàithó khiā ē tiâu?
27, Siatsú góa khò Pia̍tsepok kóaⁿ kúi, lín ê chútē kóaⁿ kúi chiū óakhò siáⁿlâng ah? Ánne in boeh gítoàn lín.
28, Chíū góa nā khò Siōngchú ê Sîn kóaⁿ kúi, chiū Siōngchú ê kok íkeng kàu lín à.
29, Lâng cháiⁿiūⁿ ē ji̍p béng lâng ê chhù, kiap i ê kehé? kiám m̄ tio̍h tāiseng pa̍k béng lâng, jiânāu kiap i ê chhù mah?
30, Bô tâng góa ê, chiūsī tùite̍k góa; bô kap góa siukhioh ê, chiūsī teh phahsòaⁿ.
31, Só͘í góa kā lín kóng, Kìⁿnā chōeok pòngto̍k, lóng boeh siàbián i; chíū pòngto̍k Sèng Lêng ê, bô boeh siàbián i.
32, Kìⁿnā kóng ē kongkek Jînchú ê, boeh siàbián i; chíū kìⁿnā kóng ē kongkek Sèng Lêng ê, putlūn kimsè lâisè, bô boeh siàbián i.
33, Lín tio̍h lia̍h hit ê chhiū chò hó, i ê kóechí iā chò hó; he̍ksī lia̍h hit ê chhiū chò pháiⁿ, i ê kóechí iā chò pháiⁿ; inūi tùi kóechí lâi bat chhiū.
34, To̍kchôa ê lūi ah, lín íkeng sī pháiⁿ, thài ē kóng hó ōe? inūi sī tùi sim só͘ chhiongmóa ê, chhùi chiū kóng chhut.
35, Hó lâng tùi só͘ chekchū ê hó, lâi hoatchhut chiahê hó; pháiⁿ lâng tùi só͘ chekchū ê pháiⁿ, lâi hoatchhut chiahê pháiⁿ.
36, Góa kā lín kóng, kìⁿnā lâng só͘ kóng ê êng'áōe, in tī símphòaⁿ ê ji̍t, ta̍k kù tio̍h sò͘bêng.
37, Inūi tùi lí ê ē boeh chheng lí chò gī; iā tùi lí ê ē boeh gí lí ū chōe.
38, Hit sî ū kengha̍kkàusu kap Hoatlīsài kúinā lâng ìn I kóng, Siansiⁿ ah, goán ài tùi lí khòaⁿ chi̍t ê sînjiah.
39, Tānsī I ìn kóng, Okto̍k kanîm ê sètāi kiû sînjiah; tû sianti Iokná ê sînjiah ígōa, bô boeh sînjiah hō͘ in;
40, inūi chhinchhiūⁿ Iokná saⁿ ji̍t saⁿ mî tī tōa hî ê paktó͘ lāi, Jînchú iā boeh ánne saⁿ ji̍t saⁿ mî tī tē lāi.
41, Nînîbî lâng tng símphòaⁿ ê sî, boeh kap chit sètāi ê lâng saⁿkap khílâi, sòa gí in ê chōe; inūi in tùi Iokná só͘ thoân lâi hóekái; hôhòng tī chia ū pí Iokná khah tōa ê.
42, Lâmhng ê lúông, tng símphòaⁿ ê sî boeh kap chit sètāi ê lâng saⁿkap khílâi, sòa gí in ê chōe; inūi i tùi tē ê ke̍kthâu lâi, boeh thiaⁿ Só͘lôbûn tìsek ê ōe, hôhòng tī chia ū pí Só͘lôbûn khah tōa ê.
43, Siâsîn íkeng līkhui lâng, kengkoe3bo5 chúi ê tē, kiû anhioh iā bô tit tio̍h.
44, Chiū kóng, Góa boeh tńgkhì só͘ chhutlâi ê chhù; kàu tè, chiū khòaⁿ tio̍h khangkhang, piàⁿsàu, siuchéng;
45, chiū khì, koh tòa chhit ê sîn, pí kakī khah pháiⁿ ê, ji̍pkhì khiākhí; hit lâng lō͘bé ê kénghóng, pí khíthâu ê khah chhám. Chitê pháiⁿ ê sètāi iā boeh chhinchhiūⁿ ánne.
46, I iáu tùi chèng lâng kóng ē ê sî, tútn̄g I ê lāubú kap I ê hiaⁿtī khiā tī gōabīn, ài boeh kap I kóng ōe.
47, Ū lâng kā I kóng, Lí khòaⁿ, lí ê lāubú kap lí ê hiaⁿtī khiā tī gōabīn, ài boeh kap lí kóng ōe.
48, Chiū ìn hit ê kā I kóng ê kóng, Símmi̍h lâng sī góa ê lāubú? símmi̍h lâng sī góa ê hiaⁿtī ah?
49, Chiū chhun chhiú kí I ê bûntô͘ kóng, Lí khòaⁿ, góa ê lāubú kap góa ê hiaⁿtī.
50, Inūi kìⁿnā kiâⁿ góa tī thiⁿténg ê Pē ê chíì ê, chiūsī góa ê hiaⁿtī, chíbē, kap lāubú.