《巴克禮普世版聖經（試讀本）》

 | | | 轉寄

巴克禮普世版（試讀本） 哥林多前書第十三章

作者 巴克禮普世版小組 2015.03.29

Thiàⁿsim
1 Góa nāchún ē hiáu kóng lâng kokchióng ê ōegí, sīmchí thiⁿsài ê imgí, nā bô thiàⁿsim, góa kóngōe to̍h bē su teh kòng tōalô á sī teh phah lâpoa̍h. 2 Góa nāchún ū thoân hokim ê unsù, iūkoh liáukái só͘ū ê òbiāu kah tìsek, sīmchí ū kiankiông ê sìnsim thang îsan tóhái, nā bô thiàⁿsim, góa chiū lóng bô lō͘ēng. 3 Góa nā chiong só͘ū ê châisán the̍hlâi chínchè, á sī hiàn sengkhu hō͘ hóe sio, nā bô thiàⁿsim, chiahê tāichì tùi góa chiū lóng bô līek. 4 Thiàⁿsim sī gâu khoaniông koh chûpi, ū thiàⁿsim chiū bē oàntò͘, bē khoakháu, bē kiaungō͘, 5 bē chò kiànsiàu ê tāichì, bē kiû kakī ê līek, bē khoài siūkhì, bē khiohhīn, 6 bē ài putgī, chíū ài chinlí. 7 Thiàⁿsim ē pauiông itchhè, tùi ta̍khāng tāichì lóng ū sìnsim, lóng phō ǹgbāng, lóng ē tàng jímsiū. 8 Thiàⁿsim éngoán chûnchāi, m̄ koh thoânkáng sìnsit ê unsù sī chiāmsî ê, hiahê kóng lênggí ê châitiāu ē bô khì, tìsek mā ē bô khì. 9 Inūi lán ê tìsek bô oânchoân, thoânkáng SiōngChú sìnsit ê châitiāu mā bô oânchoân. 10 Oânchoân ê nā kàu, bô oânchoân ê chiū ē siausit khì. 11 Góa chò gín'á ê sî, kóngōe chhinchhiūⁿ gín'á, sèngchêng chhinchhiūⁿ gín'á, ìkiàn chhinchhiūⁿ gín'á. Taⁿ góa íkeng tōalâng ā, chiū chiong gín'á ê tāichì lóng pàngsak. 12 Lán chitmá sī tùi kiàⁿ teh khòaⁿ būbū bô bêng, m̄ koh kàu hit sî chiū ē tngthâu tùibīn khòaⁿ kah chhengchheng chhóchhó. Góa chitmá ê tìsek bô oânchoân, m̄ koh kàu hit sî chiū ē oânchoân liáukái, chhinchhiūⁿ SiōngChú oânchoân liáukái góa. 13 Ánne sìnsim, ǹgbāng, thiàⁿsim chit saⁿhāng ē éngoán chûnchāi, kîtiong siōng tiōngiàu ê sī thiàⁿsim.