《巴克禮普世版聖經（試讀本）》

 | | | 轉寄

巴克禮普世版（試讀本） 哥林多前書第二章

作者 巴克禮普世版小組 2015.01.11

Kitok Hông Tèng Si̍pjīkè ê Sìnsit
1 Hiaⁿtī chímōe ah, góa chêng khì lín hia, pēng bô ēng súi ê gísû á sī tìhūi, tùi lín thoân SiōngChú ê òbiāu. 2 Inūi góa koattēng tī lín tiongkan, tûliáu Iâso͘ Kitok kah I hông tèng si̍pjīkè ígōa, bô beh thêkhí kîtha ê tāichì. 3 Góa kah lín chòhóe ê sî chin loánjio̍k, iūkoh kiaⁿ kah phi̍hphi̍hchhoah. 4 Góa só͘ kóng ê ōe kah só͘ thoân ê sìnsit, lóng bô ēng kháubiāu tìhūi ê giânsû, sī khò SèngSîn ê koânlêng lâi chèngsi̍t. 5 Góa ánne chò sī beh hō͘ lín bô khò lâng ê tìhūi lâi kiànli̍p sìngióng, sī khò SiōngChú ê koânlêng.

SiōngChú ê Tìhūi
6 M̄ koh goán tùi hiahê lêngsèng sêngsio̍k ê lâng mā ū kóng tìhūi, m̄ koh m̄ sī chit sèkan ê tìhūi, mā m̄ sī chit sèkan chùtiāⁿ ē sitsè ê chiángkoânchiá ê tìhūi. 7 Goán só͘ kóng ê sī SiōngChú òbiāu ê tìhūi, sī tùi lâng únba̍t ê, chiūsī SiōngChú tī chhòngsè íchêng to̍h tiāⁿ tio̍h beh hō͘ lán tit tio̍h êngkng. 8 Chit sèkan ê chiángkoânchiá bô chi̍tê bat chitê tìhūi, in nā bat chiū bē chiong êngkng ê Chú tèngsí tī si̍pjīkè. 9 Chiàu Sèngkeng só͘ kìchài: SiōngChú ūi tio̍h thiàⁿ I ê lâng só͘ chúnpī ê, sī ba̍kchiu m̄ bat khòaⁿ tio̍h, hīⁿkhang m̄ bat thiaⁿ tio̍h, lâng ê simkoaⁿ liāusióng bē kàu.ê.( chù: ISA 64:4) 10 M̄ koh SiōngChú ū thongkòe SèngSîn chiong chiahê tāichì kā lán khésī, inūi SèngSîn bānsū lóng chai kah chin thiatté, liân SiōngChú chhimò ê chíì mā lóng chai. 11 Taⁿ lâng ê tāichì chíū i kakī ê simlêng chiah ē chai; chhinchhiūⁿ ánne SiōngChú ê tāichì mā chíū SiōngChú ê SèngSîn chiah ē chai. 12 M̄ koh lán só͘ niásiū ê m̄ sī sèkan ê lêng, sī tùi SiōngChú lâi ê SèngSîn, beh hō͘ lán chai SiōngChú pe̍hpe̍h siúⁿsù hō͘ lán ê untián. 13 Só͘í goán tùi lêngsèng ê lâng káisoeh lêngsèng ê tāichì, m̄ sī ēng lâng só͘ kà tìhūi ê ōe, sī ēng SèngSîn só͘ kàsī ê ōe. 14 M̄ koh sio̍k hiatkhì ê lâng bē tàng niásiū SiōngChú ê SèngSîn ê unsù, in chiahê unsù khòaⁿchò sī gûgōng, mā bôhoattō͘ liáukái, inūi lêngsèng ê lâng chiah ē tàng hiáungō͘. 15 Lêngsèng ê lâng ē tàng phòaⁿtoàn bānhāng sū, m̄ koh i kakī púnsin ê tāichì bôlâng ē tàng kā i phòaⁿtoàn. 16 Sèngkeng ū kìchài: Siáⁿlâng chai Chú ê simì? Siáⁿlâng ē tàng thè I chhut chúì?( chù: ISA 40:13) M̄ koh lán lêngsèng ê lâng ū Kitok ê simchì.